| Proffil Rôl Ymchwilwyr - Dolenni Cyflym |
|---|
| Defnydd Cyfrifol a Moesegol |
| Llythrennedd Craidd Deallusrwydd Artiffisial |
| Llythrennedd Deallusrwydd Artiffisial sy'n benodol i'r rôl |
Wrth i Ddeallusrwydd Artiffisial barhau i ailddiffinio ffiniau ymholiad ac arloesedd, mae ymchwilwyr ar draws disgyblaethau mewn sefyllfa unigryw i archwilio, beirniadu a gwella ei ddatblygiad a'i gymwysiadau.
Mae'r adran hon o'r Fframwaith Deallusrwydd Artiffisial yn benodol ar gyfer ymchwilwyr - gan ddarparu mewnwelediadau strategol, fframweithiau moesegol ac arweiniad methodolegol i gefnogi eich ymgysylltiad â Deallusrwydd Artiffisial mewn cyd-destunau damcaniaethol a chymhwysol. P'un a ydych chi'n integreiddio Deallusrwydd Artiffisial i'ch ymchwil, yn archwilio ei effaith gymdeithasol, neu'n cyfrannu at ei esblygiad, nod yr adnodd hwn yw grymuso eich gwaith gydag eglurder a hyder.
Defnydd Cyfrifol a Moesegol
Mae AI yn ail-lunio tirwedd ymchwil, gan gynnig offer pwerus ar gyfer dadansoddi, darganfod ac arloesi. I ymchwilwyr, mae defnyddio AI yn gyfrifol ac yn foesegol yn golygu mwy na medrusrwydd technegol—mae’n gofyn am ymwybyddiaeth feirniadol o sut mae AI yn dylanwadu ar arferion ymchwil, uniondeb data a chyfathrebu ysgolheigaidd.
Mae defnydd moesegol o AI yn hanfodol i gynnal ymddiriedaeth, tryloywder a manwl gywirdeb yn y broses o darganfod gwybodaeth.
Ymwybyddiaeth a Chydymffurfiaeth Cyfreithiol, Rheoleiddiol a Pholisi
Sylfaenol
Arddangos ymwybyddiaeth o bolisïau’r Brifysgol ynghylch diogelu data a phreifatrwydd, offer Deallusrwydd Artiffisial a gymeradwyir a safonau academaidd, a defnyddio Deallusrwydd Artiffisial yn unol â'r polisïau hynny.
Sefydledig
Cymryd rhan mewn mentrau adrannol i gael effaith ar weithredu polisi Deallusrwydd Artiffisial a chydymffurfio ag ef, a modelu arferion cydymffurfiaeth i gydweithwyr a myfyrwyr.
Arloesol
Cyfrannu at ddatblygu neu fireinio polisïau Deallusrwydd Artiffisial ar lefel sefydliadol a/neu lefel y sector addysg uwch.
Adnoddau Cefnogol
Canllawiau i Ymchwilwyr ym Mhrifysgol Abertawe ar Ddeallusrwydd Artiffisial Cynhyrchiol
Mae'r canllaw hwn yn darparu trosolwg defnyddiol o Ddeallusrwydd Artiffisial Cynhyrchiol mewn perthynas ag ymchwil ac arloesi ym Mhrifysgol Abertawe.
Canllawiau Prifysgol Abertawe ar Ddeallusrwydd Artiffisial
Nod Canllawiau Prifysgol Abertawe ar offer deallusrwydd artiffisial yw addysgu a thawelu meddwl staff a myfyrwyr am rôl ddatblygol Deallusrwydd Artiffisial ym myd addysg.
Microsoft Copilot: Pa wasanaeth Deallusrwydd Artiffisial mae'r Brifysgol yn ei argymell?
Mae'r erthygl hon yn y Gronfa Wybodaeth gan Wasanaethau Digidol yn nodi pam Copilot yw'r offeryn Deallusrwydd Artiffisial a argymhellir i staff ei ddefnyddio ym Mhrifysgol Abertawe.
Defnyddio Deallusrwydd Artiffisial drwy Lens Feirniadol
Sylfaenol
Deall cyfyngiadau allbwn GenAI, gan gynnwys rhagfarnau a gwallau, a defnyddio 'hidlwr dynol' i adolygu ac addasu'r allbwn cyn ei ddefnyddio.
Sefydledig
Sefydlu, defnyddio a rhannu strategaethau i leihau cyfyngiadau Deallusrwydd Artiffisial gan gynnwys creu fframweithiau a strategaethau i ddatblygu critigolrwydd ymhlith cydweithwyr.
