Cyllid y Llywodraeth i Ôl-raddedigion

Os ydych yn astudio cwrs Meistr yn Abertawe ar gyfer blwyddyn academaidd 2024-2025, gallech dderbyn benthyciad hyd at uchafswm o £18,950. 

Pwy sy'n gymwys? 

I fod yn gymwys i dderbyn Benthyciad Meistr Ôl-raddedig, bydd yn dibynnu ar y canlynol: 

• eich cenedligrwydd a ble rydych yn byw 

• eich cwrs 

• eich prifysgol neu goleg 

• eich oedran 

• eich astudiaethau blaenorol 

I wirio a ydych yn gymwys, ewch i: www.cyllidmyfyrwyrcymru.co.uk/cyllid-ol-raddedig/meistr/pwy-sy-n-gymwys

Ceisiadau ac ad-daliadau 

Caiff yr arian ei dalu i'ch cyfrif banc mewn 3 rhandaliad, fel arfer unwaith ar ddechrau pob tymor. Os bydd eich cwrs yn para am fwy na blwyddyn, caiff yr arian ei rannu'n gyfartal ar draws pob blwyddyn eich cwrs. 

Bydd yn rhaid i chi ad-dalu unrhyw fenthyciad, gan gynnwys llog, unwaith byddwch wedi gorffen neu adael eich cwrs. 

I gyflwyno cais, ewch i: www.cyllidmyfyrwyrcymru.co.uk/cyllid-ol-raddedig/meistr/sut-mae-gwneud-cais-a-phryd

I gael mwy o wybodaeth, ewch i wefan Cyllid Myfyrwyr Cymru neu ffoniwch Cyllid Myfyrwyr Cymru ar: 0300 100 0494 

Mae Student Finance England yn darparu benthyciadau ôl-raddedig i fyfyrwyr sy'n byw yn Lloegr sy'n dechrau cwrs ar lefel meistr mewn unrhyw Brifysgol yn y DU (gan gynnwys Abertawe) o fis Medi 2024.  

Gallech fenthyg hyd at £12,471 tuag at gostau astudio am gymhwyster ôl-raddedig, gan gynnwys ffioedd dysgu a chostau byw (sy'n cael eu talu'n uniongyrchol i chi). 

Pwy sy'n gymwys? 

I fod yn gymwys, bydd yn dibynnu ar y canlynol: 

• eich cwrs 

• eich oedran 

• eich cenedligrwydd neu eich statws preswylio 

Gwiriwch eich cymhwysedd nawr. 

Ewch i Student Finance England am ragor o wybodaeth. Gallwch hefyd gael rhagor o wybodaeth am y cynllun benthyciadau i ôl-raddedigion drwy ddod i un o'n Diwrnodau Agored i Fyfyrwyr Ôl-raddedig. 

Gall myfyrwyr o'r Alban sy'n dymuno astudio ym Mhrifysgol Abertawe fod yn gymwys i gael benthyciad hyd at £13,900 i astudio gradd Meistr neu Ddiploma Ôl-raddedig.   

Ceir rhagor o wybodaeth am gymhwysedd ar wefan Student Awards Agency Scotland .

Mae Student Finance NI yn darparu benthyciadau gwerth hyd at £6,500 i fyfyrwyr sy’n byw yng Ngogledd Iwerddon ac sydd am astudio cyrsiau ôl-raddedig (hyd at lefel Meistr) mewn prifysgol yn y DU (gan gynnwys Prifysgol Abertawe).

Ceir rhagor o wybodaeth am gymhwysedd ar wefan Student Finance NI.

Bydd modd i fyfyrwyr astudio a chyflawni lleoliadau gwaith ar draws y byd trwy gynllun newydd sbon, cynllun Turing, sy’n disodli cyfranogaeth y Deyrnas Unedig yn rhaglen Erasmus+.   

Mae rhaglen cyfnewid dysgu rhyngwladol Llywodraeth Cymru, Taith, hefyd ar gael i fyfyrwyr o Gymru.

Myfyrwyr o Gymru: am ragor o wybodaeth ac i wneud cais, ewch i wefan Cyllid Myfyrwyr Cymru.

Myfyrwyr o Loegr: am ragor o wybodaeth ac i wneud cais, ewch i'r wefan gov.uk.

Sylwer, bod benthyciadau doethurol wedi’u dylunio i gyd-fynd â ffynonellau ariannu eraill felly efallai yr hoffech chi archwilio ffynonellau ariannu eraill a chyfleoedd gwaith â thâl yn ystod eich astudiaethau. 

Mae benthyciadau doethurol ar gyfer myfyrwyr newydd sy'n astudio rhaglenni ar lefel PhD bellach ar gael:

Myfyrwyr o Gymru:

Dyma rai o nodweddion allweddol y cynllun benthyciadau:

• Cewch fenthyca hyd at £28,655 tuag at gost unrhyw raglen ar lefel PhD
• Ar gael i ymgeiswyr sy’n byw yng Nghymru, sy'n 59 oed neu'n iau nad ydynt yn derbyn ysgoloriaeth gan y Cyngor Ymchwil
• Ar gael ar gyfer rhaglenni mewn Prifysgol yn y DU sy'n dyfarnu graddau PhD (gan gynnwys Prifysgol Abertawe)
• Swm yr ad-daliadau yw 6% o'r incwm dros £21,000 y flwyddyn (ar y cyd â benthyciad gradd meistr a/neu israddedig os yw'n berthnasol)
• Nid yw myfyrwyr sydd eisoes wedi ennill cymhwyster ar lefel PhD yn gymwys i wneud cais am fenthyciad
• Rhaid bod eich cwrs yn rhaglen PhD gyflawn, a rhaid nad yw'n cynnwys elfen 'atodol' o gymhwyster meistr, megis Meistr drwy Ymchwil neu MPhil.
• Ar gael ar gyfer rhaglenni amser llawn neu ran-amser
• Nid yw'n destun prawf modd

Rhagor o wybodaeth am gynllun benthyciadau PhD Cymru.

Myfyrwyr o Loegr:

Dyma rai o nodweddion allweddol y benthyciad:

• Cewch fenthyca hyd at £29,390 tuag at gost unrhyw raglen ar lefel PhD
• Ar gael i fyfyrwyr sy'n byw yn Lloegr, sy'n 59 oed neu'n iau nad ydynt yn derbyn ysgoloriaeth gan y Cyngor Ymchwil
• Ar gael ar gyfer rhaglenni mewn Prifysgol yn y DU sy'n dyfarnu graddau PhD (gan gynnwys Prifysgol Abertawe)
• Swm yr ad-daliadau yw 6% o'r incwm dros £21,000 y flwyddyn (ar y cyd â benthyciad gradd meistr a/neu israddedig os yw'n berthnasol)
• Nid yw myfyrwyr sydd eisoes wedi ennill cymhwyster ar lefel PhD yn gymwys i wneud cais am fenthyciad
• Rhaid bod eich cwrs yn rhaglen PhD gyflawn, a rhaid nad yw'n cynnwys elfen 'atodol' o gymhwyster meistr megis Meistr drwy Ymchwil neu MPhil.
• Ar gael ar gyfer rhaglenni amser llawn neu ran-amser
• Nid yw'n destun prawf modd

Rhagor o wybodaeth am gynllun benthyciadau PhD Lloegr.

Myfyrwyr o Gymru: am ragor o wybodaeth ac i wneud cais, ewch i wefan Cyllid Myfyrwyr Cymru

Myfyrwyr o Loegr: am ragor o wybodaeth ac i wneud cais, ewch i'r wefan gov.uk