Ysgolheigion Heriau Byd-eang 2022

Lola Adeola-Oni, arbenigwr mewn hawliau dynol a phlant o Nigeria, sydd wedi gweithio yn y sector datblygu/dyngarol am dros ddeng mlynedd ac sydd wedi bod yn rhan o brosiectau atal masnachu pobl. Mae'n angerddol am gynhwysiant digidol fel ffordd o wireddu hawliau dynol, cymdeithasol ac economaidd.

Mae Lanvell Blake yn rheolwr prosiect a gweithiwr proffesiynol mewn cysylltiadau cyhoeddus a chyfathrebu iechyd o Jamaica. Mae ganddo brofiad helaeth o weithio gyda sefydliadau yn y sector preifat a’r sector cyhoeddus ym meysydd addysg a hyrwyddo iechyd cyhoeddus, ac mae ef wedi gweithio’n ddiweddar gyda sefydliad hawliau dynol a chyfiawnder cymdeithasol sy’n eirioli dros hawliau, bywoliaeth a lles pobl LGBT yn Jamaica. Mae’n ystyried y rhaglen fel cyfle i ddatblygu ei sgiliau ymhellach fel eiriolwr dros wella hawliau dynol LGBT

Emma-Jane Harris, cynorthwy-ydd ymchwil cyfreithiol o Gymru. Mae Emma-Jane yn cael ei hysgogi gan faterion hawliau dynol a chyfiawnder cymdeithasol, ac mae ganddi ddiddordeb mewn canolbwyntio ei phrosiect Heriau Byd-eang ar effeithiau anghyfartal newid yn yr hinsawdd ar fenywod a phlant mewn gwledydd sy'n datblygu.

Mae Raphael O’Leary yn fargyfreithiwr cymwysedig o Iwerddon sy'n gobeithio y bydd y rhaglen yn ei helpu i ddatblygu fel cyfreithiwr actifydd a datblygwr polisi. Ei uchelgais yw canolbwyntio ar faterion cynhwysiant digidol, a chyfrannu at y polisïau, y strategaethau a'r atebion/deddfwriaeth gyfreithiol rwymol a fydd yn arwain at ddyfodol digidol cyfiawn.

Daw Marianne Swan, o Dalaith Efrog Newydd, ac mae ganddi sylfaen addysgol gref yng ngwyddor hinsawdd. Mae wedi gweithio gyda sawl cwmni nid er elw sy'n canolbwyntio ar faterion hawliau sy'n seiliedig ar yr hinsawdd, ac mae’n gweld y rhaglen Heriau Byd-eang fel cyfle i gaffael y sgiliau i ddiwygio fframweithiau diffygiol a chyfrannu at system fyd-eang lle nad yw torri hawliau dynol yn cael ei oddef.