Iechyd a Lles a Gwyddor Data : Ysgoloriaeth PhD wedi'i hariannu'n llawn yn llwybr Iechyd a Lles a Gwyddor Data Ysgol Graddedigion Gwyddorau Cymdeithasol Cymru (YGGCC) yr ESRC (RS887)

Darparwyr y cyllid: YGGCC YR ESRC 50%; Prifysgol Abertawe 50% 

Y meysydd pwnc: Llwybr Iechyd a Lles a Gwyddor Data Ysgol Graddedigion Gwyddorau Cymdeithasol Cymru (YGGCC) yr ESRC 

Dyddiadau dechrau'r prosiect:1 Hydref 2026 (bydd cofrestru'n dechrau yng nghanol mis Medi) **(Gweler y nodyn isod ynghylch dyddiadau dechrau hwyrach posibl).

Goruchwylwyr: Mae'r ysgoloriaeth ymchwil hon yn ddyfarniad 'agored'. Dylai ymgeiswyr ystyried cysylltu â darpar oruchwyliwr cyn iddynt gyflwyno eu cais i gadarnhau bod goruchwyliwr ar gael yn y Brifysgol ac i drafod eu cais drafft. Mae gwybodaeth am ddiddordebau ymchwil ein staff ar gael ar wefan Prifysgol Abertawe. Mae disgrifiadau byr o bob llwybr achrededig i'w gweld ar wefan YGGCC yr ESRC. Efallai y bydd y cynrychiolydd ar gyfer y llwybr yn Abertawe, Dr Arron Lacey, a.s.lacey@swansea.ac.uk, yn gallu eich cynghori. 

Rhaglen astudio sy'n cydweddu: PhD mewn Iechyd a Lles a Gwyddor Data 

Disgrifiad o'r Prosiect: 
Mae'r llwybr yn cyfuno dulliau arsylwi, disgrifiadol, ac ar sail treialon â setiau data poblogaeth ar raddfa fawr i ddarparu tystiolaeth am heriau iechyd mwyaf dybryd ein cymdeithas. Mae ymchwil yn llywio prosesau llunio polisïau ar sail tystiolaeth i gynorthwyo pobl i ddewis ffyrdd iach o fyw a/neu i fyw'n well gyda salwch ac anabledd. Yn fwy penodol, mae'n archwilio'r amgylchedd adeiledig a chymdeithasol ac effaith y rhain ar ganlyniadau iechyd a/neu gymdeithasol niferus. Er enghraifft, gall prosiect ymwneud â'r amgylchedd tai neu deithio i'r ysgol ac ymchwilio i'r effaith ar anafiadau, iechyd meddwl a deilliannau addysgol; neu ddemograffeg newidiol o ran heneiddio a maint teuluoedd mewn perthynas ag epidemioleg cyflyrau iechyd cronig â'r nod o fynd i'r afael â phroblem ddybryd 'y bwlch gofal'. Gall prosiectau ddefnyddio amrywiaeth o fethodolegau, o arsylwi i fodelu cyfrifiadol ar lefel poblogaeth. Mae prosiectau o'r fath a'r dulliau cysylltiedig yn bosib drwy gysylltu data gweinyddol ac iechyd, gan gynyddu'r galw am ymchwilwyr doethurol â chymwysterau addas sy'n gallu defnyddio cymysgedd o ddulliau i ddatrys problemau gwyddor gymdeithasol cymhleth. 

Os bydd angen i chi ddefnyddio data o Fanc Data SAIL yn eich ymchwil, rhaid i chi gofrestru eich prosiect arfaethedig gyda thîm cwmpasu SAIL yma: https://saildatabank.com/data/apply-to-work-with-the-data/ 

Rhaid gorffen yr ymarfer cwmpasu cyn i chi gyflwyno eich cais.  

I gael cyllid ysgoloriaeth ymchwil gan yr ESRC, rhaid bod gennych gymwysterau neu brofiad sy'n gyfwerth â gradd anrhydedd ar lefel dosbarth cyntaf neu ail ddosbarth uwch, neu radd Meistr gan sefydliad ymchwil academaidd yn y DU. Croesewir ceisiadau hefyd gan fyfyrwyr â chefndiroedd academaidd anhraddodiadol. 

Yr Iaith Saesneg: IELTS 6.5 yn gyffredinol (gyda sgôr o 6.5 neu’n uwch ym mhob elfen unigol) neu gymhwyster a gydnabyddir yn gyfwerth gan Brifysgol Abertawe. Am ragor o wybodaeth, gweler Gofynion Iaith Saesneg - Prifysgol Abertawe.  