Arloesol
Cynnal ymchwil sy'n cwestiynu goblygiadau cymdeithasol, diwylliannol ac epistemoloegol Deallusrwydd Artiffisial wrth greu gwybodaeth a/neu ddatblygu neu eirioli dros fframweithiau sy'n gwreiddio theori feirniadol i ddylunio, rhannu a gwerthuso Deallusrwydd Artiffisial.
Adnoddau Cefnogol
UKRIO Infographic – Tips for Using Generative AI Like a Scientist
Mae'r ffeithlun hwn yn ganllaw gweledol defnyddiol ar gyfer cymhwyso egwyddorion ymchwil da wrth ddefnyddio Deallusrwydd Artiffisial Cynhyrchiol.
National Institutes of Health - Generative AI Use Toolkit
Mae'r arweinlyfr hwn gan Sefydliadau Iechyd yn UDA yn cynnwys canllawiau defnyddiol i gydweithwyr werthuso pa mor briodol yw defnyddio Deallusrwydd Artiffisial fesul tasg, ynghyd â sut y gellir gwirio allbwn.
Cydnabod a Chyfeirio at Ddefnyddio Deallusrwydd Artiffisial
Sylfaenol
Dangos ymwybyddiaeth o bwysigrwydd cydnabod allbynnau Deallusrwydd Artiffisial ac arddangos arferion cyfeirnodi sylfaenol, megis dyfyniadau yn y testun, rhestrau cyfeiriadau a datganiadau o ddefnydd.
Sefydledig
Cynnal cofnodion manwl o ddefnyddio offer Deallusrwydd Artiffisial, gan gynnwys fersiynau, ysgogiadau, ac allbynnau i sicrhau atgynyrchioldeb a thryloywder.
Arloesol
Cyfrannu at ddatblygu safonau cyfeirnodi neu fframweithiau metadata newydd ar gyfer cynnwys a gynhyrchir gan Ddeallusrwydd Artiffisial.
Adnoddau Cefnogol
Mae'r cofnod hwn gan adnodd 'Lib Answers' Prifysgol Abertawe yn darparu arweiniad ar gyfeirnodi Deallusrwydd Artiffisial ym mhedwar gwahanol arddull:
Cyfeirnodi Deallusrwydd Artiffisial yn arddull APA
Cyfeirnodi Deallusrwydd Artiffisial yn arddull OSCOLA
Cyfeirnodi Deallusrwydd Artiffisial yn arddull MHRA
Cyfeirnodi Deallusrwydd Artiffisial yn arddull Vancouver
Llythrennedd Craidd A.I.
Mewn amgylchedd ymchwil, nid yw AI yn arf yn unig—mae’n rym trawsnewidiol sy’n ail-lunio methodolegau, dadansoddi data a chynhyrchu gwybodaeth.
Mae llythrennedd craidd AI i ymchwilwyr yn golygu deall yr egwyddorion y tu ôl i systemau AI, cydnabod eu heffaith fyd-eang, a datblygu’r sgiliau i ryngweithio â hwy’n effeithiol wrth lywio tirwedd ymchwil sy’n esblygu.
Deall Deallusrwydd Artiffisial a'i swyddogaethau
Sylfaenol
Arddangos ymwybyddiaeth gyffredinol o offer Deallusrwydd Artiffisial cyffredin a'u swyddogaethau.
Sefydledig
Cael mynediad at offer sefydliadol a defnyddio'u hymarferoldeb sylfaenol.
Arloesol
Dewis ac uno offer Deallusrwydd Artiffisial gwahanol mewn cyd-destunau uwch yn bwrpasol.
Adnoddau Cefnogol
JISC – Generative AI: A Primer
Man cychwyn defnyddiol i ddysgu am Ddeallusrwydd Artiffisial Cynhyrchiol a'r holl ffyrdd y mae'n effeithio ar y sector addysg.
Canllaw i Microsoft Copilot
Mae canllaw cyflym SALT i Microsoft Copilot, yr offeryn Deallusrwydd Artiffisial Cynhyrchiol a argymhellir gan y Brifysgol, yn cynnwys lle i ddod o hyd i Copilot, ei swyddogaethau sylfaenol, cymwysiadau gwahanol ac ystyriaethau eraill gan gynnwys defnydd effeithiol a chyfrifol ac uniondeb academaidd.
Microsoft Copilot: Pa wasanaeth Deallusrwydd Artiffisial mae'r Brifysgol yn ei argymell?
