| Proffil Rôl Staff Addysgu - Dolenni Cyflym |
|---|
| Defnydd Cyfrifol a Moesegol |
| Llythrennedd Craidd Deallusrwydd Artiffisial |
| Llythrennedd Deallusrwydd Artiffisial sy'n benodol i'r rôl |
Wrth i ddeallusrwydd artiffisial barhau i ail-lunio tirwedd addysg uwch, mae'n hanfodol fod gan staff addysgu nid yn unig ddealltwriaeth o'r technolegau trawsnewidiol hyn ond hefyd yr hyder i'w hintegreiddio yn ystyrlon yn eu hymarfer.
Mae'r adran hon o'r Fframwaith Deallusrwydd Artiffisial wedi cael ei dylunio'n benodol ar gyfer addysgwyr - gan ddarparu arweiniad ymarferol, ystyriaethau moesegol, a strategaeth addysgegol i'ch helpu i lywio a defnyddio Deallusrwydd Artiffisial yn eich gwaith addysgu.
Gall pob cymhwysedd gael ei ehangu i gael mynediad at gynnydd ar draws y tair haen, Sylfaenol - Sefydledig - Arloesol, ynghyd ag adnoddau defnyddiol gan y Brifysgol a sefydliadau allanol sy'n cefnogi datblygiad sgiliau, gwybodaeth a phrofiad yn y cymhwysedd hwnnw.
Defnydd Cyfrifol a Moesegol
Mae'r adran hon yn rhoi arweiniad ar ystyriaethau moesegol, preifatrwydd data, tryloywder, a phwysigrwydd goruchwyliaeth gan bobl wrth ddefnyddio Deallusrwydd Artiffisial wrth addysgu.
Mae'n annog myfyrio beirniadol ar sut y mae Deallusrwydd Artiffisial yn effeithio ar ddysgu myfyrwyr, asesu, a thegwch, ac mae'n cynnig strategaethau ymarferol i'ch helpu i wneud penderfyniadau gwybodus ac egwyddorol o ran eich defnydd o Ddeallusrwydd Artiffisial.
Ymwybyddiaeth a Chydymffurfiaeth Cyfreithiol, Rheoleiddiol a Pholisi
Sylfaenol
Integreiddio polisïau'r Brifysgol ar ddiogelu data, preifatrwydd ac uniondeb academaidd wrth ddewis a defnyddio offer Deallusrwydd Artiffisial a gymeradwyir mewn modd addysgegol, gan sicrhau eu bod yn cyd-fynd â safonau sefydliadol mewn gweithgareddau dysgu ac addysgu.
Sefydledig
Cymryd rhan mewn mentrau adrannol neu gyfadrannol i gael effaith ar weithredu polisi Deallusrwydd Artiffisial a chydymffurfio ag ef, a modelu arferion cydymffurfiaeth i gydweithwyr a myfyrwyr.
Arloesol
Cyfrannu at ddatblygu neu fireinio polisïau Deallusrwydd Artiffisial ar lefel sefydliadol a/neu lefel y sector addysg uwch.
Adnoddau Cefnogol
Canllawiau Prifysgol Abertawe ar Ddeallusrwydd Artiffisial
Nod Canllawiau Prifysgol Abertawe ar offer deallusrwydd artiffisial yw addysgu a thawelu meddwl staff a myfyrwyr am rôl ddatblygol Deallusrwydd Artiffisial ym myd addysg.
Polisi Prifysgol Abertawe ar y Defnydd o Ddeallusrwydd Artiffisial (AI) yn Asesiadau Myfyrwyr
Polisi Prifysgol Abertawe ar y defnydd o Ddeallusrwydd Artiffisial ac asesiadau myfyrwyr, gan gynnwys egwyddorion allweddol, defnydd moesegol a dylunio asesiadau.
Microsoft Copilot: Pa wasanaeth Deallusrwydd Artiffisial mae'r Brifysgol yn ei argymell?
