Rheoli Uwch (Arloesedd Cymhwysol), PGCert

Nodyn ar gyfer ymgeiswyr rhyngwladol ac Ewropeaidd: gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.

Rhaid bod myfyrwyr wedi bod yn dilyn rhaglen ddysgu trwy brofiad berthnasol.

Rhaid i fyfyrwyr ennill gradd israddedig 2:1 (neu gymhwyster tramor cyfwerth) a chaiff graddau mewn unrhyw bwnc eu hystyried. Byddem hefyd yn fodlon ystyried ymgeiswyr o gefndiroedd eraill sydd â phrofiad o weithio yn y sector, yn lle'r gofyniad am radd.

Rhaid bod gan fyfyrwyr o leiaf un flwyddyn o brofiad gwaith perthnasol hefyd.

Rhaid i ymgeiswyr nad Saesneg yw eu hiaith gyntaf ennill sgôr IELTS o 6.5 neu'n uwch heb unrhyw gydran sy’n is na 6.0. Os ydych chi wedi astudio gradd israddedig a addysgwyd drwy gyfrwng Saesneg, mae'n bosib na fydd rhaid i chi fodloni'r gofyniad hwn - cliciwch yma am ragor o wybodaeth.

Os ydych chi eisoes wedi cwblhau eich profiad Dringo/Bevan, bydd angen i chi ailedrych ar eich canfyddiadau er mwyn bodloni'r meini prawf asesu ar gyfer y 15 credyd ar Lefel M.

Mae cymeradwyaeth foesegol Prifysgol Abertawe yn orfodol ar gyfer pob prosiect ymchwil. Dylai ymchwil ganolbwyntio ar ymarferwyr yn hytrach na chleifion yn uniongyrchol.  Am ragor o fanylion am ofynion moeseg ymchwil Prifysgol Abertawe, ewch i Moeseg Ymchwil - Prifysgol Abertawe

Dyma'r strwythur ar gyfer asesu'r modiwl: ​
​

Asesiad 1 - Cyflwyniad 10% (20 munud/tua 15 sleid). ​

Dyddiad cau: Ebrill 2025 (yr union ddyddiad i'w gadarnhau)

Asesiad 2 - Ymchwil Unigol, 60% (Adroddiad Prosiect sy'n Seiliedig ar Waith, 8,000 o eiriau)

Asesiad 3 - Adroddiad Myfyriol Unigol, 30% (Adroddiad 1,000 o eiriau)

Dyddiad cau: 30 Medi 2025

Caiff y cwrs hwn ei addysgu i gyd-fynd ag addysgu'r cwrs MSc presennol mewn Rheoli Uwch (Arloesi a Thrawsnewid Iechyd).

Cynhelir rhaglen 2025 o ddydd Llun 10 Mawrth 2025 i ddydd 30 Medi 2025.

Mae'r sesiwn sefydlu AR-LEIN wedi'i threfnu ar gyfer dydd Gwener 21 Chwefror 2025.

Fe'ch gwahoddir i ymuno â 3 gweithdy seminar AR-LEIN ddydd Gwener 14, dydd Gwener 21 a dydd Gwener 28 Mawrth 2025 (13:00 – 15:00)

Cynhelir gweithdy AR Y SAFLE ar Gampws y Bae ddydd Gwener 4 Ebrill 2025. Rydym yn argymell yn gryf eich bod yn ymuno â'r sesiwn ar y safle gan y bydd hon yn cynnwys help a chymorth ar gyfer ysgrifennu eich prosiect sy'n seiliedig ar waith (yn seiliedig ar eich dysgu drwy brofiad) ac yn rhoi cyfle i chi gwrdd â'ch cyd-ddysgwyr a'r tîm academaidd wyneb yn wyneb.

Rydym yn cynghori dysgwyr i wneud pob ymdrech i ymuno â'r seminarau a'r gweithdai ar-lein hyn, er ein bod yn gwerthfawrogi'r her o ran logisteg ac ymrwymiadau na ellir eu rhagweld yn aml. Felly, bydd pob un o'r sesiynau ar-lein yn cael ei recordio a byddant ar gael i'w gwylio, yn ogystal â rhannau o sesiynau gweithdy'r penwythnos.

Dim darpariaeth

Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffet ti roi gwybod i ni bod gennyt ddiddordeb mewn dilyn elfen o'r cwrs trwy gyfrwng y Gymraeg yna e-bostia astudio@abertawe.ac.uk i nodi hynny gan nodi'r flwyddyn mynediad ac fe wnawn ein gorau i weld beth sy'n bosib.

Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r canlynol ar dy gyfer, ac mae cefnogaeth ar gael i ti trwy Academi Hywel Teifi:

• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu yn y Gymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Byddwch yn cael eich addysgu gan dîm o academyddion profiadol o gefndiroedd ymchwil, academaidd a phroffesiynol. Mae eu gwybodaeth a'u harbenigedd helaeth yn berthnasol iawn i gynnwys y modiwl sy'n cael ei addysgu, gan sicrhau eich bod yn dysgu'r wybodaeth ddiweddaraf a mwyaf perthnasol a'ch bod yn datblygu'r wybodaeth, y sgiliau proffesiynol a'r arbenigedd angenrheidiol i lansio'ch gyrfa ym maes rheoli.

Cewch fwy o wybodaeth am ein staff academaidd drwy ddarllen ein proffiliau staff.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Dylech wneud cais drwy system ymgeisio fewnol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Mae Comisiwn Bevan, melin drafod sy'n flaenllaw'n fyd-eang ac sy'n cynghori'r llywodraeth, yn cynnal Rhaglen Esiamplwyr Bevan, sy'n cefnogi ymarferwyr proffesiynol yn y sector iechyd a gofal i roi eu syniadau arloesol ar waith yn eu hymarfer. Mae'r Rhaglen Esiamplwyr yn para 12 mis ac yn darparu hyfforddiant a mentora i ddatblygu sgiliau a llywio ffyrdd o feddwl, gan alluogi Esiamplwyr i drawsnewid gwasanaethau iechyd a gofal o'r tu mewn a chael effaith gadarnhaol ar ofal cleifion, canlyniadau iechyd ac effeithlonrwydd gwasanaethau.

Ar hyn o bryd, mae Bwrdd Iechyd Prifysgol Caerdydd a'r Fro (CVUHB) yn cydweithio ag Academi Dysgu Dwys Cymru Gyfan ar gyfer Arloesi mewn Iechyd a Gofal Cymdeithasol (yr Academi Arloesi). Mae CVUHB yn darparu rhaglen dysgu drwy brofiad o'r enw Climb Programme sy'n dod ag arweinwyr y dyfodol ynghyd am raglen 10 mis. Mae'r cwrs yn ysgogi rhwydweithiau aml-genhedlaeth, yn mynd i'r afael â heriau cymdeithasol ac yn cynnig mynediad at ymchwilwyr, athrawon ac arweinwyr sy'n arwain newid.