Daearyddiaeth Ddynol: Ysgoloriaeth PhD wedi'i hariannu'n llawn yn llwybr Daearyddiaeth Ddynol Ysgol Graddedigion Gwyddorau Cymdeithasol Cymru (YGGCC) yr ESRC (RS891)

Darparwyr y cyllid: YGGCC yr ESRC 50%; Prifysgol Abertawe 50% 

Y meysydd pwnc: Llwybr Daearyddiaeth Ddynol Ysgoloriaeth Ymchwil YGGCC yr ESRC 

Dyddiadau dechrau'r prosiect: 1 Hydref 2026 (bydd cofrestru'n dechrau yng nghanol mis Medi)  **(Gweler y nodyn isod ynghylch dyddiadau dechrau hwyrach posibl). 

Mae'r ysgoloriaeth ymchwil hon yn ddyfarniad 'agored'. Dylai ymgeiswyr ystyried cysylltu â darpar oruchwyliwr cyn iddynt gyflwyno eu cais i gadarnhau bod goruchwyliwr ar gael yn y Brifysgol ac i drafod eu cais drafft. Mae gwybodaeth am ddiddordebau ymchwil ein staff ar gael ar dudalennau gwe Prifysgol Abertawe. Mae disgrifiadau byr o bob llwybr achrededig i'w gweld ar wefan YGGCC yr ESRC. Cynrychiolydd y llwybr yn Abertawe yw Dr Chris Muellerleile, c.m.muellerleile@abertawe.ac.uk ac fe all eich cynghori chi. 

Rhaglen astudio sy'n cydweddu: PhD Daearyddiaeth Ddynol 

Disgrifiad o'r prosiect:  
Mae Adran Ddaearyddiaeth Abertawe yn lle bywiog a dynamig ar gyfer astudiaethau doethurol ac mae gennym gymuned fawr o fyfyrwyr PhD o'r DU a thramor. Mae gan y staff Daearyddiaeth Ddynol yn Abertawe brofiad helaeth o hyfforddi myfyrwyr PhD yn llwyddiannus ar gyfer gyrfaoedd academaidd, yn ogystal ag yn y sectorau cyhoeddus, preifat a'r trydydd sector. Mae gan ein staff amrywiaeth eang o arbenigeddau, gan gynnwys mewn damcaniaeth gymdeithasol a daearyddiaeth ddiwylliannol, drefol, wleidyddol, amgylcheddol, wledig ac economaidd. Rydym yn pwysleisio ymchwil sy'n soffistigedig yn ddamcaniaethol ac yn empirig ei natur. Mae llawer ohonom yn awyddus i recriwtio myfyrwyr PhD ac rydym yn eich annog i archwilio tudalennau gwe ein staff a chysylltu â goruchwylwyr PhD posib a allai fod yn addas i'ch diddordebau. https://www.swansea.ac.uk/cy/staff/gwyddoniaeth-a-pheirianneg/staff-ysgol-y-biowyddorau-daearyddiaeth-a-ffiseg/daearyddiaeth/  

Fel rhan o Ysgol Graddedigion Gwyddorau Cymdeithasol Cymru a ariennir gan yr ESRC, mae'r llwybr Daearyddiaeth Ddynol yn seiliedig ar gysylltiadau sefydliadol hirsefydlog rhwng Adran Ddaearyddiaeth Abertawe, Adran Daearyddiaeth a Gwyddorau Daear Aberystwyth ac Ysgol Daearyddiaeth a Chynllunio Caerdydd. Mae pob un o'r tair adran yn cydweithredu'n helaeth mewn mentrau ymchwil a ariennir, goruchwylio myfyrwyr PhD a hyfforddiant ôl-raddedig ehangach mewn damcaniaethau a dulliau daearyddiaeth ddynol blaengar. 

 Darperir hyfforddiant PhD drwy raglen gydlynol o weithdai unigol a phreswyl sydd â ffocws ar ddatblygiadau ym maes damcaniaeth daearyddiaeth ddynol a chynhadledd ôl-raddedig flynyddol i feithrin carfan gyda chyfranogiad ar draws y llwybr. Mae'r llwybr hefyd yn noddi cyfnodolyn a adolygir gan gymheiriaid, Agoriad, sy'n cael ei olygu gan fyfyrwyr PhD. Os byddant yn dymuno, bydd gan fyfyrwyr PhD gyfle i gael profiad addysgu â thâl, gan gynnwys fel arddangoswyr neu gynorthwyo gyda theithiau maes a seminarau. 

I dderbyn cyllid ysgoloriaeth ymchwil gan yr ESRC, rhaid bod gennych gymwysterau neu brofiad sy'n gyfwerth â gradd anrhydedd ar lefel dosbarth cyntaf neu ail ddosbarth uwch, neu radd Meistr gan sefydliad ymchwil academaidd yn y DU. Croesewir ceisiadau hefyd gan fyfyrwyr â chefndiroedd academaidd anhraddodiadol. 

