Pobl

Mae Val yn addysgu Cyfraith Droseddol a Chyfraith Hawliau Dynol. Mae ganddi ddiddordeb arbennig mewn plismona a chyfraith protest, ac mae ei hymchwil wedi canolbwyntio ar y graddau y mae gwyliadwriaeth y wladwriaeth yn rhwystro neu'n cyfyngu ar hawliau protest. Roedd ei thraethawd ymchwil doethurol yn ystyried y sail gyfreithiol ar gyfer mathau 'amlwg' o oruchwylio a monitro gan y wladwriaeth, ac yn cwestiynu a yw pwerau'r heddlu yn y maes hwn wedi'u diffinio a'u cyfyngu'n ddigonol. Roedd hefyd yn archwilio’r gwahanol ffyrdd y gall arferion gwyliadwriaeth yr heddlu amharu ar neu’n ‘tawelu’ y broses o ysgogi protestiadau.

Darllenwych fyw am waith Val: Dr Val Aston - Prifysgol Abertawe

Mae Hannah yn Eiriolwr Plant a Hawliau Dynol profiadol ac angerddol iawn sydd â chefndir mewn cyfranogiad ac ymgysylltiad, ac yn angerddol dros fynediad at gyfiawnder ac addysg gyfreithiol glinigol. Ar ôl cwblhau ei hastudiaethau graddedig (Dosbarth Cyntaf) a meistr (Rhagoriaeth) ym Mhrifysgol Caerdydd, mae wedi datblygu ei sgiliau rheoli prosiect drwy weithio yn Barnardo's Cymru a sefydlu elusen sydd y gyntaf o'i bath – Uned Hawliau Plant Castell-nedd Port Talbot.

Ar hyn o bryd mae Hannah yn rheoli Canolfan Gyfreithiol y Plant Cymru, yn rhan annatod o ymrwymiad Ysgol y Gyfraith i hawliau plant.

Ymunodd Sara ag Ysgol y Gyfraith ym mis Awst 2020.  Ei diddordebau ymchwil yw troseddu ac erledigaeth yn y byd digidol, plismona, technoleg gyfreithiol a chyfraith dechnegol, yn ogystal â moeseg data. Mae ganddi brofiad o ddefnyddio dulliau ansoddol a meintiol ac mae'n angerddol am fanteision gweithio mewn partneriaeth â chydweithwyr a rhanddeiliaid, i ddefnyddio manteision dulliau cymysg ac ymchwil ryngddisgyblaethol.

Darllenwych fyw am waith: Dr Sara Correia-Hopkins - Prifysgol Abertawe

Mae Dr Rhian Croke yn Ymgynghorydd Annibynnol ar Hawliau Plant ac mae’n Aelod o Arsyllfa ar Hawliau Dynol Plant. Mae ganddi wledd o brofiad gan gynnig ymchwil, hyfforddiant, ac ymgynghoriaeth ar hawliau plant. Ar hyn o bryd, mae Rhian yn gweithredu fel Ymgynghorydd Hawliau Plant i Ganolfan Gyfreithiol y Plant Cymru. 

Yn ddiweddar, dyfarnwyd gradd PhD i Rhian gan Ysgol y Gyfraith Hillary Rodham Clinton ym Mhrifysgol Abertawe. Mae hi’n meddu ar radd MPhil yn y Gwyddorau Cymdeithasol o Brifysgol Cape Town a gradd LLB o Brifysgol Caeredin.  

Darlithydd mewn Troseddeg ym Mhrifysgol Abertawe yw Joe. Mae hefyd yn aelod o'r Grwpiau Ymchwil Hawliau Plant a Chyfiawnder Arloesol Ieuenctid.

Mae ymchwil ddoethurol Joe yn canolbwyntio ar gyfiawnder ieuenctid yng Nghymru, yn enwedig felly rôl a dylanwad timau troseddau ieuenctid Cymru yng nghyd-destun cyfiawnder ieuenctid cyn datganoli.

Cyn dechrau gyrfa academaidd gyda Phrifysgol Abertawe, bu Joe yn gweithio fel ymarferwr gydag elusen Llamau, gan gefnogi pobl ifanc sy’n agored i niwed o ran eu hailsefydlu mewn tai a chynnig cefnogaeth o safbwynt gyrfa a datblygiad proffesiynol.