Mae'r erthygl hon yn y Gronfa Wybodaeth gan Wasanaethau Digidol yn nodi pam Copilot yw'r offeryn Deallusrwydd Artiffisial a argymhellir i staff ei ddefnyddio ym Mhrifysgol Abertawe.
Defnyddio Deallusrwydd Artiffisial drwy gyfrwng Lens Feirniadol
Sylfaenol
Asesu dibynadwyedd allbynnau Deallusrwydd Artiffisial cynhyrchiol drwy nodi rhagfarnau a gwallau posibl, ac addasu'r cynnwys gan ddefnyddio barn broffesiynol cyn ei ymgorffori mewn deunyddiau dysgu, addysgu neu asesu.
Sefydledig
Sefydlu, defnyddio a rhannu strategaethau i leihau cyfyngiadau Deallusrwydd Artiffisial.
Arloesol
Datblygu a rhannu arbenigedd ar werthusiad beirniadol o Ddeallusrwydd Artiffisial gan gynnwys llunio fframweithiau a strategaethau a datblygu critigolrwydd ymhlith cydweithwyr a myfyrwyr.
Adnoddau Cefnogol
Prifysgol Newscastle - Gwerthusiad Beirniadol o Ddeallusrwydd Artiffisial
Dyma restr wirio hwylus i’w defnyddio er mwyn gwerthuso allbwn Deallusrwydd Artiffisial Cynhyrchiol.
Cydnabod a Chyfeirnodi Defnydd o Ddeallusrwydd Artiffisial
Sylfaenol
Hyrwyddo arferion cyfeirnodi academaidd priodol er mwyn cydnabod defnydd o gynnwys a grëir gan Ddeallusrwydd Artiffisial mewn deunyddiau addysgu ac asesiadau, gan gynnwys cyfeirnodi cywir yn y testun, yn unol â pholisïau uniondeb sefydliadol.
Sefydledig
Defnyddio safonau cyfeirnodi a dderbynnir gan y sefydliad ar gyfer offer Deallusrwydd Artiffisial, gan gynnwys cyfeirnodi yn y testun, rhestrau cyfeiriadau, a datganiadau'r Brifysgol.
Arloesol
Defnyddio dogfennaeth allbynnu ac atodiadau a grëir gan Ddeallusrwydd Artiffisial i hyrwyddo tryloywder ac ymgysylltu'n feirniadol â chynnwys a grëir gan Ddeallusrwydd Artiffisial.
Adnoddau Cefnogol
Mae'r cofnod hwn gan adnodd 'Lib Answers' Prifysgol Abertawe yn darparu arweiniad ar gyfeirnodi Deallusrwydd Artiffisial ym mhedwar gwahanol arddull:
Cyfeirnodi Deallusrwydd Artiffisial yn arddull APA
Cyfeirnodi Deallusrwydd Artiffisial yn arddull OSCOLA
Cyfeirnodi Deallusrwydd Artiffisial yn arddull MHRA
Cyfeirnodi Deallusrwydd Artiffisial yn arddull Vancouver
Defnyddio Deallusrwydd Artiffisial mewn Ffordd Hygyrch
Sylfaenol
Sicrhau bod cynnwys a grëir gan Ddeallusrwydd Artiffisial (e.e., trawsgrifiadau, crynodebau) yn glir ac yn hygyrch i bob myfyriwr.
Sefydledig
Gwerthuso offer Deallusrwydd Artiffisial ar gyfer cydymffurfiaeth hygyrchedd a defnyddioldeb cyn eu hintegreiddio mewn addysgu.
Arloesol
Eirioli dros egwyddorion dylunio cyffredinol mewn amgylcheddau dysgu a gyfoethogir gan Ddeallusrwydd Artiffisial.
