Aerospace Engineering, PhD Dysgu o Bell

Manylion Allweddol y Cwrs

Ph.D. Distance Learning 3 Blynedd Llawn Amser

Dull Astudio: Dysgu o Bell
Lleoliad: Campws Bae

Dyddiad Dechrau	Ffioedd Dysgu - Blwyddyn 1
Hyd 2024	£ 4,786
Hyd 2025	£ 4,900

Ph.D. Distance Learning 3 Blynedd Llawn Amser

Dull Astudio: Dysgu o Bell
Lleoliad: Campws Bae

Dyddiad Dechrau	Ffioedd Dysgu - Blwyddyn 1
Hyd 2024	£ 23,100
Hyd 2025	£ 23,800

Aerospace Engineering, PhD Dysgu o Bell

100 gorau yn y Byd ar gyfer Peirianneg - Fecanyddol, Awyrofod a Gweithgynhyrchu

QS World University Rankings 2023

Trosolwg o'r Cwrs

Mae'r PhD mewn Peirianneg Awyrofod - Dysgu o Bell yn ddarostyngedig i'r un rheoliadau yn y Brifysgol â'r rhaglen PhD arferol, heblaw am y ffaith y gellir cynnal pob cyfarfod â'r goruchwylwyr academaidd ac aelodau perthnasol eraill o staff Prifysgol Abertawe ar-lein. Mae croeso i'r myfyriwr ymweld â Phrifysgol Abertawe ond nid oes rhaid gwneud hyn oni bai y rhoddir cyfarwyddyd arall neu mewn amgylchiadau pan fydd angen presenoldeb ar y campws.

Dyddiadau dechrau: PhD/MPhil - 1 Hydref, 1 Ionawr, 1 Ebrill a 1 Gorffennaf.

Mae ein technoleg sy'n arwain y ffordd yn fyd-eang wedi cyfrannu at nifer o brosiectau cyffrous, gan gynnwys aerodynameg y car sy'n dal record cyflymder tir y byd ar hyn o bryd, Thrust SSC, a'r car a fydd yn dal y record yn y dyfodol, a dylunio’r uwch-jet deulawr, Airbus A380.

Mae ymchwil ym maes peirianneg ym Mhrifysgol Abertawe yn amlddisgyblaethol ei natur, gan gynnwys ein cryfderau mewn meysydd ymchwil ar draws y disgyblaethau peirianneg.

Mae mecaneg yn sail i'r rhan fwyaf o brosiectau PhD ac MPhil yn y disgyblaethau peirianneg hyn.

Mae Prifysgol Abertawe'n darparu sylfaen ardderchog ar gyfer eich ymchwil fel myfyriwr PhD neu MPhil mewn Peirianneg Awyrofod.

Dyma rai o deitlau’r traethodau ymchwil PhD a gwblhawyd yn ddiweddar dan oruchwyliaeth ym maes Peirianneg Awyrofod ym Mhrifysgol Abertawe:

Uncertainty Quantification for Complex Engineering Structures: Statics and Dynamics
The Application of Composite Corrugated Panels to Morphing Aircraft
On the Isogeometric Finite Element Method
Design, Modelling and Optimisation of Morphing Structures for MALE UAVS
Rolling contact fatigue detection via high frequency acoustic emission
Development of Numerical Schemes to improve the efficiency of CFD Simulation of High Speed Viscous Aerodynamic Flows

Gofynion Mynediad

MPhil: Fel arfer rhaid i ymgeiswyr am y rhaglen MPhil feddu ar radd israddedig ar lefel 2.1 (neu gymhwyster tramor cyfwerth yn unol â diffiniad Prifysgol Abertawe) mewn Peirianneg neu ddisgyblaeth wyddonol debyg berthnasol. Gweler - Gwybodaeth i Ymgeiswyr o Ewrop sy'n benodol i'r wlad 2019 a Gwybodaeth i ymgeiswyr rhyngwladol sy'n benodol i'r wlad 2019.

PhD: Fel arfer rhaid i ymgeiswyr am y rhaglen PhD feddu ar radd israddedig ar lefel 2.1 (neu gymhwyster tramor cyfwerth yn unol â diffiniad Prifysgol Abertawe) mewn Peirianneg neu ddisgyblaeth wyddonol debyg berthnasol. Gweler - Gwybodaeth i Ymgeiswyr o Ewrop sy'n benodol i'r wlad 2019 a Gwybodaeth i ymgeiswyr rhyngwladol sy'n benodol i'r wlad 2019.

Iaith Saesneg
IELTS 6.5 yn gyffredinol (5.5+ ym mhob cydran) neu gymhwyster cyfwerth a gydnabyddir gan Brifysgol Abertawe. Mae manylion llawn ein polisi Iaith Saesneg, gan gynnwys am faint o amser y mae tystysgrifau'n ddilys, ar gael yma.

Rydym yn croesawu ceisiadau gan ddarpar fyfyrwyr o bedwar ban byd a gofynnwn am dystiolaeth o astudio blaenorol cyfwerth â'r gofynion mynediad a nodir uchod. Mae'r Swyddfa Derbyn Myfyrwyr Ôl-raddedig yn hapus i’ch cynghori ynghylch addasrwydd eich cymwysterau i'ch derbyn i’r cwrs yr hoffech ei astudio. E-bostiwch admissions@abertawe.ac.uk am ragor o wybodaeth.

Yn ogystal â chymwysterau academaidd, gellir seilio penderfyniadau ynghylch derbyn myfyrwyr ar ffactorau eraill, gan gynnwys ond heb fod yn gyfyngedig i: safon y crynodeb/cynnig ymchwil, perfformiad yn ystod y cyfweliad, lefel y gystadleuaeth am leoedd cyfyngedig a phrofiad proffesiynol perthnasol.