Darllenwch fwy am waith Joe

Athro Cysylltiol yn Ysgol y Gyfraith Hillary Rodham Clinton yw Victoria.

Mae ei diddordebau ymchwil ym maes y gyfraith amgylcheddol, yn benodol ymagweddau cyfreithiol at reoli tir cynaliadwy a rheoli adnoddau naturiol, gan gynnwys arwyddocâd syniadau tirwedd. Mae ganddi ddiddordeb penodol yn y materion hyn o safbwynt lleol a Chymreig.

Darllenwhc fwy am waith Victoria

Mae Caroline yn Athro Cysylltiol yn Ysgol y Gyfraith Hillary Rodham Clinton. 

Mae diddordebau ymchwil Caroline ym maes cyfraith gofal iechyd yn bennaf ac, yn hanesyddol, ym maes cyfraith teulu.

Darllenwch fwy am waith Caroline 

Mae Michaela yn Uwch Ddarlithydd yn Ysgol y Gyfraith Hillary Rodham Clinton.

Mae gan Michaela gefndir eang mewn ymgyfreitha, ac mae’n arbenigo mewn cyfraith sifil a theulu, gan gynnwys anafiadau personol a gwaith cyfreithiol cyhoeddus a phreifat i deuluoedd. Ar hyn o bryd, mae hi’n cynorthwyo wrth gyflwyno’r cyrsiau Ymgyfreitha Sifil a Phrofiant ac mae’n gyfrifol am y cyrsiau dewisol Cyfraith Teulu ac Ymarfer a Chyfraith Gofal Plant.

Darllenwch fwy am waith Michaela.

Phatsimo yw Cyfarwyddwr Rhaglen Astudiaethau Troseddeg israddedig. Mae hi wedi dysgu Troseddeg ym Mhrifysgol Abertawe ers 2016 ac mae'n Gymrawd yr Academi Addysg Uwch.

Mae hawliau plant bob amser wedi bod yn agos at galon Phatsimo, cafodd ei PhD ei hysbrydoli gan y bobl ifanc y bu'n gweithio gyda nhw dros y blynyddoedd, gan ganolbwyntio ar hawliau a chyfrifoldebau plant a phobl ifanc; Gwaith empirig sydd â chyfranogiad plant wrth ei wraidd.

Darllenwch fwy am waith Phatsi.

Tracey yw Cyfarwyddwr y Rhaglen Gwaith Cymdeithasol ym Mhrifysgol Abertawe. Maes arbenigedd Tracey yw; mae pobl ifanc yn dod â hawliau yn dda; polisi mewnfudo ac arfer gwaith cymdeithasol; Lles a gwaith cymdeithasol LGBT; hyrwyddo ymchwil mewn gwaith cymdeithasol.

Darllenwch ragor am waith Tracey.

Ar hyn o bryd mae Kate yn fyfyrwraig PhD sy'n astudio'r fframwaith hawliau cyfreithiol a dynol gan ei fod yn gysylltiedig â dysgu plant a phobl ifanc anabl ac awtistig yng Nghymru. Ar ôl cwblhau'r Diploma yn y Gyfraith i Raddedigion, y Cwrs Ymarfer Cyfreithiol a'r LLM yn Ysgol y Gyfraith Hillary Rodham Clinton, enillodd Kate ysgoloriaeth gan yr ESRC i gwblhau gradd Meistr mewn Dulliau Ymchwil Cymdeithasol a'r PhD.

Mae Karen yn Athro Cyfraith Amgylcheddol yn Ysgol y Gyfraith Prifysgol Abertawe. Mae ei diddordebau ymchwil yn canolbwyntio ar agweddau damcaniaethol ac ymarferol ar gyfranogiad cyhoeddus mewn cyfraith a pholisi amgylcheddol a chynaliadwyedd yn ogystal â rhywedd a'r amgylchedd.

Mae Karen wedi cyhoeddi'n helaeth ar amrywiaeth o faterion amgylcheddol, mewn cyd-destunau cyfreithiol a rhyngddisgyblaethol, ac mae ganddi nifer o rolau golygyddol blaenllaw ar hyn o bryd.

Mae Alison Perry yn Athro Cysylltiol yn Ysgol y Gyfraith Hillary Rodham Clinton. Mae hi'n addysgu cyfraith teulu.

Darllenwch ragor am waith Alison.

Ymunodd Chris ag Ysgol y Gyfraith Prifysgol Abertawe ym mis Ionawr 2023.