Adnoddau Cefnogol
Navigating the Intersection of AI, Accessibility and Education in 2025
Mae'r postiad blog gan Jisc yn archwilio sut mae Deallusrwydd Artiffisial cynhyrchiol yn cael ei ddefnyddio fwyfwy i wella hygyrchedd mewn addysg, gan amlygu prosiectau peilot, adborth gan fyfyrwyr, pryderon moesegol, a chynnig argymhellion i sefydliadau er mwyn sicrhau eu bod yn defnyddio Deallusrwydd Artiffisial mewn ffordd gynhwysol a chyfrifol.
Beyond The Technology: Empowering Sudents With Better Accessibility In Digital And AI
Mae'r bennod hon o bodlediad Jisc yn archwilio sut y gellir gwneud technolegau digidol a Deallusrwydd Artiffisial yn fwy hygyrch mewn addysg uwch, ac mae'n cynnwys cyngor gan arbenigwyr ar ddylunio cynhwysol, cynrychiolaeth sefydliadol, a phwysigrwydd gwreiddio hygyrchedd o'r dechrau wrth ddatblygu technoleg.
Accessibility Tools In Microsoft Copilot
Mae'r dudalen Microsoft hon yn amlinellu sut mae Copilot yn integreiddio gydag apiau Microsoft 365 i gefnogi hygyrchedd, gan gynnig canllawiau darllen sgrîn ar gyfer offer amrywiol a darparu adnoddau i ddefnyddwyr ag anabledd er mwyn sicrhau defnydd cynhwysol ac effeithiol o nodweddion a ysgogir gan Ddeallusrwydd Artiffisial.
Using Copilot In Accessibility - Use Cases
Archwiliwch achosion enghreifftiol Microsoft o ddefnyddio Copilot i wella hygyrchedd mewn tasgau pob dydd.
Mainstreaming accessibility and inclusivity in AI and digital technologies
Darllenwch adroddiad UNESCO ar hygyrchedd a chynwysoldeb technolegau digidol sy'n dod i'r amlwg, megis Deallusrwydd Artiffisial.
Llythrennedd Craidd A.I.
Wrth i ddeallusrwydd artiffisial ddod yn gynyddol annatod i addysg, mae datblygu llythrennedd craidd AI yn hanfodol i staff addysgu.
Mae adeiladu’r wybodaeth sylfaenol hon yn galluogi addysgwyr i wneud penderfyniadau gwybodus am ddefnyddio AI yn yr ystafell ddosbarth, cefnogi myfyrwyr i lywio AI yn gyfrifol, a chyfrannu at amgylchedd dysgu sy’n barod ar gyfer y dyfodol.
Deall Deallusrwydd Artiffisial a'i Swyddogaethau
Sylfaenol
Dadansoddi swyddogaethau craidd offer Deallusrwydd Artiffisial a ddefnyddir yn gyffredin a dewis cymwysiadau priodol i gefnogi gweithgareddau dysgu, addysgu neu asesu penodol yn y cyd-destun proffesiynol.
Sefydledig
Cael mynediad at offer sefydliadol a defnyddio'u nodweddion sylfaenol.
Arloesol
INDewis ac uno gwahanol offer Deallusrwydd Artiffisial yn bwrpasol mewn cyd-destunau uwch.
Adnoddau Cefnogol
Diffiniad a Throsolwg o Ddeallusrwydd Artiffisial
Mae'r adnodd hwn yn cwmpasu diffiniad a throsolwg o Ddeallusrwydd Artiffisial Cynhyrchiol, gan gynnwys ei gymwysiadau amrywiol, ei fanteision, ei gyfyngiadau a gwaith darllen pellach i'w archwilio.
JISC – Generative AI: A Primer
Man cychwyn defnyddiol i ddysgu am Ddeallusrwydd Artiffisial Cynhyrchiol a'r holl ffyrdd y mae'n effeithio ar y sector addysg.
Pwyntiau Allweddol Deallusrwydd Artiffisial ac Addysg
Mae'r adnodd hwn yn ffeithlun sy'n crynhoi ffeithiau allweddol am y croestoriad rhwng deallusrwydd artiffisial ac addysg.
