Prosiectau Ymchwil ac Effaith

Sefydlwyd y prosiect hwn gan y Llywodraeth Cymru. Mae canfyddiadau’r ymchwil yn amlinellu dulliau i gryfhau a gwella cydraddoldeb a hawliau dynol yng Nghymru, gyda’r adroddiad yn cynnwys 40 o argymhellion ar gyfer diwygio deddfwriaeth, polisi a chanllawiau, ynghyd â mathau eraill o ddiwygiadau, er mwyn diwallu’r amcan hwn.

Mae'r Arsyllfa'n gweithio gyda Chomisiynydd Plant Jersey i lunio canllaw (Ymagwedd Hawliau Plant) i ymarferwyr addysg a gwaith cymdeithasol proffesiynol ei ddefnyddio i roi effaith i CCUHP yn eu gwaith. Disgwylir i'r prosiect gael ei gwblhau ym mis Rhagfyr 2020.

Sefydlwyd y prosiect hwn gan y Comisiynydd Cydraddoldeb a Hawliau Dynol a bu'n archwilio effaith Mesur Hawliau Plant a Phobl Ifanc (Cymru) 2011, a ymgorfforodd CCUHP yng nghyfraith Cymru. Cwblhawyd y prosiect ym mis Awst 2018. Mae adroddiad ar y prosiect ar gael yma.

Ariannwyd y prosiect hwn gan Gomisiynydd Plant Jersey i archwilio diffygion o ran cydymffurfiaeth deddfwriaeth Jersey â CCUHP. Cwblhawyd y prosiect ym mis Medi 2020. Lawrlwytho adroddiad y prosiect.

Gyda chyllid gan ddau grant olynol gan gronfa Pobl a Lleoedd y Loteri Genedlaethol, defnyddiwyd methodoleg Plant fel Ymchwilwyr mewn dros 100 o brosiectau lleol ledled Cymru i rymuso plant saith oed a hŷn i ymgymryd â'u hymchwil eu hunain a chyflawni newid, ac i gyfrannu at fonitro o dan CCUHP. Darllenwch ragor am y prosiectau.

Lleolir ein Canolfan Gyfreithiol y Plant yn Ysgol y Gyfraith Hillary Rodham Clinton, Prifysgol Abertawe. Mae'n darparu cyngor a gwybodaeth ar-lein i bobl ifanc am eu hawliau, yng Nghymru ac yn gyffredinol.

Mae Canolfan Gyfreithiol y Plant yn cynnwys gwybodaeth am faterion penodol (er enghraifft, plant a lloches, plant sy'n cael eu harestio a gwybodaeth i blant anabl), yn ogystal ag adnoddau a blog am hawliau dynol plant.