Mae Kate Mosse yn nofelydd, yn ddramodydd ac yn awdur ffeithiol tra phoblogaidd, ac mae ei gwaith yn cynnwys y drioleg Languedoc y gwerthwyd miliynau o gopïau ohoni, The Joubert Family Chronicles, a The Taxidermist's Daughter. Mae ei gwaith ffeithiol clodwiw yn cynnwys Warrior Queens & Quiet Revolutionaries: How Women (Also) Built the World. Fel hyrwyddwr straeon menywod, sefydlodd Kate Wobr y Menywod am Ffuglen a Ffeithiol, yn ogystal â'r ymgyrch fyd-eang #MenywodMewnHanes.
'Feminist History for Every Day of the Year' gan Kate Mosse
Mae Feminist History for Every Day of the Year gan yr awdur tra phoblogaidd a'r hyrwyddwr ffeministaidd Kate Mosse yn adrodd stori hanes menywod a merched, gan ysgubo dros y byd a thrwy'r oesoedd.
Byddwch yn darganfod rhywbeth newydd bob dydd yn y rhodd wych hon i ddarllenwyr o bob oed. O Mary Anning i Simone Biles, Billie Eilish i Ruth Bader Ginsburg, Malala Yousafzai i Mary Wollstonecraft, darllenwch straeon 366 o fenywod anhygoel ar hyd yr oesoedd.
Yn y tudalennau hyn byddwch yn darganfod ffigurau adnabyddus ac arwyr anhysbys, achlysuron diwylliannol allweddol a straeon angof o bob cwr o'r byd ac o bob oes, o'r henfyd i'r presennol.
Gan gynnig darn o hanes ar gyfer pob dydd o'r flwyddyn, dyma'r llyfr perffaith i bori ynddo a dychwelyd ato dro ar ôl tro. Yn llawn dyfyniadau, cerddi, darluniadau a lluniau, mae Feminist History for Every Day of the Year yn addas i bob oedran, gan ddathlu a hyrwyddo hanes llawn ysbrydoliaeth sy'n berthnasol i ni i gyd.