Cyllid y GIG i Ôl-raddedigion

Os ydych yn hapus i ymrwymo i weithio yng Nghymru am ddwy flynedd ar ôl graddio, byddwch yn gymwys i dderbyn cyllid gan Gynllun Bwrsariaethau GIG Cymru.

Dylech gyflwyno cais am eich bwrsariaeth GIG cyn gynted â phosib ar ôl i chi dderbyn cynnig cadarn gan eich prifysgol o ddewis. Y dyddiad hwyraf i gyflwyno cais am gyllid yw chwe wythnos ar ôl dechrau'r cwrs.

Pa gyllid sydd ar gael drwy Gynllun Bwrsariaethau GIG Cymru?

Ffioedd Dysgu

Mae'r GIG yn talu'ch ffioedd dysgu'n llawn felly ni fydd angen i chi dalu ffïoedd dysgu.

Cyllid Cynhaliaeth y GIG

Mae cyllid ar gael gan y GIG hefyd ar ffurf grant o £1,000 nad yw'n destun prawf modd a bwrsariaeth o hyd at £4651 sy'n destun prawf modd. Bydd swm y fwrsariaeth y byddwch yn ei dderbyn yn dibynnu ar hyd eich cwrs ac incwm eich cartref.

Yn ogystal, gall myfyrwyr gyflwyno cais am nifer o grantiau atodol ychwanegol os ydynt yn bodloni meini prawf penodol. Mae’r grantiau hyn yn seiliedig ar brawf modd ac maent yn cynnwys:

Lwfans Dibynyddion
Lwfans Dysgu i Rieni
Lwfans Gofal Plant

PWYSIG – Sylwer na chaiff rhandaliad cyntaf cyllid y GIG ei dalu tan ddiwedd ail fis eich cwrs fel arfer.

Mae Gwasanaethau Dyfarniadau Myfyrwyr yn gweithredu Cynlluniau Bwrsariaeth GIG Cymru sy'n darparu cyllid ar gyfer myfyrwyr gofal iechyd ar gynlluniau a ariennir gan y GIG yng Nghymru. Os ydych yn ystyried gyrfa broffesiynol mewn gofal iechyd a hoffech wybod mwy am y cymorth ariannol y byddwch yn ei gael yn ystod eich hyfforddiant, cysylltwch â:

Ymholiadau Bwrsariaeth – Ffôn: 02920 905380
E-bost: abm.sas@wales.nhs.uk  
Gwefan:Gwasanaethau Dyfarniadau Myfyrwyr – Partneriaeth Gwasanaethau a Rennir GIG Cymru

Benthyciadau Myfyrwyr

Ni fydd myfyrwyr o Gymru sy'n cael mynediad at Gynllun Bwrsariaethau GIG Cymru'n gallu cael mynediad at fenthyciadau gan Gyllid Myfyrwyr i helpu gyda chostau byw ar gyfer y MSc Nyrsio.
Mae myfyrwyr o Loegr sy'n cyflwyno cais i Gynllun Bwrsariaethau GIG Cymru'n gallu cael mynediad at fenthyciad cynnal a chadw gwerth £2,534 sy'n destun prawf modd ar gyfradd is. Bydd angen cyflwyno cais i Student Finance England. Bydd myfyrwyr sydd wedi astudio’n flaenorol neu sydd eisoes â chymhwyster gradd YN gymwys o hyd i dderbyn y benthyciad hwn.

Cyllid arall

Mae Prifysgol Abertawe yn cynnig cymorth pellach i fyfyrwyr ag ystyriaethau ychwanegol, megis gofalwyr a gadawyr gofal drwy ein bwrsariaethau StudentPlus

Hyd yn oed os na allwch chi ymrwymo i weithio yng Nghymru, bydd angen i chi gofnodi eich bwriad i astudio a chofrestru eich penderfyniad ar system gofrestru Gwasanaethau Dyfarniadau Myfyrwyr NWSSP Addysg Iechyd Cymru. Os na fyddwch yn cofrestru drwy’r System, ni fyddwch yn gymwys i hawlio’r holl arian sydd ar gael i chi fel myfyriwr.

