Economi a Chymdeithas Ddigidol-Cyfrifiad: Ysgoloriaeth PhD wedi'i hariannu'n llawn yn Ysgol Graddedigion Cymru ar gyfer y Gwyddorau Cymdeithasol (YGGCC) Economi Ddigidol a Chymdeithas (RS886)

Darparwyr y cyllid: YGGCC YR ESRC 50%; Prifysgol Abertawe 50% 

Y meysydd pwnc: Ysgoloriaeth YGGCC yr ESRC Economi Ddigidol a Chymdeithas – Llwybr Cyfrifiadureg 

Dyddiadau dechrau'r prosiect: 1 Hydref 2026 (cofrestru ar agor o ganol mis Medi) **(Gweler y nodyn isod ynghylch dyddiadau dechrau hwyrach posibl). 

Mae'r ysgoloriaeth ymchwil hon yn ddyfarniad 'agored'. Dylai ymgeiswyr ystyried cysylltu â darpar oruchwyliwr cyn iddynt gyflwyno eu cais i gadarnhau bod goruchwyliwr ar gael yn y Brifysgol ac i drafod eu cais drafft. Mae gwybodaeth am ddiddordebau ymchwil ein staff ar gael ar wefan Prifysgol Abertawe. Mae disgrifiadau byr o bob llwybr achrededig i'w gweld ar wefan Partneriaeth Hyfforddiant Doethurol Cymru YGGCC yr ESRC. Efallai y bydd cynrychiolydd y llwybr yn Abertawe, Dr Matt Roach, m.j.roach@abertawe.ac.uk , yn gallu rhoi cyngor i chi. 

Rhaglen astudio sy'n cydweddu: PhD mewn Cyfrifiadureg 

Disgrifiad o'r Prosiect: 
Mae'r llwybr hwn yn gwahodd ceisiadau gan fyfyrwyr sydd â diddordeb mewn ymgymryd â phrosiectau rhyngddisgyblaethol sy'n cynnwys elfennau o fethodolegau gwyddor gyfrifiadol yng nghyd-destun heriau gwyddor gymdeithasol gan rychwantu cylchoedd gorchwyl ESRC ac EPSRC Sefydliad Ymchwil y DU. Nod y llwybr hwn yw datblygu arbenigedd ym maes ymchwilio i ymddygiad dynol, gan gyfuno dulliau dadansoddol meintiol a digidol uwch, a'u cymhwyso i ddata a gynhyrchir drwy olion traed digidol, gydag ymchwil ansoddol i ryngweithio mewn mannau ar-lein. Dylai prosiectau gynnwys strategaethau sy'n amrywio o ddadansoddi postiadau yn y cyfryngau cymdeithasol i olrhain symudiadau yn oddefol drwy ddata o fesurydd cyflymu, a gwerthuso sut mae systemau cymdeithasol-dechnegol presennol a rhai sy'n datblygu yn ymateb i ryngweithiadau penodol rhwng pobl ac algorithmau ac yn dylanwadu arnynt. Ar ben hyn, mae prosiectau sy'n edrych ar sut mae'r awydd am ffyrdd newydd o fynegi anghenion economaidd a chymdeithasol yn gallu sbarduno datblygiadau mewn technoleg ddigidol a'u cymwysiadau yn addas hefyd. Mae meysydd craidd i brosiectau ganolbwyntio arnynt yn cynnwys: Problemau iechyd a gofal cymdeithasol; cymunedau cyfyngedig; busnes ac arloesi Seiberddiogelwch; a throseddu a diogelwch;  

Bydd myfyrwyr yn elwa o gael eu goruchwylio ar y cyd gan dimau amlddisgyblaethol mewn sefydliadau addysg uwch a rhyngddynt. Cefnogir y llwybr gan yr adrannau canlynol: Gwyddorau Cymdeithasol (Caerdydd); Cyfrifiadureg; Y Gyfraith (Abertawe, gyda chyllid gan Innovate UK ac NIHR) a chan y canolfannau hyn: y Ffowndri Gyfrifiadol; Canolfan Hyfforddiant Doethurol EPIC yr EPSRC (Abertawe); Y Labordy Gwyddor Data Cymdeithasol a'r HateLab (ill dau'n fuddsoddiadau data'r ESRC); a'r Sefydliad Trawsnewid Digidol (Caerdydd). Mae'n parhau â'r cydweithrediad llwyddiannus rhwng Caerdydd ac Abertawe yn DTP2.

I dderbyn cyllid ysgoloriaeth ymchwil gan yr  YGGCC, rhaid bod gennych gymwysterau neu brofiad sy'n gyfwerth â gradd anrhydedd ar lefel dosbarth cyntaf neu ail ddosbarth uwch, neu radd Meistr gan sefydliad ymchwil academaidd yn y DU. Croesewir ceisiadau hefyd gan fyfyrwyr â chefndiroedd academaidd anhraddodiadol. 