Mae'r erthygl hon yn y Gronfa Wybodaeth gan Wasanaethau Digidol yn nodi pam Copilot yw'r offeryn Deallusrwydd Artiffisial a argymhellir i staff ei ddefnyddio ym Mhrifysgol Abertawe.
Bod yn ymwybodol o rôl ac effaith Deallusrwydd Artiffisial yn fyd-eang
Sylfaenol
Deall bod gan Ddeallusrwydd Artiffisial effaith fyd-eang, sy'n gadarnhaol ac yn negyddol, ar economïau, marchnadoedd llafur, addysg, strwythurau cymdeithasol ac yn amgylcheddol.
Sefydledig
Ymgorffori safbwyntiau byd-eang a setiau data amrywiol i sicrhau cynwysoldeb a thegwch mewn ymchwil a ysgogir gan Ddeallusrwydd Artiffisial.
Arloesol
Cynnal ymchwil sy'n archwilio effeithiau geo-wleidyddol, diwylliannol ac amgylcheddol Deallusrwydd Artiffisial yn feirniadol.
Adnoddau Cefnogol
World Economic Forum – Transformation Maps – Artificial Intelligence
Mae mapiau trawsnewid Fforwm Economaidd y Byd yn medru eich helpu i archwilio a deall y cysylltiadau rhwng materion byd-eang amrywiol, gan gynnwys sut mae deallusrwydd artiffisial yn gysylltiedig ag effaith ar yr hinsawdd, geowleidyddiaeth a thrawsnewid y gweithlu.
Peirianneg Ysgogiadau
Sylfaenol
Defnyddio ysgogiadau syml ac uniongyrchol i gynhyrchu allbynnau perthnasol a defnyddiol.
Sefydledig
Dylunio ysgogiadau strwythuredig, gyda nifer o gamau iddynt, i gyflawni allbynnau penodol gan gynnwys mireinio ysgogiadau o'r fath dro ar ôl tro er mwyn sicrhau cywirdeb, tôn gywir a chynwysoldeb.
Arloesol
Datblygu a rhannu fframweithiau neu dempledi ysgogiadau peirianneg ar gyfer achosion o ddefnydd penodol.
Adnoddau Cefnogol
Canllaw SALT i Microsoft Copilot
Mae canllaw cyflym SALT i Microsoft Copilot, yr offeryn Deallusrwydd Artiffisial Cynhyrchiol a argymhellir gan y Brifysgol, yn cynnwys rhai awgrymiadau a dolenni cyflym i adnoddau ar sut i ysgrifennu ysgogiadau Deallusrwydd Artiffisial effeithiol.
Microsoft Learn: Craft effective prompts for Microsoft 365 Copilot
Mae'r llwybr dysgu hwn gan Microsoft yn darparu arweiniad ac ymarferion a argymhellir ar gyfer ysgrifennu ysgogiadau Deallusrwydd Artiffisial effeithiol er mwyn arbed amser ac ymdrech a chyflawni'r canlyniadau sy'n addas i'ch anghenion chi.
Video Tutorial: Use Copilot's Prompt Gallery
Mae'r tiwtorial fideo hwn yn cwmpasu sut i ddefnyddio'r 'Prompt Gallery' i archwilio, addasu ac ailddefnyddio ysgogiadau sy'n eich helpu chi i dasgu syniadau, dadansoddi a chreu yn hawdd.
Copilot tutorial: What makes a good prompt?
Mae'r tiwtorial fideo hwn yn amlinellu cyngor defnyddiol ar sut i ddiffinio, rhoi cyd-destun, a dylunio ysgogiadau manwl ar gyfer y canlyniadau gorau posibl.
Copilot Tutorial: Quick tips for better prompts
Mae'r tiwtorial fideo hwn yn ymhelaethu ar ddefnyddio ysgogiadau drwy archwilio sut y gallwch ailddiffinio eich ysgogiadau ar gyfer ceisiadau mwy eglur a chydweithredu mwy hwylus.
Llythrennedd A.I. sy'n Benodol i'r Rôl
Yn nhirwedd ymchwil heddiw, nid yw AI yn arf ar gyfer darganfod yn unig ond hefyd yn ffactor sy’n ail-lunio sut mae ymchwil yn cael ei chynnal, ei chyfathrebu a’i rheoli. Mae llythrennedd AI penodol i rôl ymchwilwyr yn cynnwys deall sut i gynnal uniondeb ymchwil wrth ddefnyddio AI, ei gymhwyso’n ystyrlon o fewn disgyblaethau penodol, a manteisio arno i wella effeithlonrwydd mewn tasgau gweinyddol a phrosiectau.