Yr Iaith Saesneg: IELTS 6.5 yn gyffredinol (gyda sgôr o 6.5 neu’n uwch ym mhob elfen unigol) neu gymhwyster a gydnabyddir yn gyfwerth gan Brifysgol Abertawe. Am fwy o wybodaeth, gweler Gofynion Iaith Saesneg - Prifysgol Abertawe.  

Nodyn ar gyfer ymgeiswyr rhyngwladol ac Ewropeaidd: gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.  

Mae ysgoloriaethau ymchwil YGGCC ar gael i fyfyrwyr cartref a rhyngwladol. Gall hyd at 30% o'n carfan fod yn fyfyrwyr rhyngwladol. Ni fydd yn rhaid i fyfyrwyr rhyngwladol dalu'r gwahaniaeth rhwng ffïoedd i fyfyrwyr o'r DU a'r gyfradd ryngwladol. Dylai ymgeiswyr fodloni gofynion cymhwysedd UKRI https://www.ukri.org/our-work/developing-people-and-skills/find-studentships-and-doctoral-training/get-a-studentship-to-fund-your-doctorate/.     

Mae'r ysgoloriaeth ymchwil a ariennir gan yr ESRC yn talu ffïoedd dysgu ac ariantal blynyddol di-dreth yn unol ag isafswm cyfraddau UKRI (£20,780 ar gyfer 2025/26 ar hyn o bryd).Bydd gan fyfyrwyr fynediad at Grant Cymorth Hyfforddiant Ymchwil  

Os oes gennych anabledd, efallai y bydd gennych hawl i'r Lwfans i Fyfyrwyr Anabl ar ben eich ysgoloriaeth ymchwilY Lwfans i Fyfyrwyr Anabl (DSA) 

I gyflwyno cais, cwblhewch y ffurflen gais gyfan, drwy ddilyn y ddolen hon: Cwblhewch eich cais yma yn y Porth Dysgwr (hyperddolen) 

https://learner.swansea.ac.uk/urd/sits.urd/run/siw_ipp_lgn.login?process=siw_ipp_app&code1=PL998PF1&code2=0001 

I gael eich ystyried am ddyfarniad yr ysgoloriaeth hon, rhaid cymryd y camau canlynol hefyd. 

1) Yn yr adran 'Gwybodaeth am y Rhaglen', nodwch Gôd yr Ysgoloriaeth Ymchwil berthnasol ar gyfer dyfarniad yr ysgoloriaeth h.y. RS891 

2) Yn yr adran 'Ymchwil' byddwch chi'n gweld 'Teitl y prosiect/ysgoloriaeth ymchwil arfaethedig'* (Gorfodol) 

• Yn yr adran 'Teitl y prosiect/ysgoloriaeth ymchwil arfaethedig' nodwch naill ai'r:  
  • Côd RS891 a 
  • theitl yr ysgoloriaeth   
• Gadewch faes y Goruchwyliwr Arfaethedig yn wag 
• Gadewch faes y Prosiect Ymchwil (os yw’n berthnasol) yn wag 
• Yn y maes 'Oes gennych chi gynnig i'w lanlwytho?*' (Gorfodol), dewiswch Oes
• Yna lanlwythwch gopi o'r hysbyseb (gallwch gadw’r hysbyseb drwy glicio argraffu, ac yna ei argraffu i pdf) 

3) Yn yr adran 'Gwybodaeth am Gyllid' dewiswch yr opsiwn 'Cyllid Ysgoloriaeth' yn unig. Sicrhewch nad oes unrhyw opsiynau eraill yn cael eu dewis.  

*Cyfrifoldeb yr ymgeisydd yw rhestru'r wybodaeth uchod yn gywir wrth gyflwyno cais, sylwer na chaiff ceisiadau a dderbynnir heb yr wybodaeth a restrir uchod eu hystyried am ddyfarniad yr ysgoloriaeth. 

Os ydych chi wedi cyflwyno cais am y rhaglen hon o'r blaen, bydd y system yn dangos rhybudd "Cyflwynwyd Cais " ac yn gwahardd cyflwyniad newydd. Yn yr achos hwn: 

1. Cyflwynwch gais am yr un cwrs â'r dyddiad dechrau nesaf sydd ar gael (e.e., dewiswch fis Ionawr os nad yw mis Hydref ar gael). 
2. E-bostiwch pgrscholarships@abertawe.ac.ukmailto:pgrscholarships@swansea.ac.uk gan nodi eich rhif myfyriwr a chôd RS yr ysgoloriaeth berthnasol, a gofyn i'r dyddiad dechrau gael ei newid i gyd-fynd â'r hysbyseb. 
3. Bydd y staff Derbyn Myfyrwyr yn diweddaru eich cais yn unol â hyn. 

Mae angen cyflwyno un cais unigol am bob ysgoloriaeth ymchwil unigol a arweinir gan Brifysgol Abertawe; ni ellir ystyried ceisiadau sy'n rhestru mwy nag un ysgoloriaeth ymchwil a arweinir gan Brifysgol Abertawe. 