Nodyn ar gyfer ymgeiswyr rhyngwladol ac Ewropeaidd: gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol. 

Mae ysgoloriaethau ymchwil YGGCC ar gael i fyfyrwyr cartref a rhyngwladol. Gall hyd at 30% o'n carfan fod yn fyfyrwyr rhyngwladol. Ni fydd yn rhaid i fyfyrwyr rhyngwladol dalu'r gwahaniaeth rhwng ffïoedd i fyfyrwyr o'r DU a'r gyfradd ryngwladol. Dylai ymgeiswyr fodloni gofynion cymhwysedd yr UKRI.     

Yr Iaith Saesneg: IELTS 6.5 yn gyffredinol (gyda sgôr o 6.5 neu’n uwch ym mhob elfen unigol) neu gymhwyster a gydnabyddir yn gyfwerth gan Brifysgol Abertawe. Am ragor o wybodaeth, gweler y Gofynion Iaith Saesneg - Prifysgol Abertawe. 

Mae'r ysgoloriaeth ymchwil a ariennir gan yr ESRC yn talu ffioedd dysgu a lwfans byw blynyddol di-dreth yn unol â chyfraddau isafswm UKRI (£20,780 ar hyn o bryd ar gyfer 2025/26) ac mae'n cynnwys Grant Cymorth Hyfforddiant Ymchwil. 

 Os oes gennych anabledd, efallai y bydd gennych hawl i'r Lwfans i Fyfyrwyr Anabl ar ben eich ysgoloriaeth ymchwil.Lwfans Myfyrwyr Anabl (DSA) 

I gyflwyno cais, cwblhewch y ffurflen gais gyfan, drwy ddilyn y ddolen hon: Cwblhewch eich cais yma yn y Porth Dysgwr (hyperddolen) 

 https://learner.swansea.ac.uk/urd/sits.urd/run/siw_ipp_lgn.login?process=siw_ipp_app&code1=PL29XPF1&code2=0001 

I gael eich ystyried am ddyfarniad yr ysgoloriaeth hon, rhaid cymryd y camau canlynol hefyd. 

1) Yn yr adran 'Gwybodaeth am y Rhaglen', nodwch Gôd yr Ysgoloriaeth Ymchwil perthnasol ar gyfer dyfarniad yr ysgoloriaeth h.y. RS886 

2) Yn yr adran 'Ymchwil' byddwch chi'n gweld 'Teitl y prosiect/ysgoloriaeth ymchwil arfaethedig'* (Gorfodol) 

• Yn yr adran 'Teitl y prosiect/ysgoloriaeth ymchwil arfaethedig' nodwch:  
  • y côd RS886 a 
  • theitl yr ysgoloriaeth   
• Gadewch faes y Goruchwyliwr Arfaethedig yn wag 
• Gadewch faes y Prosiect Ymchwil (os yw’n berthnasol) yn wag 
• Yn y maes 'Oes gennych chi gynnig i'w lanlwytho?*' (Gorfodol), dewiswch Oes 
• Yna lanlwythwch gopi o'r hysbyseb (gallwch gadw’r hysbyseb drwy glicio argraffu, ac yna ei argraffu i pdf) 

3) Yn yr adran 'Gwybodaeth am Gyllid' dewiswch yr opsiwn 'Cyllid Ysgoloriaeth' yn unig. Sicrhewch nad oes unrhyw opsiynau eraill yn cael eu dewis.  

*Cyfrifoldeb yr ymgeisydd yw rhestru'r wybodaeth uchod yn gywir wrth gyflwyno cais, sylwer na chaiff ceisiadau a dderbynnir heb yr wybodaeth a restrir uchod eu hystyried am ddyfarniad yr ysgoloriaeth. 

Os ydych chi wedi gwneud cais am y rhaglen hon o'r blaen, bydd y system yn dangos rhybudd “Cais Wedi’i Gyflwyno” ac yn rhwystro cyflwyniad newydd. Yn yr achos hwn: 

1. Gwnewch gais am yr un cwrs gyda'r dyddiad cychwyn nesaf sydd ar gael (e.e., dewiswch Ionawr os nad yw Hydref ar gael). 
2. E-bostiwch pgrscholarships@swansea.ac.uk gyda'ch rhif myfyriwr a chôd RS yr ysgoloriaeth berthnasol, gan ofyn am i'r dyddiad cychwyn gael ei ddiwygio i gyd-fynd â'r hysbyseb. 
3. Yna bydd staff derbyn Myfyrwyr yn diweddaru eich cais yn unol â hynny. 

Mae angen cyflwyno un cais unigol am bob ysgoloriaeth ymchwil unigol a arweinir gan Brifysgol Abertawe; ni ellir ystyried ceisiadau sy'n rhestru mwy nag un ysgoloriaeth ymchwil a arweinir gan Brifysgol Abertawe. 