Mae datblygu’r cymwyseddau hyn yn galluogi ymchwilwyr i sicrhau bod AI yn cael ei ddefnyddio mewn modd trylwyr, moesegol, ac sy’n cyd-fynd â safonau disgyblaethol.
Arddangos Uniondeb Ymchwil
Sylfaenol
Deall y goblygiadau ynghylch awduraeth sydd ynghlwm â defnyddio offer Deallusrwydd Artiffisial mewn ymchwil a datgelu eu defnydd (e.e. ar gyfer cymorth ysgrifennu, dadansoddi data) ar gyfer allbynnau ymchwil a chyhoeddiadau.
Sefydledig
Datblygu a dilyn protocolau clir ar gyfer dogfennu'r rôl sydd gan Ddeallusrwydd Artiffisial mewn llifoedd gwaith ymchwil.
Arloesol
Meddu ar rôl arweiniol wrth ddatblygu safonau sefydliadol neu safonau ehangach ar gyfer defnyddio Deallusrwydd Artiffisial mewn ymchwil mewn ffordd foesegol.
Adnoddau Cefnogol
UK Research Integrity Office – Embracing AI with Integrity
Mae'r adnodd hwn yn cefnogi ymchwilwyr wrth ddefnyddio offer Deallusrwydd Artiffisial yn gyfrifol - p'un a yw hynny ar gyfer cymorth ysgrifennu, dadansoddi data, rhagfynegi, neu dasgau ymchwil eraill. Mae'n ymateb i bryderon cynyddol am effaith Deallusrwydd Artiffisial ar uniondeb ymchwil, ac mae'n cynnig cyngor ymarferol i helpu ymchwilwyr i gynnal safonau moesegol ac arferion ymchwil da.
The JISC AI in Research Community
Rhwydwaith proffesiynol gyda'r nod o rannu a llunio rôl Deallusrwydd Artiffisial mewn ymchwil broffesiynol.
Defnyddio Deallusrwydd Artiffisial mewn disgyblaethau penodol
Sylfaenol
Dangos ymwybyddiaeth o sut y gall offer a chymwysiadau Deallusrwydd Artiffisial ddylanwadu'n gadarnhaol ar ymarfer yn eich maes arbenigedd.
Sefydledig
Integreiddio dulliau Deallusrwydd Artiffisial cyfrifol a moesegol i ddyluniad a methodoleg ymchwil gyda chywirdeb sy'n benodol ar gyfer y ddisgyblaeth.
Arloesol
Creu cymwysiadau neu fethodolegau Deallusrwydd Artiffisial arloesol newydd yn eich maes arbenigedd a/neu ddylanwadu ar ddyfodol Deallusrwydd Artiffisial yn eich disgyblaeth.
Adnoddau Cefnogol
Microsoft Scenario Library
Mae'r adnodd hwn gan Microsoft yn nodi ystod o ffyrdd y gellir defnyddio Deallusrwydd Artiffisial mewn amrywiaeth eang o ddisgyblaethau proffesiynol gwahanol.
Defnyddio Deallusrwydd Artiffisial i ysgogi effeithlonrwydd mewn tasgau gweinyddol
Sylfaenol
Defnyddio swyddogaethau Deallusrwydd Artiffisial sylfaenol i arbed amser a lleihau'r llwyth gwaith pan fo'n briodol
Sefydledig
Rhannu arferion arbed amser Deallusrwydd Artiffisial â chydweithwyr a chyfrannu'n rhagweithiol at wella effeithlonrwydd adrannol.
Arloesol
Arwain ar y gwaith o weithredu systemau a ysgogir gan Deallusrwydd Artiffisial i fwyafu llifoedd gwaith academaidd adrannau.
Adnoddau Cefnogol
University of South Carolina – Using AI for Process Improvement
Mae'r adnodd hwn gan y Swyddfa Rhagoriaeth Drefniadaethol ym Mhrifysgol De Carolina'n cynnwys nifer o syniadau ar gyfer defnyddio Deallusrwydd Artiffisial i wella effeithlonrwydd gweinyddol a rheoli newid.
Microsoft Learn – Use AI for Everyday Tasks
Cwrs byr ar-lein am ddim (oddeutu 45 munud) gyda syniadau ar gyfer defnyddio Deallusrwydd Artiffisial i symleiddio tasgau sylfaenol.