SYLWER: Ymgeiswyr ar gyfer PhD/EngD/ProfD/EdD - i gefnogi ein hymrwymiad i ddarparu amgylchedd sy'n rhydd o wahaniaethu ac sy’n dathlu amrywiaeth ym Mhrifysgol Abertawe mae'n ofynnol i chi lenwi Ffurflen Monitro Cydraddoldeb, Amrywiaeth a Chynhwysiant  yn ogystal â ffurflen gais eich rhaglen.    

Sylwer bod cwblhau'r Ffurflen Monitro Cydraddoldeb, Amrywiaeth a Chynhwysiant yn orfodol; efallai na fydd eich cais yn cael ei ystyried/brosesu os nad yw'r wybodaeth hon wedi'i chyflwyno. 

Fel rhan o'ch cais ar-lein, RHAID i chi lanlwytho'r dogfennau canlynol (peidiwch ag anfon y rhain drwy e-bost): 

• WGSSS_Studentship_Application_Form_2026.pdf 
• CV
• Tystysgrifau a thrawsgrifiadau graddau (os ydych chi'n astudio am radd ar hyn o bryd, mae sgrinluniau o'ch graddau hyd yn hyn yn ddigonol) 
• Dau eirda academaidd neu broffesiynol ar bapur â phennawd neu gan ddefnyddio ffurflen geirdaon Prifysgol Abertawe.  Sylwer nad oes modd i ni dderbyn geirdaon sy'n cynnwys cyfrifon e-bost preifat, e.e. Hotmail. Dylai canolwyr nodi'u cyfeiriad e-bost gwaith at ddiben cadarnhau'r geirda. 
• Tystiolaeth o fodloni gofynion Iaith Saesneg (lle bo'n briodol). 
• Copi o fisa Preswylydd y DU (lle bo'n briodol) 
• Cadarnhad o gyflwyno ffurflen Cydraddoldeb Amrywiaeth a Chynhwysiant

Asesu:    

Caiff ymgeiswyr sy'n cyrraedd y rhestr fer eu gwahodd i gyfweliad. Fel rhan o'r broses gyfweld, gofynnir i ymgeiswyr roi cyflwyniad byr ac ateb cyfres o gwestiynau gan y panel 

Hyd astudio:    

Mae hyd y cyfnod astudio'n amrywio o dair blynedd a hanner i bedair blynedd a hanner amser llawn (neu'r cyfnod rhan-amser cyfatebol) 

}Mae hyd y cyfnod astudio'n dibynnu ar brofiad ymchwil blaenorol ac anghenion hyfforddi'r myfyriwr, a gaiff eu hasesu drwy gwblhau Dadansoddiad o Anghenion Datblygu. Rydym yn croesawu ceisiadau i astudio'n amser llawn ac yn rhan-amser. 

Lleoliad gwaith ymchwil mewn ymarfer:    
Mae'n ofynnol i bob myfyriwr a ariennir gan YGGCC gwblhau lleoliad gwaith Ymchwil mewn Ymarfer wedi'i ariannu, a fydd yn para am 3 mis (neu’r cyfnod rhan-amser cyfatebol). Bydd pob myfyriwr yn cael cyfle i gwblhau lleoliad gwaith yn y byd academaidd, ym meysydd polisi a busnes neu mewn sefydliadau cymdeithas sifil.     

Cydraddoldeb, Amrywiaeth a Chynhwysiant:   

Mae YGGCC yn ymrwymedig i gefnogi a hyrwyddo cydraddoldeb ac amrywiaeth ac i greu amgylchedd cynhwysol i bawb. Rydym yn croesawu ceisiadau gan holl aelodau’r gymuned fyd-eang, heb ystyried oedran, anabledd, rhyw, hunaniaeth rhywedd, ailbennu rhywedd, statws priodasol neu bartneriaeth sifil, beichiogrwydd neu famolaeth, crefydd neu gred a chyfeiriadedd rhywiol.     

*Rhannu Data Ceisiadau â Phartneriaid Allanol – Sylwer, fel rhan o'r broses dethol ceisiadau am ysgoloriaeth, efallai caiff data cais ei rannu â phartneriaid allanol y tu allan i'r Brifysgol, pan fo prosiect ysgoloriaeth yn cael ei ariannu ar y cyd. 

** Mewn amgylchiadau eithriadol, ac yn amodol ar gymeradwyaeth y Brifysgol a/neu'r corff cyllido perthnasol, gellir caniatáu gohirio cynnig tan y cyfnod cofrestru nesaf sydd ar gael. Fel arfer, ni fydd gohiriad o'r fath yn fwy na thri mis calendr o'r dyddiad dechrau a bennwyd yn wreiddiol. Sylwer, dim ond un cais i ohirio gaiff ei ystyried ac ni ellir gwarantu y caiff ei gymeradwyo.