SYLWER: Ymgeiswyr ar gyfer PhD/EngD/ProfD/EdD - i gefnogi ein hymrwymiad i ddarparu amgylchedd sy'n rhydd o wahaniaethu ac sy’n dathlu amrywiaeth ym Mhrifysgol Abertawe mae'n ofynnol i chi lenwi Ffurflen Monitro Cydraddoldeb, Amrywiaeth a Chynhwysiant  yn ogystal â ffurflen gais eich rhaglen.    

Sylwer bod cwblhau'r Ffurflen Monitro Cydraddoldeb, Amrywiaeth a Chynhwysiant yn orfodol; efallai na fydd eich cais yn cael ei ystyried/brosesu os nad yw'r wybodaeth hon wedi'i chyflwyno. 

Fel rhan o'ch cais ar-lein, RHAID i chi lanlwytho'r dogfennau canlynol (peidiwch ag anfon y rhain drwy e-bost): 

• WGSSS_Studentship_Application_Form_2026.pdf 
• CV 
• Tystysgrifau a thrawsgrifiadau graddau (os ydych chi'n astudio am radd ar hyn o bryd, mae sgrinluniau o'ch graddau hyd yn hyn yn ddigonol) 
• Dau eirda (academaidd neu gyflogwr blaenorol) ar bapur â phennawd neu gan ddefnyddio ffurflen geirdaon Prifysgol Abertawe.  Sylwer nad oes modd i ni dderbyn geirdaon sy'n cynnwys cyfrifon e-bost preifat, e.e. Hotmail. Dylai canolwyr nodi'u cyfeiriad e-bost gwaith at ddiben cadarnhau'r geirda. 
• Tystiolaeth o fodloni gofynion Iaith Saesneg (lle bo'n briodol). 
• Copi o fisa Preswylydd y DU (lle bo'n briodol) 
• Cadarnhad o gyflwyno ffurflen Cydraddoldeb Amrywiaeth a Chynhwysiant 

 Asesu:    

Caiff ymgeiswyr sy'n cyrraedd y rhestr fer eu gwahodd i gyfweliad. Fel rhan o'r broses gyfweld, gofynnir i ymgeiswyr roi cyflwyniad byr ac ateb cyfres o gwestiynau panel 

Hyd astudio:    

Mae hyd yr astudiaeth yn amrywio o 3.5 i 4.5 blynedd yn llawn amser (neu gyfwerth rhan-amser). 

Mae hyd yr astudiaeth yn dibynnu ar brofiad ymchwil blaenorol ac anghenion hyfforddi'r myfyriwr a fydd yn cael eu hasesu trwy gwblhau Dadansoddiad Anghenion Datblygu. Rydym yn croesawu ceisiadau ar gyfer astudiaeth amser llawn a rhan-amser. 

Lleoliad gwaith ymchwil mewn ymarfer:    
Mae'n ofynnol i bob myfyriwr a ariennir gan YGGCC gwblhau lleoliad gwaith Ymchwil mewn Ymarfer wedi'i ariannu, a fydd yn para am 3 mis). Bydd pob myfyriwr yn cael cyfle i gwblhau lleoliad gwaith yn y byd academaidd, polisi, busnes neu sefydliadau'r gymdeithas sifil.     

Cydraddoldeb, Amrywiaeth a Chynhwysiant:   

Mae YGGCC yn ymrwymedig i gefnogi a hyrwyddo cydraddoldeb ac amrywiaeth ac i greu amgylchedd cynhwysol i bawb. Rydym yn croesawu ceisiadau gan holl aelodau’r gymuned fyd-eang, heb ystyried oedran, anabledd, rhyw, hunaniaeth rhywedd, ailbennu rhywedd, statws priodasol neu bartneriaeth sifil, beichiogrwydd neu famolaeth, crefydd neu gred a chyfeiriadedd rhywiol.  

*Rhannu Data Ceisiadau â Phartneriaid Allanol – Sylwer, fel rhan o'r broses dewis ceisiadau am ysgoloriaeth, efallai caiff data cais ei rannu â phartneriaid allanol y tu allan i'r Brifysgol, pan fo prosiect ysgoloriaeth yn cael ei ariannu ar y cyd. 

** Mewn amgylchiadau eithriadol, ac yn amodol ar gymeradwyaeth y Brifysgol a/neu'r corff cyllido perthnasol, gellir caniatáu gohirio cynnig tan y cyfnod cofrestru nesaf sydd ar gael. Fel arfer, ni fydd gohiriad o'r fath yn fwy na thri mis calendr o'r dyddiad dechrau a bennwyd yn wreiddiol. Sylwer, dim ond un cais i ohirio gaiff ei ystyried ac ni ellir gwarantu y caiff ei gymeradwyo.