Gweminar Academi Dysgu ac Addysgu Abertawe (SALT) - Cyflwyniad i Ddeallusrwydd Artiffisial a Throsolwg ohono
Mae'r weminar hon a gyflwynwyd gan Simon Gibbon (Pennaeth SALT) yn drosolwg diddorol ac annhechnegol o ChatGPT OpenAI a Deallusrwydd Artiffisial yn fwy cyffredinol.Mae trafodaeth banel gyda chydweithwyr, Dr Jo Berry a'r Athro Michael Draper, yn cyd-fynd a'r weminar hon. Ynddi, maen nhw'n rhannu eu gwybodaeth am Ddeallusrwydd Artiffisial ac addysg.
Canllaw i Microsoft Copilot
Mae canllaw cyflym SALT i Microsoft Copilot, yr offeryn Deallusrwydd Artiffisial Cynhyrchiol a argymhellir gan y Brifysgol, yn cynnwys lle i ddod o hyd i Copilot, ei swyddogaethau sylfaenol, cymwysiadau gwahanol ac ystyriaethau eraill gan gynnwys defnydd effeithiol a chyfrifol ac uniondeb academaidd.
Educause – 7 Things You Should Know About Generative AI
Crynodeb defnyddiol arall o Ddeallusrwydd Artiffisial Cynhyrchiol yng nghyd-destun Addysg.
Bod yn ymwybodol o rôl ac effaith Deallusrwydd Artiffisial yn fyd-eang.
Sylfaenol
Gwerthuso goblygiadau byd-eang Deallusrwydd Artiffisial drwy archwilio ei effeithiau cadarnhaol a negyddol ar systemau addysg, marchnadoedd llafur, economïau, strwythurau cymdeithasol, a chynaliadwyedd amgylcheddol, gyda ffocws ar berthnasedd i ymarfer dysgu.
Sefydledig
Codi ymwybyddiaeth ymhlith eraill o'r buddion a'r risgiau posibl sydd ynghlwm â defnyddio Deallusrwydd Artiffisial, a defnyddio a modelu strategaethau ar gyfer gwneud penderfyniadau gwybodus ynghylch defnyddio Deallusrwydd Artiffisial.
Arloesol
Arwain neu gyfrannu at brosiectau a sgyrsiau yn y sector neu'n ehangach sy'n archwilio ac yn hyrwyddo atebion ar gyfer arferion Deallusrwydd Artiffisial teg a chynaliadwy.
Adnoddau Cefnogol
Canllaw SALT ar Foeseg a Phreifatrwydd mewn Addysg Deallusrwydd Artiffisial
Mae'r adnodd yn pwysleisio pwysigrwydd meithrin ymwybyddiaeth foesegol a pharchu preifatrwydd mewn addysg Deallusrwydd Artiffisial, gan annog addysgwyr i arwain myfyrwyr wrth ddefnyddio Deallusrwydd Artiffisial yn gyfrifol drwy gyfrwng cwestiynau myfyriol o Ganllawiau Moesegol y Comisiwn Ewropeaidd.
World Education Forum: Why AI literacy is now a core competency in education
Mae'r erthygl hon gan Fforwm Addysg y Byd yn pwysleisio bod llythrennedd Deallusrwydd Artiffisial - sy'n cwmpasu meddwl yn feirniadol, creadigrwydd, barn foesegol, a sgiliau Deallusrwydd Artiffisial ymarferol - wedi dod yn gymhwysedd addysgol sylfaenol.
World Economic Forum – Transformation Maps – Artificial Intelligence
Mae mapiau trawsnewid Fforwm Economaidd y Byd yn medru eich helpu i archwilio a deall y cysylltiadau rhwng materion byd-eang amrywiol, gan gynnwys sut mae deallusrwydd artiffisial yn gysylltiedig ag effaith ar yr hinsawdd, geowleidyddiaeth a thrawsnewid y gweithlu.
