GUNT Technology Limited (nawdd aur):
Mae GUNT Technology Limited (GTL) yn is-gwmni i'r gweithgynhyrchwr Almaenaidd, G.U.N.T. Gerätebau GmbH.
Ers 1979, mae GUNT yn datblygu, yn gweithgynhyrchu ac yn darparu cyfarpar i’w ddefnyddio mewn addysg beirianneg sy’n cael ei ddylunio a'i adeiladu ar gyfer prifysgolion, colegau ac academïau hyfforddiant technegol ledled y byd.
Mae ystod GTL yn cynnwys dros 1000 o unedau a systemau, gan gynnwys ategolion, yn ei bortffolio, gan gwmpasu meysydd allweddol pynciau peirianneg addysgol.
- Mecaneg beirianneg a dylunio peirianneg
- Mecatroneg
- Peirianneg thermol
- Mecaneg hylifau
- Peirianneg prosesau
- Ynni a'r amgylchedd
Yn ogystal â darparu cyfarpar, mae'r cwmni hefyd yn darparu gwasanaethau allweddol megis:
- Dylunio labordai a chysyniadol
- Gosod/comisiynu
- Hyfforddiant ar gyfer staff labordy ac addysgu
- Llawlyfrau o'r radd flaenaf
Mae gan GUNT bartneriaethau â llawer o brifysgolion a cholegau blaenllaw.
Mae'r berthynas hon ag addysg ac ymchwil wedi galluogi GUNT i barhau ar flaen y gad yn ei faes ac i ehangu ei ystod o gynhyrchion hyfforddi er lles yr holl sefydliadau peirianneg.
Calibre Scientific (nawdd arian):
Mae Calibre Scientific yn gwmni byd-eang sy'n gweithgynhyrchu ac yn dosbarthu cyfarpar a nwyddau traul i labordai ledled y byd. Nod Calibre yw creu dyfodol gwell drwy ddatrys heriau gwyddor bywyd gyda’i gynhyrchion a'i wasanaethau. Mae tîm Calibre yn darparu gwasanaeth cwsmeriaid ardderchog a blynyddoedd o brofiad gwyddonol i gefnogi ei gyd-wyddonwyr.
VWR/Avantor (nawdd arian):
O ddarganfod i gyflawni, mae VWR/Avantor yn gwmni byd-eang dibynadwy sy'n darparu cynhyrchion a gwasanaethau hanfodol i gwsmeriaid a chyflenwyr ym meysydd y gwyddorau bywyd, addysg, llywodraeth, technolegau uwch a deunyddiau cymhwysol.
Mae VWR/Avantor yn gweithio ochr yn ochr â chwsmeriaid ar bob cam o'r daith wyddonol i alluogi arloesi mewn meddygaeth, gofal iechyd a thechnoleg. Defnyddir portffolio'r cwmni ar bron pob cam o'r gweithgareddau ymchwil, datblygu a chynhyrchu pwysicaf yn lleoliadau mwy na 300,000 o gwsmeriaid mewn 180 o wledydd.
Dixon Science (nawdd arian):
Mae Dixon Science yn gwmni chwythu gwydr arbenigol sy'n gweithgynhyrchu ac yn cyflenwi ystod lawn o nwyddau gwydr gwyddonol. Gyda thros 100 o flynyddoedd yn y diwydiant, mae gan Dixon brofiad o lestri adweithydd gwydr, cymwysiadau gwactod, celloedd electrogemegol a chyfarpar hollol bwrpasol.
Mae Dixon hefyd yn cyflenwi ystod lawn o nwyddau gwydr wedi'u brandio, plastigion, cerameg, papur hidlo, caledwedd a chymwysiadau i hwyluso pob maes ymchwil.
Starlab (nawdd arian):
Mae Starlab yn arbenigo mewn technoleg trin hylifau a hanfodion labordy. Mae portffolio'r cwmni'n cynnwys nwyddau traul labordy a chyfarpar pen bwrdd o ansawdd uchel, gan gynnwys tipiau piped TipOne, pipedau sianel sengl ac aml-sianel, cynhyrchion meithrin celloedd a menig. Mae Starlab hefyd yn gwasanaethu pipedau, gwasanaeth sydd wedi'i achredu gan UKAS ac ar gael ar y safle neu drwy'r post.
Sim & Skills (nawdd arian):
Mae Sim & Skills yn un o’r darparwyr mwyaf blaenllaw cyfarpar efelychu gofal iechyd a hyfforddwyr sgiliau clinigol yn y DU. Mae gan y cwmni dros 40 o flynyddoedd o brofiad clinigol ac addysgol ac mae ei dîm gwybodus yn cynnig cyngor i helpu cwsmeriaid i ddod o hyd i'r atebion gorau. Mae Sim & Skills yn gweithio gyda rhai o gyflenwyr mwyaf blaenllaw’r byd i ddarparu'r ystod ehangaf o gynhyrchion arloesol. Cenhadaeth y cwmni yw gwneud addysg gofal iechyd yn hygyrch, yn fforddiadwy ac yn brofiad i’w fwynhau.
asecos
asecos yw'r gweithgynhyrchwr mwyaf blaenllaw ym marchnad atebion storio deunyddiau peryglus ers 1994.
Fel arbenigwyr ym maes storio, trin ac echdynnu deunyddiau peryglus, mae asecos yn cynnig cynhyrchion arloesol i'w gwsmeriaid. Mae ei bortffolio helaeth o gynhyrchion yn cynnwys: atebion storio hylifau a solidau fflamadwy, asidau a basau, nwyon cywasgedig, batris ïonau lithiwm etc. Gan ddibynnu ar y deunydd peryglus i'w storio, caiff cabinetau eu gweithgynhyrchu a'u profi i fodloni safonau BS, EN a VDMA priodol.
O swyddfeydd y cwmni yn Derby, mae asecos yn cynnig gweminarau a hyfforddiant wyneb yn wyneb rheolaidd, ac mae'n cyflwyno ei ystod o gabinetau o ystafell arddangos o'r radd flaenaf. Mae arbenigwyr y cwmni ar gael mewn lleoliadau rhanbarthol i gynghori ar storio deunyddiau peryglus dan do gan gydymffurfio â rheoliadau. Mae gan asecos rwydwaith dosbarthu sefydledig ledled y DU ac Iwerddon ac mae'n cynnig pecynnau gwasanaeth cadarn.
TecQuipment
Mae TecQuipment yn weithgynhyrchydd blaenllaw offer addysgol ar gyfer rhaglenni peirianneg a ddefnyddir gan sefydliadau mewn dros 150 o wledydd ledled y byd.
Am dros 65 o flynyddoedd, mae TecQuipment wedi creu enw da am ddylunio a datblygu offer addysgu peirianneg ymarferol o'r radd flaenaf gan baratoi myfyrwyr â'r sgiliau y mae'r galw mwyaf amdanynt ar gyfer y farchnad lafur beirianneg.