DIRPRWY IS-GANGHELLOR Y GYFADRAN MEDDYGAETH, IECHYD A GWYDDOR BYWYD
Gwnaeth y Brifysgol groesawu'r Athro Charlotte Rees i rôl Dirprwy Is-Ganghellor yn y Gyfadran Meddygaeth, Iechyd a Gwyddor Bywyd ym mis Chwefror 2025.
Ymunodd yr Athro Rees, sy'n hanu o Ben-y-bont ar Ogwr, de Cymru'n wreiddiol, â'r Brifysgol o Brifysgol Newcastle, Awstralia lle roedd hi'n Bennaeth Ysgol Gwyddorau Iechyd y Coleg Iechyd, Meddygaeth a Lles.
Mae'r Athro Rees yn Brif Gymrawd o AdvanceHE, ac yn Gymrawd o Goleg Brenhinol y Meddygon yng Nghaeredin. Mae ganddi dros 20 mlynedd o brofiad fel ymchwilydd addysg feddygol a'r proffesiynau iechyd, ac mae wedi cyhoeddi dros 180 o lyfrau a adolygwyd gan gymheiriaid, penodau mewn llyfrau ac erthyglau mewn cyfnodolion. Roedd hi ymysg y 100 o ymchwilwyr Gwyddorau Cymdeithasol gorau yn Awstralia yn 2023 a 2022.
Mae gan yr Athro Rees brofiad helaeth o arwain timau addysg, ymchwil a rhyngddisgyblaethol ac unedau trefniadaethol o feintiau a chymhlethdodau gwahanol. Ers dod yn athro llawn yn 2010, mae wedi cael nifer o rolau arweinyddiaeth a rheoli, gan gynnwys: Deon Ymchwil ac Arloesi, Coleg Gwyddoniaeth, Iechyd, Peirianneg ac Addysg, Prifysgol Murdoch, Awstralia (2019-2021); Cyfarwyddwr Cwricwlwm (Meddygaeth) a Chyfarwyddwr Canolfan Monash ar gyfer Ysgolheictod mewn Addysg Iechyd, y Gyfadran Meddygaeth, Nyrsio a'r Gwyddorau Iechyd, Prifysgol Monash, Awstralia (2015-2019); Cyfarwyddwr y Ganolfan Addysg Feddygol, Prifysgol Dundee, yr Alban (2010-2015) a Chyfarwyddwr Consortiwm Ymchwil Addysg Feddygol yr Alban (2011-2015).
Mae wedi helpu i sicrhau cyllid gwerth oddeutu £5m mewn incwm ymchwil addysgol gan gyllidwyr o fri yn y DU (e.e. NHS Education for Scotland, y Cyngor Meddygol Cyffredinol, yr Academi Addysg Uwch, Academi'r Colegau Meddygol Brenhinol) ac Awstralia (e.e. Adran Gwasanaethau Iechyd a Dynol Llywodraeth Victoria, Adran Iechyd a Gofal yr Henoed Llywodraeth Awstralia, Asiantaeth Rheoleiddio Ymarferwyr Iechyd Awstralia).
Mae ganddi rwydwaith helaeth o gydweithredwyr cenedlaethol a rhyngwladol (gan gynnwys mewn llywodraeth a diwydiant), ac mae hi wedi arwain sawl gwerthusiad o ymyriadau addysgol cenedlaethol neu wladwriaethol, gan arwain at effeithiau cadarnhaol ar ddiwygio cwricwlwm ac asesiadau, polisïau addysgol, arferion addysgol a chanlyniadau dysgu gofal iechyd myfyrwyr/ymarferwyr.