Artificial intelligence and the environment: Looking ahead
Mae'r postiad blog hwn gan JISC yn ystyried effaith amgylcheddol Deallusrwydd Artiffisial yn 2025.
World Economic Forum – The Future of Jobs Report 2025
Mae'r adroddiad hwn yn archwilio sut mae Deallusrwydd Artiffisial yn ail-lunio marchnadoedd llafur a sgiliau, ac mae'n ddefnyddiol i addysgwyr sy'n paratoi myfyrwyr ar gyfer gyrfaoedd yn y dyfodol.
Defnyddio Deallusrwydd Artiffisial i ysgogi effeithlonrwydd mewn tasgau gweinyddol.
Sylfaenol
Defnyddio swyddogaethau sylfaenol Deallusrwydd Artiffisial i arbed amser a lleihau'r llwyth gwaith pan fo'n priodol.
Sefydledig
Rhannu arferion arbed amser Deallusrwydd Artiffisial â chydweithwyr a chyfrannu'n rhagweithiol at wella effeithlonrwydd adrannol.
Arloesol
Arwain ar y gwaith o weithredu systemau a ysgogir gan Ddeallusrwydd Artiffisial er mwyn mwyafu llifoedd gwaith adrannau academaidd.
Adnoddau Cefnogol
Canllaw SALT i Microsoft Copilot
Mae canllaw cyflym SALT i Microsoft Copilot, yr offeryn Deallusrwydd Artiffisial Cynhyrchiol a argymhellir gan y Brifysgol, yn cynnwys rhai syniadau ac argymhellion cychwynnol ar gyfer defnyddio Copilot i arbed amser ac ymdrech wrth ymgymryd â thasgau cyffredinol.
Microsoft Learn: Use AI for everyday tasks
Mae'r modiwl 'Microsoft Learn' hwn yn eich addysgu sut i ddefnyddio Deallusrwydd Artiffisial cynhyrchiol yn effeithiol mewn sefyllfaoedd pob dydd drwy feistroli’r broses llunio ysgogiadau, archwilio offer Deallusrwydd Artiffisial ymarferol, a dadansoddi a gwella allbynnau a gynhyrchir gan Ddeallusrwydd Artiffisial yn gyfrifol.
Copilot Tutorial: Write Faster
Darganfyddwch sut i ysgrifennu’n gynt a gwella ansawdd eich ysgrifennu yn Word gyda Copilot.
Copilot Tutorial: Summarise A Document
Darganfyddwch sut gallwch chi ddefnyddio Copilot i greu gynnwys sy’n fwy dealladwy drwy grynhoi dogfennau i gynnwys eu prif bwyntiau, pwyntiau allweddol a chwestiynau dilynol a argymhellir.
Copilot Tutorial: Create A Document With Copilot Chat
Dysgwch sut i greu dogfennau Word yn Copilot gydag awgrymiadau ar gyfer symleiddio ysgrifennu a chynyddu cynhyrchiant yn y gwaith.
Ysgogiadau Peirianneg
Sylfaenol
Defnyddio ysgogiadau syml, uniongyrchol i gynhyrchu cynnwys a/neu gefnogi tasgau addysgu.
Sefydledig
Dylunio ysgogiadau strwythuredig, gyda nifer o gamau iddynt, i gyflawni allbynnau penodol gan gynnwys mireinio ysgogiadau o'r fath dro ar ôl tro er mwyn sicrhau cywirdeb, tôn gywir a chynwysoldeb.
Arloesol
Datblygu a rhannu fframweithiau neu dempledi ysgogiadau peirianneg ar gyfer defnydd sy'n benodol i'r ddisgyblaeth.
Adnoddau Cefnogol
Canllaw SALT i Microsoft Copilot
Mae canllaw cyflym SALT i Microsoft Copilot, yr offeryn Deallusrwydd Artiffisial Cynhyrchiol a argymhellir gan y Brifysgol, yn cynnwys rhai awgrymiadau a dolenni cyflym i adnoddau ar sut i ysgrifennu ysgogiadau Deallusrwydd Artiffisial effeithiol.
