Buddion a Gwobrwyon

Rydym am ddenu a chadw staff dawnus â sgiliau uwch felly rydym yn sicrhau bod ein Graddfeydd Cyflog yn gystadleuol ym maes addysg uwch a sectorau masnachol. Caiff bandiau cyflog eu datgan wrth hysbysu, a bydd staff yn cychwyn ar bwynt cyntaf y raddfa gyflog yn y band hwnnw a thelir cynyddiadau blynyddol bob blwyddyn.

Mae'r Brifysgol yn ymrwymedig i gyfle cyfartal o ran cyflog a chynnydd gyrfa ei holl staff, o fewn fframwaith sy'n deg, yn dryloyw ac yn gyson, fel yr adlewyrchir yn ei strwythurau graddio a chyflogau.

Ewch i'n tudalen Pensiynau ym Mhrifysgol Abertawe am ragor o wybodaeth.

Mae'r Brifysgol yn cydnabod bod trefniadau gweithio hyblyg o fudd i chi a'r sefydliad.

Mae gan bob aelod o staff yr hawl i gyflwyno cais am drefniadau gweithio hyblyg a bydd ceisiadau'n cael eu hystyried wrth gadw anghenion y busnes mewn golwg. Mae llawer o fathau gwahanol o batrymau gweithio hyblyg, gan gynnwys y canlynol, ond heb fod yn gyfyngedig iddynt:

• Rhan-amser/llai o oriau
• Yn ystod y tymor yn unig
• Oriau gweithio sy'n amrywio
• Rhannu swydd
• Gweithio gartref/gweithio o bell.

Mae'r Brifysgol yn credu ei bod yn bwysig bod gan weithwyr gydbwysedd da rhwng bywyd a gwaith, felly rydym yn cynnig hawl i'r holl staff gael cyfanswm hael o 31 diwrnod o wyliau blynyddol, yn ogystal â gwyliau statudol. Mae'r flwyddyn gwyliau blynyddol yn dechrau ar 1 Ionawr ac yn gorffen ar 31 Rhagfyr.

Mae'r Brifysgol wedi mabwysiadu sawl ymagwedd fel ffordd o hyrwyddo a phrif ffrydio cydraddoldeb ac amrywiaeth yn ei holl weithgareddau. Gweler ein canllaw ar gyfleoedd cyfartal am ragor o wybodaeth.

Absenoldeb Mamolaeth: Rydym yn cynnig absenoldeb a thâl mamolaeth hael i staff sydd wedi cwblhau o leiaf 52 wythnos o wasanaeth di-dor cyn y dyddiad geni disgwyliedig.

Absenoldeb Tadolaeth: Os ydych chi'n bodloni'r meini prawf cymhwysedd, mae hawl gennych i gymryd hyd at bythefnos i ffwrdd, ar dâl llawn.

Rhannu absenoldeb rhieni: Rydym hefyd yn cynnig rhannu absenoldeb rhieni sy’n caniatáu i chi a'ch partner rannu hyd at 52 wythnos o absenoldeb yn ystod y flwyddyn gyntaf.  Mae'n bosibl y bydd gennych hawl i dâl rhieni wedi'i rannu am ran neu'r cyfan o'r cyfnod yr ydych am fod yn absennol.

Absenoldeb Mabwysiadu: Rydym yn cynnig absenoldeb mabwysiadu â thâl i staff sydd ag o leiaf 26 wythnos o wasanaeth gyda'r Brifysgol.

Darllenwch am ein Trefniadau Absenoldeb i Deuluoedd i gael gwybod mwy

Rydym yn cydnabod yr heriau o gydbwyso gwaith a bywyd teulu ac mae gennym Feithrinfa Ddydd Undeb y Myfyrwyr ar Gampws Parc Singleton sy'n darparu gofal plant o safon i blant rhwng 3 mis ac 8 oed gyda chyfraddau cystadleuol.

Rydym yn darparu cyfleoedd dysgu a datblygu i staff academaidd a gwasanaethau proffesiynol.

Mae gennym amrywiaeth o wasanaethau iechyd a lles ar y campws, gan gynnwys canolfan feddygol, deintyddfa, canolfan chwaraeon, gwasanaeth cwnsela i staff a chlinig osteopathig. Yn ogystal,  mae'n Hacademi Iechyd a Lles yn cynnig gwasanaethau wedi'u darparu gan y GIG sy'n galluogi pobl i wneud dewisiadau gwybodus a chadarnhaol i wella eu hiechyd a'u lles

Fy Manteision Rydym o hyd yn diweddaru'r cynigion ac yn gweithio gyda phartneriaid lleol i gynnig yr arbedion gorau. Mae rhai o'r rhain yn cynnwys:

• Cynllun gostyngiadau siopa ar-lein ac yn y siop
• Cynllun aberthu cyflog beicio i'r gwaith
• Cynllun aberthu cyflog llogi car

Rydym yn cynnig pecyn bwrsariaeth deniadol i staff i'w hannog i ennill cymwysterau pellach.

Mae’r Brifysgol yn cynnig cynllun talebau gofal plant. Gall aelodau staff a ymunodd â’r cynllun cyn dyddiad cau y Llywodraeth (4ydd Hydref 2018) aberthu cyflog bob mis i gyfrannu at gostau gofal plant.   

Er nad oes modd i ni dderbyn ymgeiswyr newydd i’r system hon bellach, efallai y gallech chi dderbyn cymorth gofal plant trwy gynllun Gofal Plant Di-dreth y Llywodraeth (TFC). Cliciwch ar y dolenni canlynol am ragor o wybodaeth: https://www.childcarechoices.gov.uk /  https://www.gov.uk/help-with-childcare-costs/tax-free-childcare