Gystadleuaeth Eiriolaeth Polisi
Mae'r Arsyllfa ar Hawliau Dynol Plant wedi dod yn Arsyllfa ar Hawliau Dynol a Chyfiawnder Cymdeithasol (ac mae wedi ehangu ei gweithgareddau y tu hwnt i hawliau plant). Bydd ein gwaith ar hawliau plant yn parhau, gan gynnwys ein Canolfan Gyfreithiol y Plant Cymru.
Bydd y gystadleuaeth eiriolaeth polisi'n parhau a chyhoeddir yr enillydd yn ystod ein Darlith Flynyddol ar Hawliau Plant.
Rydym yn falch iawn o gyhoeddi cystadleuaeth newydd o fri ar gyfer timau o fyfyrwyr israddedig ac ôl-raddedig sydd â diddordeb yn hawliau dynol plant, y gyfraith a pholisi yn ymwneud â phlant.
Mae Cystadleuaeth Eiriolaeth Polisi’r Arsyllfa ar Hawliau Dynol Plant 2024 yn cael ei chyflwyno gyda chefnogaeth Pwyllgor y DU ar gyfer UNICEF (UNICEF y DU).
Gwybodaeth am y Gystadleuaeth
Mae eiriolaeth polisi i hyrwyddo hawliau plant dan Gonfensiwn y Cenhedloedd Unedig ar Hawliau’r Plentyn yn allweddol i wella bywydau plant.
Mae’r Gystadleuaeth Eiriolaeth Polisi hon (a gefnogir gan UNICEF-y DU) yn gyfle i dimau o fyfyrwyr ymchwilio i fater polisi, paratoi briff ar gyfer Gweinidog Llywodraeth (dychmygol) a gweithredu fel eiriolwyr dros hawliau plant.
Y dasg
Gofynnir i dimau baratoi Papur Briff Polisi ysgrifenedig i’w gyflwyno i Weinidog Plant mewn awdurdodaeth wladol ddychmygol.
Bydd y timau’n cynrychioli Comisiynydd Plant i ddadlau’r achos o blaid dileu’r amddiffyniad o ‘gosb y gellir ei chyfiawnhau’ sydd ar gael i rieni a gofalwyr sy’n gyfrifol am blentyn fel amddiffyniad rhag cyhuddiad o ymosod yn y Wladwriaeth ddychmygol.
Bydd y briffiau ysgrifenedig yn cael eu hasesu a bydd wyth tîm yn cael eu gwahodd i wneud cyflwyniad llafar ar-lein i banel o feirniaid arbenigol.
Cymryd rhan
Mae Ysgol y Gyfraith ym Mhrifysgol Abertawe yn gwahodd timau o fyfyrwyr sydd wedi cofrestru ar raglen astudio Baglor neu Feistr ar 30ain Ebrill 2024 i gymryd rhan yn y gystadleuaeth.
Nid oes ffi ymgeisio na gweinyddu am y gystadleuaeth hon.
Cofrestru
Mae modd cofrestru ar gyfer y gystadleuaeth hon bellach. I gymryd rhan ynddi, rhaid i chi gofrestru erbyn 5pm (amser y DU) ar 28 Mehefin 2024.
Mae cyfarwyddiadau ynghylch sut i gofrestru ar gael o dan Reolau 17 a 18 yn ‘Rheolau'r Gystadleuaeth’. Gallwch gael mynediad at y rheolau hyn drwy ddilyn y ddolen isod.