Microsoft Learn: Craft effective prompts for Microsoft 365 Copilot
Mae'r llwybr dysgu hwn gan Microsoft yn darparu arweiniad ac ymarferion a argymhellir ar gyfer ysgrifennu ysgogiadau Deallusrwydd Artiffisial effeithiol er mwyn arbed amser ac ymdrech a chyflawni'r canlyniadau sy'n addas i'ch anghenion chi.
Video Tutorial: Use Copilot's Prompt Gallery
Mae'r tiwtorial fideo hwn yn cwmpasu sut i ddefnyddio'r 'Prompt Gallery' i archwilio, addasu ac ailddefnyddio ysgogiadau sy'n eich helpu chi i dasgu syniadau, dadansoddi a chreu yn hawdd.
Copilot tutorial: What makes a good prompt?
Mae'r tiwtorial fideo hwn yn amlinellu cyngor defnyddiol ar sut i ddiffinio, rhoi cyd-destun, a dylunio ysgogiadau manwl ar gyfer y canlyniadau gorau posibl.
Copilot Tutorial: Quick tips for better prompts
Mae'r tiwtorial fideo hwn yn ymhelaethu ar ddefnyddio ysgogiadau drwy archwilio sut y gallwch ailddiffinio eich ysgogiadau ar gyfer ceisiadau mwy eglur a chydweithredu mwy hwylus.
Llythrennedd A.I. sy'n Benodol i'r Rôl
Wrth i AI barhau i ddylanwadu ar addysg, mae disgwyliadau cynyddol ar staff addysgu i ddatblygu cymwyseddau penodol i’r rôl sy’n mynd y tu hwnt i ymwybyddiaeth gyffredinol.
Mae hyn yn cynnwys dylunio asesiadau sy’n cynnal uniondeb academaidd mewn byd sy’n cael ei dylanwadu gan AI, archwilio sut y gellir integreiddio AI yn ystyrlon i feysydd pwnc penodol, a defnyddio AI i wella profiadau addysgu a dysgu.
Dylunio asesu sy'n briodol i Ddeallusrwydd Artiffisial
Sylfaenol
Nodi asesiadau sy'n agored i gamddefnydd o Ddeallusrwydd Artiffisial a'u haddasu er mwyn lleihau'r risg o or-ddibynnu ar gynnwys a grëir gan Ddeallusrwydd Artiffisial.
Sefydledig
Dylunio asesiadau gwreiddiol sy'n lleihau'r risg o or-ddibynnu ar gynnwys Deallusrwydd Artiffisial ac ymgorffori llythrennedd Deallusrwydd Artiffisial i feini prawf asesu yn bwrpasol.
Arloesol
Datblygu a hyrwyddo strategaethau dylunio asesiadau arloesol sy'n briodol i Ddeallusrwydd Artiffisial ar lefel sefydliadol.
Adnoddau Cefnogol
Adolygu Asesiadau gyda Deallusrwydd Artiffisial Cynhyrchiol gan ddefnyddio Copilot
Mae'r adnodd hwn gan SALT yn darparu arweiniad cam wrth gam ar sut i ddefnyddio Copilot i adolygu eich asesiadau er mwyn deall pa mor agored ydyn nhw i gamymddygiad academaidd a ysgogir gan Ddeallusrwydd Artiffisial, ynghyd â rhai addasiadau cyflym y gallwch eu gwneud ac ymagweddau mwy hirdymor er mwyn gwneud eich asesiadau'n briodol ar gyfer oes Deallusrwydd Artiffisial.
Myfyrio ar Asesiad
Adnodd arall gan SALT sy'n canolbwyntio'n fanylach ar rai o'r strategaethau a amlinellir yn yr adnodd uchod er mwyn addasu eich asesiadau presennol i'w gwneud nhw'n fwy cadarn i wrthsefyll camddefnyddio Deallusrwydd Artiffisial.