Os oes gennych gwestiynau o ran eich cymhwysedd academaidd neu ffïoedd yn seiliedig ar yr uchod, e-bostiwch pgrscholarships@abertawe.ac.uk gyda'r ddolen i'r ysgoloriaethau y mae gennych chi ddiddordeb ynddynt. 

Mae ysgoloriaethau ymchwil YGGCC ar gael i fyfyrwyr cartref a rhyngwladol. Gall hyd at 30% o'n carfan fod yn fyfyrwyr rhyngwladol. Ni fydd yn rhaid i fyfyrwyr rhyngwladol dalu'r gwahaniaeth rhwng ffïoedd i fyfyrwyr o'r DU a'r gyfradd ryngwladol. Rhaid i ymgeiswyr fodloni gofynion cymhwysedd UKRI .        

Mae'r ysgoloriaeth ymchwil a ariennir gan yr ESRC yn talu ffïoedd dysgu ac ariantal byw, di-dreth, blynyddol yn unol â lleiafswm cyfraddau UKRI (sef £20,780 ar gyfer 2025/26), ac mae'n cynnwys Grant Cymorth Hyfforddiant Ymchwil. 

Os oes gennych anabledd, efallai y bydd gennych hawl i'r Lwfans i Fyfyrwyr Anabl ar ben eich ysgoloriaeth ymchwil. Lwfans Myfyrwyr Anabl (DSA) 

I gyflwyno cais, cwblhewch y ffurflen gais gyfan, drwy ddilyn y ddolen hon: 

I gael eich ystyried am ddyfarniad yr ysgoloriaeth hon, rhaid cymryd y camau canlynol hefyd. 

1) Yn yr adran 'Gwybodaeth am y Rhaglen', nodwch Gôd yr Ysgoloriaeth Ymchwil berthnasol ar gyfer dyfarniad yr ysgoloriaeth h.y. RS887 

2) Yn yr adran 'Ymchwil' byddwch chi'n gweld 'Teitl y prosiect/ysgoloriaeth ymchwil arfaethedig'* (Gorfodol) 

• Yn yr adran 'Teitl y prosiect/ysgoloriaeth ymchwil arfaethedig' nodwch:  

• y Côd, RS887 a 
• theitl yr ysgoloriaeth  

• Gadewch faes y Goruchwyliwr Arfaethedig yn wag 
• Gadewch faes y Prosiect Ymchwil (os yw’n berthnasol) yn wag 
• Yn y maes 'Oes gennych chi gynnig i'w lanlwytho?*' (Gorfodol), dewiswch Oes 
• Yna lanlwythwch gopi o'r hysbyseb (gallwch gadw’r hysbyseb drwy glicio argraffu, ac yna ei argraffu i pdf) 

3) Yn yr adran 'Gwybodaeth am Gyllid' dewiswch yr opsiwn 'Cyllid Ysgoloriaeth' yn unig. Sicrhewch nad oes unrhyw opsiynau eraill yn cael eu dewis.  

*Cyfrifoldeb yr ymgeisydd yw rhestru'r wybodaeth uchod yn gywir wrth gyflwyno cais, sylwer na chaiff ceisiadau a dderbynnir heb yr wybodaeth a restrir uchod eu hystyried am ddyfarniad yr ysgoloriaeth. 

Os ydych chi eisoes wedi cyflwyno cais ar gyfer y rhaglen hon, bydd y system yn dangos hysbysiad rhybuddio ac yn eich rhwystro rhag cyflwyno cais newydd. Os bydd hyn yn digwydd: 

1. Cyflwynwch gais am yr un cwrs gyda'r dyddiad cychwyn nesaf sydd ar gael (e.e. dewiswch Ionawr os nad yw Hydref ar gael).  
2. E-bostiwch pgrscholarships@abertawe.ac.uk gyda'ch rhif myfyriwr a chôd RS perthnasol yr ysgoloriaeth, gan ofyn i ddiwygio'r dyddiad dechrau i gyd-fynd â'r hysbyseb. 
3. Yna bydd staff derbyn myfyrwyr yn diweddaru'ch cais yn unol â hynny. 

Mae angen cyflwyno un cais unigol am bob ysgoloriaeth ymchwil unigol a arweinir gan Brifysgol Abertawe; ni ellir ystyried ceisiadau sy'n rhestru mwy nag un ysgoloriaeth ymchwil a arweinir gan Brifysgol Abertawe. 

