Rheolwr Datblygu Busnes SeRP/SAIL

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Swydd amser llawn am gyfnod penodol o 12 mis yw hon.

Bydd deiliad y swydd hon yn rheoli'r tîm Datblygu Busnes i gyflawni'r swyddogaethau canlynol:

1. Rheoli datblygiad strategol perthnasoedd busnes SeRP/SAIL â chwsmeriaid presennol a darpar gwsmeriaid
2. Cefnogi'r Pennaeth Datblygu Busnes i reoli'r portffolio datblygu ar gyfer SeRP a SAIL ac arwain y tîm Datblygu Busnes i ymgymryd â'r swyddogaethau canlynol:
   1. Cynhyrchu cyfleoedd busnes a'u datblygu ar gyfer tenantiaethau a phartneriaethau SeRP
   2. Cynhyrchu cyfleoedd busnes a phartneriaethau a'u datblygu ar gyfer Banc Data SAIL
   3. Paratoi adroddiadau parhaus a'u cyflwyno i randdeiliaid mewnol ac allanol (gan gynnwys cyllidwyr) ar gais
3. Cyfrannu at reolaeth cwsmeriaid ar gyfer holl gleientiaid SeRP/SAIL
4. Cefnogi'r Pennaeth Datblygu Busnes i reoli Risg a Chydymffurfiaeth ar gyfer rhaglenni SeRP a SAIL drwy:
5. Gynrychioli swyddogaethau Gweinyddu Busnes SAIL/SeRP mewn pwyllgorau corfforaethol
6. Mentora aelodau llai profiadol o'r tîm a helpu i'w hyfforddi a'u datblygu.

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Rhannu Lawrlwytho Disgrifiad Swydd Argraffu'r dudalen hon Yn ôl at y rhestr