Asesu a Deallusrwydd Artiffisial - Model Tilapia
Model a ddatblygwyd gan yr Athro Phil Newton, sy'n galluogi hunanwerthusiad o fathau o asesiadau a'r nodweddion sy'n gwneud asesiadau yn fwy diogel, neu'n llai diogel, o ran camddefnyddio Deallusrwydd Artiffisial.
Deallusrwydd Artiffisial: Canllaw Asesu i Staff
Trosolwg sy'n datgan safbwynt y Brifysgol ar ddefnyddio Deallusrwydd Artiffisial.
Mynd i'r afael â chamymddygiad academaidd a gynorthwyir gan Ddeallusrwydd Artiffisial.
Sylfaenol
Adnabod arwyddion cyffredin o gamymddygiad a gynorthwyir gan Ddeallusrwydd Artiffisial.
Sefydledig
Dilyn prosesau sefydliadol ynghylch mynd i'r afael â chamymddygiad academaidd a gynorthwyir gan Ddeallusrwydd Artiffisial yn hyderus.
Arloesol
Sefydlu ac arddangos diwylliant o onestrwydd academaidd wrth addysgu carfannau.
Adnoddau Cefnogol
Y Raddfa Deallusrwydd Artiffisial mewn Asesiadau
Mae'r adnodd hwn yn darparu fframwaith ar gyfer diffinio ffiniau defnydd derbyniol o Ddeallusrwydd Artiffisial mewn asesiadau sy'n medru helpu i ddarparu eglurder mawr ei angen i fyfyrwyr ynghylch disgwyliadau aseiniadau.
Canllaw i Microsoft Copilot
Mae'r canllaw cyflym hwn yn cynnwys adran ar uniondeb academaidd, gan gynnwys arweiniad ar sut i gyfathrebu'n effeithiol â dysgwyr ynghylch disgwyliadau aseiniadau.
Cyfathrebu â Myfyrwyr
Canllawiau cyflym ar drafod Deallusrwydd Artiffisial mewn Asesiadau gyda dysgwyr, ynghyd â dolenni i ganllawiau allanol.
Gweithdrefn Camymddygiad Academaidd Prifysgol Abertawe
Mae'r ddolen hon yn nodi'r weithdrefn gyflawn.
Defnyddio Deallusrwydd Artiffisial mewn disgyblaethau penodol
Sylfaenol
Dadansoddi potensial offer a chymwysiadau Deallusrwydd Artiffisial i wella dysgu, addysgu neu ymarfer proffesiynol yn eich maes pwnc, ac arddangos cyd-destunau addysgol sy'n benodol i'r cymwysiadau.
Sefydledig
Integreiddio offer a chymwysiadau Deallusrwydd Artiffisial yn bwrpasol i wella profiadau dysgu dilys sy'n benodol i'r pwnc.
Arloesol
Ymgysylltu â byd diwydiant neu gyrff proffesiynol er mwyn sicrhau bod arferion Deallusrwydd Artiffisial yn cyd-fynd â datblygiadau yn y byd go iawn.
Adnoddau Cefnogol
Microsoft Scenario Library
Mae'r adnodd hwn gan Microsoft yn darparu cipolwg ar sut mae Deallusrwydd Artiffisial yn cefnogi ymarfer proffesiynol ar draws amrywiaeth eang o ddisgyblaethau gan gynnwys TG, marchnata, Adnoddau Dynol a'r Gyfraith.
Adran Addysg Llywodraeth y DU: The impact of AI on UK jobs and training
Mae'r adroddiad hwn gan lywodraeth y DU yn dadansoddi effaith Deallusrwydd Artiffisial ar amrywiaeth o feysydd proffesiynol a galwedigaethol.