SYLWER: Ymgeiswyr ar gyfer PhD/EngD/ProfD/EdD - i gefnogi ein hymrwymiad i ddarparu amgylchedd sy'n rhydd o wahaniaethu ac sy’n dathlu amrywiaeth ym Mhrifysgol Abertawe mae'n ofynnol i chi lenwi Ffurflen Monitro Cydraddoldeb, Amrywiaeth a Chynhwysiant  yn ogystal â ffurflen gais eich rhaglen.    

Sylwer bod cwblhau'r Ffurflen Monitro Cydraddoldeb, Amrywiaeth a Chynhwysiant yn orfodol; efallai na fydd eich cais yn cael ei ystyried/brosesu os nad yw'r wybodaeth hon wedi'i chyflwyno. 

Fel rhan o'ch cais ar-lein, RHAID i chi lanlwytho'r dogfennau canlynol (peidiwch ag anfon y rhain drwy e-bost): 

• WGSSS_Studentship_Application_Form_2026.pdf  
• CV 
• Tystysgrifau a thrawsgrifiadau graddau (os ydych chi'n astudio am radd ar hyn o bryd, mae sgrinluniau o'ch graddau hyd yn hyn yn ddigonol) 
• Dau eirda academaidd neu broffesiynol ar bapur â phennawd neu gan ddefnyddio ffurflen geirdaon Prifysgol Abertawe.  Sylwer nad oes modd i ni dderbyn geirdaon sy'n cynnwys cyfrifon e-bost preifat, e.e. Hotmail. Dylai canolwyr nodi'u cyfeiriad e-bost gwaith at ddiben cadarnhau'r geirda. 
• Tystiolaeth o fodloni gofynion Iaith Saesneg (lle bo'n briodol). 
• Copi o fisa Preswylydd y DU (os yw'n briodol) 
• Cadarnhad o gyflwyno ffurflen Cydraddoldeb Amrywiaeth a Chynhwysiant 

Asesu:    
Caiff ymgeiswyr sy'n cyrraedd y rhestr fer eu gwahodd i gyfweliad. Fel rhan o'r broses gyfweld, gofynnir i ymgeiswyr roi cyflwyniad byr ac ateb cyfres o gwestiynau gan y panel  

Hyd astudio:    
Mae hyd yr astudiaeth yn amrywio o 3.5 i 4.5 blynedd amser llawn (neu gyfnod rhan-amser cyfatebol).      

Mae hyd yr astudiaeth yn dibynnu ar brofiad ymchwil blaenorol ac anghenion hyfforddi'r myfyriwr a fydd yn cael ei asesu drwy gwblhau Dadansoddiad o Anghenion Datblygu. Rydym yn croesawu ceisiadau i astudio'n amser llawn ac yn rhan-amser.    

Lleoliad gwaith ymchwil mewn ymarfer:    
Mae'n ofynnol i bob myfyriwr a ariennir gan YGGCC gwblhau lleoliad gwaith Ymchwil mewn Ymarfer wedi'i ariannu, a fydd yn para am 3 mis). Bydd pob myfyriwr yn cael cyfle i gwblhau lleoliad gwaith yn y byd academaidd, polisi, busnes neu sefydliadau'r gymdeithas sifil.     

Cydraddoldeb, Amrywiaeth a Chynhwysiant:   
Mae YGGCC yn ymrwymedig i gefnogi a hyrwyddo cydraddoldeb ac amrywiaeth ac i greu amgylchedd cynhwysol i bawb. Rydym yn croesawu ceisiadau gan holl aelodau’r gymuned fyd-eang, heb ystyried oedran, anabledd, rhyw, hunaniaeth rhywedd, ailbennu rhywedd, statws priodasol neu bartneriaeth sifil, beichiogrwydd neu famolaeth, crefydd neu gred a chyfeiriadedd rhywiol.     

*Rhannu Data Ceisiadau â Phartneriaid Allanol – Sylwer, fel rhan o'r broses dewis ceisiadau am ysgoloriaeth, efallai caiff data cais ei rannu â phartneriaid allanol y tu allan i'r Brifysgol, pan fo prosiect ysgoloriaeth yn cael ei ariannu ar y cyd. 

** Mewn amgylchiadau eithriadol, ac yn amodol ar gymeradwyaeth y Brifysgol a/neu'r corff cyllido perthnasol, gellir caniatáu gohirio cynnig tan y cyfnod cofrestru nesaf sydd ar gael. Fel arfer, ni fydd gohiriad o'r fath yn fwy na thri mis calendr o'r dyddiad dechrau a bennwyd yn wreiddiol. Sylwer, dim ond un cais i ohirio gaiff ei ystyried ac ni ellir gwarantu y caiff ei gymeradwyo.