Beth yw Ymrwymiad y Technegwyr?
Mae Ymrwymiad y Technegwyr yn fenter prifysgolion a sefydliadau ymchwil, wedi'i harwain gan grŵp llywio o gyrff y sector, a gynhelir gan Sefydliad Sgiliau a Strategaeth Dechnegol y DU.
Nod yr Ymrwymiad yw sicrhau amlygrwydd, cydnabyddiaeth, datblygu gyrfa a chynaliadwyedd ar gyfer technegwyr sy'n gweithio ym myd addysg uwch ac ym maes ymchwil ar draws pob disgyblaeth. Croesewir prifysgolion a sefydliadau ymchwil i ddod yn llofnodwyr Ymrwymiad y Technegwyr ac ymrwymo i weithredu i fynd i'r afael â'r heriau allweddol sy'n effeithio ar eu staff technegol.
Mae'r Ymrwymiad yn cynnwys 4 maes allweddol
Ein hymrwymiad i'n technegwyr
Mae Prifysgol Abertawe'n cydnabod y cyfraniadau hollbwysig a wneir gan ei thechnegwyr at addysgu, ymchwil a gweithredu a chynnal a chadw cyfleusterau'n gyffredinol. I gyd-fynd â'n strategaethau ar bobl, ymchwil ac addysgu, rydym yn ymrwymedig i ddatblygu sgiliau ein carfan o dechnegwyr ymhellach, i amlygu eu rolau a'u cyfraniadau, i'w galluogi i achub ar gyfleoedd gyrfa gwobrwyol ac i sicrhau cynaliadwyedd eu set sgiliau ehangach.
Cytunwyd yn ffurfiol ar ein hymrwymiad ym mis Mawrth 2022, wrth i ni lofnodi'r Ymrwymiad i Dechnegwyr.
Mae rhan o'n hymrwymiad yn cynnwys creu cynllun gweithredu dwy flynedd i wella cyfleoedd gyrfa a sgiliau ein technegwyr. Mae hyn hefyd yn cynnwys cydnabyddiaeth am eu cyfraniadau.
Mae Grŵp Llywio'r Ymrwymiad i Dechnegwyr, dan arweiniad Ruth Bunting, Cyfarwyddwr Gweithrediadau (y Gyfadran Gwyddoniaeth a Pheirianneg), a Mark Pritchard, Pennaeth Technegol, Isadeiledd a'r Amgylchedd (y Gyfadran Gwyddoniaeth a Pheirianneg), yn cynnwys aelodau o gymuned y technegwyr ac academyddion ac arweinwyr y Gwasanaethau Proffesiynol.
Mae ei brif nodau'n cynnwys:
- Ymgysylltu â fforwm Technegwyr y Brifysgol
- Ymgysylltu â rhanddeiliaid mewnol eraill
- Cwrdd â rhanddeiliaid allanol megis y Cyngor Gwyddoniaeth
Bydd rhagor o newyddion am ein hymrwymiad i'n technegwyr yn ymddangos ar y dudalen hon. Os oes gennych gwestiwn neu ymholiad, e-bostiwch techniciancommitment@abertawe.ac.uk
Cyflwyno Ein Technegwyr
Mae'r Brifysgol yn cyflogi amrywiaeth o dechnegwyr a dyma rai enghreifftiau isod.