Myfyrwyr sy'n byw yng Nghymru – Cewch gyflwyno cais am Fenthyciad i Ôl-raddedigion, sy’n darparu hyd at uchafswm o £18,025 (a rennir dros 2 flynedd) a fydd yn talu costau dysgu a chynhaliaeth. Am ragor o wybodaeth, ewch i'n Tudalen Benthyciadau Ôl-raddedig.

Myfyrwyr sy’n byw yn Lloegr – Mae rhai cyrsiau gofal iechyd ôl-raddedig yn gymwys am gymorth israddedig. Golyga hyn y gallwch chi gyflwyno cais am Cyllid y GIG i Ôl-raddedigion - Prifysgol Abertawe (swansea.ac.uk). 

Er nad ydych yn derbyn Cynllun Bwrsariaethau GIG Cymru, gallwch gael mynediad i system gymorth y GIG ar gyfer costau teithio a llety sy'n gysylltiedig â lleoliadau gwaith.

PWYSIG – Mae’r rheolau astudio blaenorol yn wahanol gan ddibynnu ar y cyllid rydych yn bwriadu ei gyrchu. Os ydych eisoes wedi astudio mewn Addysg Uwch ac yn dymuno cael mynediad at fenthyciadau a grantiau i fyfyrwyr, dylech gysylltu ag Arian@BywydCampws i drafod eich amgylchiadau cyn cyflwyno cais am gyllid.

Astudiaethau – Os byddwch chi'n derbyn Bwrsariaeth GIG Cymru ac yn tynnu'n ôl o astudio oherwydd methiant academaidd, methiant lleoliad, diffyg ffitrwydd i ymarfer (salwch), ni fyddwch yn atebol am ad-daliadau. Ond, os byddwch chi'n penderfynu gadael y cwrs oherwydd nad dyma'r cwrs iawn i chi, bydd yn rhaid i chi ad-dalu elfen o'r cyllid a dderbyniwyd gennych drwy Gynllun Bwrsariaethau GIG Cymru. Bydd hyn ar raddfa symudol i adlewyrchu'r costau yr aethpwyd iddynt hyd yn hyn.

Cyflogaeth - Os ydych chi wedi derbyn cyllid gan Gynllun Bwrsariaeth GIG Cymru ac yn gadael eich cyflogaeth yng Nghymru cyn i'r 2 flynedd ddod i ben, caiff yr ad-daliad a wneir gennych ei gyfrifo’n seiliedig ar raddfa symudol i adlewyrchu'r cyfnod o amser y buoch chi'n gweithio yng Nghymru.

Ad-dalu

Os byddwch chi'n atebol i ad-dalu'r holl gyllid a dderbynioch chi gan Gynllun Bwrsariaeth GIG Cymru, neu ran ohono, bydd angen ad-dalu’r ddyled o fewn 3 mis o dderbyn hysbysiad. Yr unigolyn sy’n gyfrifol am ariannu ad-daliad o’r fath. Caiff costau teithio, llety ychwanegol, costau gofal plant, lwfansau myfyrwyr anabl, lwfans dibynyddion a'r lwfans dysgu i rieni eu heithrio o ad-daliadau.

Am ragor o wybodaeth am y symiau ad-dalu sylfaenol, gweler Atodiad 2 Cwestiynau Cyffredin Cynllun Bwrsariaethau GIG Cymru.

Mae'r rhaglen Cydymaith Meddygol (PA) wedi'i chefnogi ar hyn o bryd gan fwrsariaeth Llywodraeth Cymru'n unig – nid oes lleoedd hunan-ariannu. Mae Llywodraeth Cymru'n cynnig lleoedd wedi'u hariannu'n llawn ar y rhaglen Meddyg Cysylltiol i fyfyrwyr sy'n fodlon ymrwymo i gyfnod o 18 mis o gyflogaeth yng Nghymru yn dilyn ennill y cymhwyster. Gall myfyrwyr dim ond gyrchu cyllid y GIG ar gyfer y cwrs hwn os caiff lle ei gynnig iddynt. NID yw cyllid ychwanegol, megis y benthyciad cynhaliaeth gan Gyllid Myfyrwyr, ar gael i fyfyrwyr ar y cwrs hwn.

Gellir darllen gwybodaeth lawn ar dudalen y cwrs Cydymaith Meddygol.