Angen Tystysgrif y Cynllun Cymeradwyo Technoleg Academaidd (ATAS)

Mae’n ofynnol i ymgeiswyr o’r tu allan i’r DU/yr UE gael cymeradwyaeth ATAS am y rhaglen astudio hon. Bydd tîm Derbyn Ymchwil Ôl-raddedig y Brifysgol yn anfon manylion am sut i wneud cais ATAS at ymgeiswyr llwyddiannus. Gellir gweld manylion pellach am gynllun ATAS ar dudalen we Cynllun Cymeradwyo Technoleg Academaidd y Llywodraeth.

Gofyniad am eirda

Yn arferol, gofynnir am ddau eirda cyn y gallwn anfon ceisiadau i Diwtor Derbyn rhaglenni ymchwil y Coleg/Ysgol i'w hystyried.

Caiff ceisiadau a dderbynnir heb ddau eirda wedi'u hatodi atynt eu gohirio nes y derbynnir y geirda sy'n weddill. Sylwer y gall oedi hir wrth dderbyn y geirda sy'n weddill arwain at ohirio'ch cais tan ddyddiad cychwyn/mis derbyn posib diweddarach, o'i gymharu â'r dyddiad y rhestroch yn gychwynnol fel y dyddiad dechrau o'ch dewis.

Efallai yr hoffech ystyried cysylltu â'ch canolwr (canolwyr) i'n cynorthwyo wrth dderbyn y geirda sy'n weddill neu, fel arall, gallwch ohirio cyflwyno'ch cais nes eich bod wedi dod o hyd i'ch geirda. Sylwer nad cyfrifoldeb Swyddfa Derbyn y Brifysgol yw dod o hyd i'r geirda sy'n weddill ar ôl i ni anfon e-bost cychwynnol at y canolwyr (canolwyr) a enwebwyd gennych, gan ofyn am eirda ar eich rhan chi.

Gall y geirda hwn fod ar ffurf llythyr ar bapur pennawd swyddogol neu gellir ei gyflwyno ar ffurflen geirda safonol y Brifysgol. Cliciwch ar y ddolen hon i lawrlwytho ffurflen geirda'r Brifysgol.

Fel arall, gall canolwyr anfon geirda mewn e-bost o'u cyfrif e-bost gwaith. Sylwer na ellir derbyn geirda a anfonir oddi wrth gyfrifon e-bost preifat, (h.y. Hotmail, Yahoo, Gmail).

Gellir cyflwyno geirda i pgradmissions@abertawe.ac.uk.

Sut rydych chi'n cael eich goruchwylio

Bydd eich goruchwyliwr yn:

Eich helpu i ddatblygu eich cynllun ymchwil yng nghamau cynnar eich PhD
Rhoi cyngor ar nodau ac amcanion ymchwil ac yn awgrymu cyrsiau hyfforddiant neu sgiliau perthnasol
Rhoi cyfarwyddwyd o ran llenyddiaeth a ffynonellau perthnasol
Rhoi arweiniad o ran casglu, cofnodi a dadansoddi data
Goruchwylio eich gwaith ysgrifenedig, gan gynnig beirniadaeth adeiladol a sicrhau eich bod yn cadw at ddyddiadau cau
Rhoi cymorth a chyngor pan fyddwch yn cyflwyno papurau mewn cynadleddau, yn cyhoeddi eich gwaith ac yn mynd i’ch viva (yr arholiad llafar terfynol ar eich traethawd ymchwil)

Dewch o hyd i'ch goruchwyliwr drwy ein Cyfeiriadur Arbenigedd.

Darpariaeth Gymraeg

Ffioedd Dysgu

Dyddiad Dechrau	D.U.	Rhyngwladol
Hydref 2024	£ 4,786	£ 23,100
Hydref 2025	£ 4,900	£ 23,800

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Noder: Mae ffi 2025/2026 y DU yn ddangosol hyd nes y ceir cadarnhad gan UKRI.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

Mae arian gan y llywodraeth bellach ar gael ar gyfer myfyrwyr o Gymru, Lloegr a'r UE sy'n dechrau ar raglenni ymchwil Ôl-raddedig ym Mhrifysgol Abertawe. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Sut i wneud cais

Ar ôl i chi nodi maes pwnc yr hoffech weithio ynddo, argymhellwn eich bod yn cyflwyno cynnig ymchwil ac yn ei drafod â Thiwtor Mynediad ar gyfer y pwnc cyn cyflwyno cais. Gallwch e-bostio fse-recruitment@swansea.ac.uk i fynegi eich diddordeb mewn gwneud PhD neu MPhil Peirianneg Awyrofod.

Cyflwynwch gais ar-lein a dilynwch hynt eich cais am PhD neu MPhil mewn Peirianneg Awyrofod www.swansea.ac.uk/cy/ol-raddedig/gwneud-cais/sut-i-wneud-cais/applyonline

Os ydych yn fyfyriwr rhyngwladol, mae rhagor o wybodaeth am gyflwyno cais am y rhaglen PhD neu'r rhaglen MPhil mewn Peirianneg Awyrofod ar gael yn www.swansea.ac.uk/international/students/apply

Amseroedd Arfaethedig ar gyfer Cyflwyno Cais

Er mwyn caniatáu digon o amser i'ch cais gael ei ystyried gan academydd, ac i ganiatáu i amodau cynnig posib megis teithio/adleoli gael eu bodloni, argymhellwn eich bod yn cyflwyno cais cyn y dyddiadau a nodir isod. Sylwer y gellir cyflwyno ceisiadau y tu allan i'r dyddiadau a awgrymir isod o hyd, ond mae'n bosib y gall fod angen gohirio'ch cais/eich cynnig posib i'r dyddiad derbyn priodol nesaf.