Ei brif ddiddordeb ymchwil yw cyfraith gyhoeddus y DU, yn enwedig cyfraith mewnfudo a chyfraith nawdd cymdeithasol.

Darllenwch fwy am waith Chris.

Rhian yw’r Arweinydd Ymchwil a Datblygu ar gyfer Ysbyty Plant Noah’s Ark Cymru a’r Arweinydd Gweithredol ar gyfer yr Uned Ymchwil Plant ac Oedolion Ifanc, sef yr unig le ymchwil sydd wedi’i neilltuo i ymchwil bediatrig yng Nghymru, yn Ysbyty Plant Cymru.

Ar ôl cwblhau ei LLB yn Abertawe, a’i LPC a’i LLM mewn Agweddau Cyfreithiol ar Ymarfer Meddygol yng Nghaerdydd,  mae Rhian bellach yn ymgymryd â PhD yn Ysgol y Gyfraith Hillary Rodham Clinton, gan ymchwilio i hawliau plant ac effaith modelau ymchwil sy’n seiliedig ar y farchnad ar ddatblygu triniaeth newydd ar gyfer anghenion meddygol plant nad ydynt wedi’u diwallu.

Mae Dr Tyrie yn Uwch-ddarlithydd mewn Astudiaethau Plentyndod Cynnar ac yn gyfarwyddwr y rhaglen MA mewn Astudiaethau Plentyndod ym Mhrifysgol Abertawe.

Mae ymchwil Dr Tyrie yn archwilio plentyndod cynnar o safbwyntiau cymdeithasegol a daearyddol, gan ganolbwyntio ar ymchwil ynghylch hawliau plant a chydraddoldeb a chyfranogiad plant mewn lleoliadau gofal plentyndod cynnar ac addysg.

Darllenwch fwy am waith Jacky.

Mae Katy'n Uwch-ddarlithydd yn Ysgol y Gyfraith,. Mae hi'n aelod o’r Ganolfan Ymchwil i Seiberfygythiadau (CYTREC), Rhwydwaith Rhagoriaeth VOX-Pol, a Rhwydwaith Cynghori Christchurch Call.

Mae gwaith ymchwil presennol Katy'n canolbwyntio ar y gyfraith a pholisi gwrthderfysgaeth ac effaith hyn ar ddiogelu a hyrwyddo hawliau dynol, gan bwysleisio pwysigrwydd strategaeth gwrthderfysgaeth effeithiol sy'n parchu hawliau dynol.

Darllenwych fyw am waith Katy: Dr Katy Vaughan - Prifysgol Abertawe

Ymunodd Mary â Phrifysgol Abertawe yn 2019 ac mae hi'n astudio ar gyfer PhD ar hyn o bryd, gan ymchwilio i fregusrwydd yn y Llys Troseddol Rhyngwladol. Cyn iddi ymgymryd â'r rhaglen PhD, astudiodd hi LLB yn y Gyfraith a Sbaeneg ac LLM mewn Hawliau Dynol. Yn ystod y cyfnod hwn, astudiodd hi amrywiaeth o bynciau sy'n gysylltiedig â hawliau dynol, megis hawliau plant, cyfraith ddyngarol a biofoeseg. Ym mis Medi 2024, cwblhaodd draethawd hir ei gradd Meistr â'r teitl, ‘A Socio-legal Review on the Adequacy of Healthcare in Wales for Disabled People under the UNCRPD Right to Health’. Ar ben hynny, mae hi hefyd wedi cynnal ymchwil ar y cyd â Phrifysgol Abertawe a Chanolfan Gyfreithiol y Plant Cymru fel rhan o interniaeth i ganfod sut mae lleisiau plant yn cael eu defnyddio mewn ysgolion. Mae hi hefyd yn gweithio gyda'r Prosiect Llythrennedd ar gyfer Siaradwyr Sbaeneg yn y Brifysgol, gan helpu'r gwaith o integreiddio ceiswyr lloches yn Abertawe. Fel menyw awtistig gwiar, mae Mary hefyd wedi profi bregusrwydd yn bersonol ac mae'n ymwybodol o'r bylchau gweithredu mewn polisi cyhoeddus a llywodraethu, oherwydd ei phrofiad personol, sy'n gadael pobl sy'n agored i newid heb amddiffyniad ac mewn perygl o gael eu trin yn wahaniaethol.