Busnes Rhyngwladol, MSc

Bodloni'r galw cynyddol ledled y byd am arbenigedd mewn Busnes Rhyngwladol

myfyrwyr yn gweithio gyda ' i gilydd

Trosolwg o'r Cwrs

Mae mwy o fasnach a Buddsoddi Uniongyrchol o Dramor, teithio, y rhyngrwyd a chyfnewid diwylliannol i gyd wedi rhoi mwy o gyfleoedd i sefydliadau  ehangu'n rhyngwladol, i fanteisio ar gyfleoedd newydd a bodloni'r galw cynyddol yn fyd-eang am nwyddau a gwasanaethau. 

Mae'r rhaglen MSc Busnes Rhyngwladol wedi'i dylunio'n benodol i drin a thrafod y prosesau gofynnol er mwyn i sefydliadau fynd i'r afael â'r heriau a'r materion y mae busnes rhyngwladol yn eu peri, yn enwedig y rhai sy'n ymwneud â strategaeth, mentergarwch, arloesi, marchnata, arweinyddiaeth a chyllid, ond llywodraethu corfforaethol a moeseg hefyd. 

Mae'r rhaglen hefyd yn cynnig cyfleoedd hanfodol 'yn y busnes', drwy'r clinig ar y campws i fusnesau bach, er mwyn ymgymryd â phrosiectau gyda sefydliadau go iawn fel rhan o'r modiwl Ymgynghori â Busnesau Rhyngwladol. Mae hyn yn rhoi mynediad uniongyrchol at fyd diwydiant, er mwyn cynghori ar faterion pob dydd a meithrin profiad a sylfaen sgiliau cysylltiedig sy'n ymwneud â busnes rhyngwladol.  

Pam Busnes Rhyngwladol yn Abertawe?

  • Mae'r Ysgol Reolaeth wedi'i hachredu gan AACSB International, cymdeithas addysg fusnes fwyaf y byd, sy'n cysylltu ysgolion busnes, busnesau a dysgwyr, i greu'r genhedlaeth nesaf o arweinwyr gwych.
  • Caiff pob modiwl ei addysgu gan ein cyfadran o'r radd flaenaf sydd â gwybodaeth ddiwydiannol ac academaidd
  • Yn rhan o adeilad yr Ysgol Reolaeth gwerth £22 miliwn ar Gampws y Bae
  • Mae Astudiaethau Busnes a Rheoli wedi'i roi yn safle 83 yn Nhablau Prifysgolion y Byd QS fesul Pwnc 2025

Eich Profiad Busnes Rhyngwladol

O'r diwrnod cyntaf yn yr Ysgol Reolaeth, byddwn yn gweithio gyda chi er mwyn eich helpu i ddatblygu eich sgiliau a'ch profiad i wella eich rhagolygon gyrfa.

Bydd ein tîm gyrfaoedd penodol yn rhoi'r holl gyngor ar yrfaoedd sydd ei angen arnoch, a hwnnw'n gyngor personol wedi’i deilwra ar eich cyfer. Gallwch gwblhau lleoliad gwaith neu interniaeth  drwy Rwydwaith Interniaeth â Thâl Abertawe (SPIN) neu fenter Wythnos o Waith.

Mae ein holl fyfyrwyr yn elwa o gael eu cyd-leoli â byd diwydiant ar Gampws arloesol y Bae. Mae gan ein cyfleusterau fannau addysgu ac astudio pwrpasol, ynghyd â chyfleusterau TG sylweddol sydd â’r galedwedd a’r feddalwedd arbenigol ddiweddaraf.

Cyfleoedd Cyflogaeth Busnes Rhyngwladol

Mae gennym hanes ardderchog o leoli ein graddedigion gyda chwmnïau amlwladol mawr.

Bydd eich rhaglen Busnes Rhyngwladol yn rhoi cyfleoedd i chi weithio mewn amrywiaeth eang o sectorau a ffynnu yn y farchnad gystadleuol hon sy’n tyfu.  

Gallai eich cam nesaf fod yn unrhyw un o’r rolau hyn:

  • Ymgynghorydd Busnes
  • Rheolwr Datblygu Busnes Rhyngwladol
  • Ymgynghorydd Rheoli
  • Dadansoddwr neu Ymchwilydd

Modiwlau

Bydd myfyrwyr a fydd yn dechrau ym mis Medi neu fis Ionawr yn astudio’r un modiwlau fel rhan o’r rhaglen. Mae’r modiwlau’n cynnwys yr ystod lawn o bynciau sy’n ymwneud â Busnes Rhyngwladol.

Ymwadiad: Gallai'r modiwlau newid