Trosolwg
Darlithydd Marchnata ar y Llwybr Ymchwil yw Dr Alessandro Graciotti. Mae'n aelod o’r Grŵp Ymchwil Dyfodol Digidol ar gyfer Busnes a Chymdeithas Cynaliadwy yn yr Ysgol Reolaeth, ac yn aelod o Fwrdd Adolygwyr Gyrfa Gynnar Qualitative Market Research: An International Journal.
Nod gwaith ymchwil Alessandro yw ailgysyniadu marchnata a chreu lleoedd drwy safbwyntiau materol ac ôl-ddyneiddiol newydd, gan archwilio eu rôl wrth greu ffurfiau newydd o ymddygiadau moesegol, nad ydynt yn anthropoganolog, gan ddefnyddwyr a dychmygu dyfodol posib. Yn benodol, mae ei waith yn canolbwyntio ar dirweddu (sy’n cael ei ddeall fel cysyniad ar y cyd o ddefnyddio lle a chreu gofod), prynu bwyd lleol a'r bydoedd digidol. Yn fwy eang, mae ei waith ymchwil yn ceisio herio dealltwriaeth drechol y defnyddiwr a phynciau sefydliadol, yn ogystal â syniadau o ddyhead a hunan-hunaniaeth mewn diwylliant defnyddwyr drwy ddatblygu damcaniaeth a methodoleg ôl-strwythuraethol, anghynrychioladol sy'n pontio marchnata, daearyddiaeth ddynol, celf (dulliau creadigol) ac athroniaeth.
Cyn ymuno â Phrifysgol Abertawe, enillodd PhD cum laude mewn Ymchwil Gymhwysol mewn Marchnata ac Ymddygiad Defnyddwyr drwy raglen ddoethurol 'Global Studies: Justice, Rights, Politics’ ym Mhrifysgol Macerata, yr Eidal. Wedi hynny bu'n Gydymaith Ymchwil Ôl-ddoethurol yn y Sefydliad Rheoli Lleoedd (IPM), yn Ysgol Fusnes Prifysgol Metropolitan Manceinion, lle bu'n cyfrannu at ymgynghoriaeth rheoli lleoedd a datblygu, gan gefnogi marchnata a gwerthuso ymyriadau a gyflwynwyd gan Weithlu'r Stryd Fawr (HSTF) ar draws mwy na 150 o awdurdodau lleol yn Lloegr.