Sara Pan Algarra

SARA PAN ALGARRA - DEILIAD YSGOLORIAETH HERIAU BYD-EANG

Mae Sara yn ymchwilydd ac yn ymgynghorydd polisi sy'n dilyn PhD mewn Addysg Gymharol a Rhyngwladol yn Teachers College, Prifysgol Columbia.

Mae traethawd ymchwil Sara'n archwilio'r croestoriad rhwng argyfyngau hinsawdd, dadleoli mewnol a rhoi'r gorau i'r ysgol ymhlith merched yn eu harddegau mewn cymdogaethau incwm isel yng Nghwm Sula, Hondwras.  Mae'r gwaith hwn yn adlewyrchu ei hymrwymiad i fynd i'r afael â materion byd-eang dybryd drwy waith archwilio academaidd sy’n seiliedig ar gyd-destun a deall polisïau ymarferol.

Cyn ymuno â Phrifysgol Columbia, cwblhaodd Sara radd MA mewn Heriau Byd-eang: Y Gyfraith, Polisi ac Ymarfer yn Ysgol y Gyfraith Prifysgol Abertawe, gan ennill y rhagoriaeth uchaf. Gwnaeth ei thraethawd ymchwil MA archwilio polisïau a mecanweithiau cyfreithiol yn Guatemala a Hondwras er mwyn mynd i'r afael â materion dadleoli mewn perthynas â'r hinsawdd ac addysg merched. Dilynodd y maes ymchwil hwn drwy leoliad gwaith ymchwil ar y cyd ag UNICEF UK.  Bu hefyd yn gweithio fel Intern  Cyfreithiol i’r rhwydwaith nid-er- elw Child Rights Connect yn Genefa, y Swistir. Mae Child Rights Connect yn rhwydwaith rhyngwladol o sefydliadau sy'n ymroddedig i hawliau plant.

Mae ganddi brofiad proffesiynol ac ymchwil cysylltiedig yn y Swistir, Hondwras, Venezuela, Canada, India, yr Eidal, Colombia, yr Unol Daleithiau, yr Emiraethau Arabaidd Unedig a'r Deyrnas Unedig.

Fe'i hetholwyd yn Faer Ieuenctid Bwrdeistref Chacao yn Venezuela gan weithio ym maes llywodraethu ieuenctid lleol rhwng 2010 a 2014. Bu hefyd yn fyfyrwraig yng Ngholeg Unedig y Byd India ac mae'n gyn-Gymrawd Dalai Lama (Prifysgol Virginia).

CEFNDIR ADDYSGOL A GYRFA

• Cymrawd Doethurol, Teachers College, Prifysgol Columbia. PhD mewn Addysg Gymharol a Rhyngwladol (2022 – 2026) [MPhil a ddyfarnwyd gan Brifysgol Columbia ym mis Chwefror 2025]
• Cymrawd Rhyngwladol, yr Ysgol Materion Rhyngwladol a Chyhoeddus (SIPA), Prifysgol Columbia (2023 – 2024)
• Ysgolhaig Heriau Byd-eang Hillary Rodham Clinton (Anrhydedd Uchaf), Prifysgol Abertawe. Meistr y Celfyddydau (MA) mewn Heriau Byd-eang: Y Gyfraith, Polisi ac Ymarfer (2021 – 2022)
• Gradd Baglor Anrhydedd Dosbarth Cyntaf (Summa Cum Laude) mewn Ymchwil Gymdeithasol a Pholisi Cyhoeddus a Theatr, gan arbenigo mewn Gwyddor Wleidyddol, Prifysgol Efrog Newydd (campws Abu Dhabi NYU) (2016 – 2020)
• Addysg Ryngwladol: Yn ystod ei gradd Baglor, bu Sara'n astudio am ddau semester yn Llundain a Dinas Efrog Newydd yn y drefn honno, gan ddilyn dosbarthiadau mewn Polisi Addysg yn Ysgol Steinhardt Prifysgol Efrog Newydd ar gyfer Diwylliant, Addysg a Datblygiad Dynol ac mewn gwleidyddiaeth Ewropeaidd ym Mhrifysgol Efrog Newydd Llundain. At hynny, cwblhaodd gwrs dwys ar wleidyddiaeth hunaniaeth ym Mhrifysgol Efrog Newydd Sydney. 
• Bagloriaeth Ryngwladol (Anrhydedd Uchaf), Coleg Unedig y Byd India (UWC India) (2014 – 2016)

MEYSYDD ARBENIGEDD

Cyhoeddiadau Sara

Russel, S. G., Mantilla Blanco, P. L., Romero Amaya, M. D., Pan Algarra, S. M., Rojas, A., Jones, V., Arevalo Rojas, L., Abril, P. A., Cordero Romero, T., Aljuri Pimiento, J. C., & Valencia, C. (2024). Transitional Justice and Education in Colombia: The Perspective of Youth. Teachers College, Columbia University. https://doi.org/10.7916/hq2h-nk14

Pan-Algarra, S. M. (2023). [Review of the book Navigating Precarity in Educational Contexts: Reflection, Pedagogy, and Activism for Change, edited by K. Monkman, A. Frkovich, & A. Proweller]. Comparative Education Review, 67(4), 918-920. https://doi.org/10.1086/726910

Gleason, N. W., & Pan Algarra, S. M. (2022). Disruption and Public Policy Education across Asia: The Fourth Industrial Revolution, the Climate Crisis, and COVID-19. In S. Nair & N. Varma (Eds.), Emerging Pedagogies for Policy Education: Insights from Asia (pp. 15-38). Palgrave Macmillan

Pan Algarra, S. (2021, September). Female Sexual Violence and Jus Post Bellum in the Rwandan Genocide. NYU Abu Dhabi Journal of Social Sciences. https://sites.nyuad.nyu.edu/jss/raped-vaginas-raped-cockroaches-female-sexual-violence-and-jus-post-bellum-in-the-rwandan-genocide-sara-pan-algarra/

Nielsen, A., & Pan Algarra, S. M. (2021, May 21). Working Paper: Futures at Risk How the UK Can Support Education for Girls on the Move in a Changing Climate. UNICEF UK