Disciplinary differences in undergraduate students' engagement with generative artificial intelligence
Mae'r erthygl yn archwilio sut mae myfyrwyr o ddisgyblaethau academaidd gwahanol yn defnyddio Deallusrwydd Artiffisial cynhyrchiol, gan ganfod mwy o ddefnydd a gwybodaeth mewn meysydd cymhwysol ac amlygu'r angen am strategaethau integreiddio sy'n benodol i ddisgyblaethau ym maes addysg uwch.
Student perceptions of AI 2025
Adroddiad ar sut mae myfyrwyr yn ystyried deallusrwydd artiffisial, sut maen nhw'n ei ddefnyddio, a'u pryderon a'u gobeithion, yn seiliedig ar drafodaethau a gynhaliwyd gyda myfyrwyr rhwng mis Mehefin 2024 a mis Mai 2025.
Gwella dysgu ac addysgu gyda Deallusrwydd Artiffisial.
Sylfaenol
Dylunio gweithgareddau dysgu sy'n defnyddio swyddogaethau Deallusrwydd Artiffisial syml i wella ymgysylltiad â myfyrwyr ac ymgorffori cyfleoedd i fyfyrwyr ddatblygu llythrennedd Deallusrwydd Artiffisial.
Sefydledig
Grymuso dysgwyr i adeiladu ar lythrennedd Deallusrwydd Artiffisial a chymryd ymagweddau arloesol at ddefnyddio offer Deallusrwydd Artiffisial.
Arloesol
Creu a rhannu profiadau dysgu trawsnewidiol gan ddefnyddio Deallusrwydd Artiffisial
Adnoddau Cefnogol
Syniadau ar gyfer defnyddio Deallusrwydd Artiffisial mewn Addysg
Mae'r adnodd eang hwn yn cynnwys syniadau ar gyfer defnyddio Deallusrwydd Artiffisial i wella dysgu ac addysgu sydd wedi'u cynnig gan addysgwyr ledled y byd. Mae'r syniadau wedi cael eu trefnu i gategorïau er mwyn hwyluso'r gwaith o ddod o hyd i syniadau yn eich cyd-destun dewisol.
Astudiaethau Achos Prifysgol Abertawe
Yma, byddwch yn dod o hyd i enghreifftiau o sut y defnyddir Deallusrwydd Artiffisial gan gydweithwyr ar draws y Brifysgol. Mae hwn yn adnodd sy'n datblygu, a gallwch gyfrannu eich syniadau eich hun ato fel y bo'n briodol.
Digitally Enhanced Webinars - University of Kent
Mae sianel Youtube adnabyddus Prifysgol Caint wedi canolbwyntio'n helaeth ar Ddeallusrwydd Artiffisial yn ddiweddar ac mae'n cynnwys cyfoeth o arferion a rennir gan siaradwyr a gyfrannodd.
Microsoft Learn - AI for Educators
Mae'r llwybr hyfforddiant eang hwn (tua 4.5 awr) gan Microsoft yn darparu nifer o strategaethau a chynghorion ar integreiddio Deallusrwydd Artiffisial mewn dysgu ac addysgu'n llwyddiannus.
JISC AI in Education YouTube Playlist
Mae rhestr chwarae YouTube JISC yn llawn syniadau cyflym ac ymarferol ar gyfer defnyddio Deallusrwydd Artiffisial mewn dysgu ac addysgu. Mae llawer o'r fideos yn 1 neu 2 funud o hyd yn unig, felly maen nhw'n gyflym ac yn hawdd eu gwylio.
Enhance teaching and learning with Microsoft 365 Copilot Chat
Mae'r modiwl hwn yn grymuso addysgwyr i wella dysgu ac addysgu drwy ddefnyddio Microsoft 365 Copilot Chat, gan gynnig strategaethau ymarferol, cyngor ar ddylunio ysgogiadau, ac arferion Deallusrwydd Artiffisial cyfrifol i bersonoli addysgu, creu deunyddiau diddorol a gwerthuso cynnwys a gynhyrchir gan Ddeallusrwydd Artiffisial yn feirniadol.
