Astudiaethau Achos Cyrsiau Cyfreithiol Proffesiynol

"Dewisais Abertawe oherwydd mae’r staff Ysgol y Gyfraith yn anhygoel, a fod y myfyrwyr eraill, y cymdeithasau, i gyd yn ardderchog. Roedd y lleoliad hardd ger y môr, yn enwedig wrth deithio i fyny ar y trên a’r bws, yn dda i’r enaid.

Byddwn yn cynghori unrhyw un sy’n ystyried Prifysgol Abertawe i beidio petruso. Roedd y profiad o astudio yn anhygoel, ond mae hefyd wedi fy nghyfarparu ac wedi fy ngalluogi i ddilyn fy swydd ddelfrydol. Fel myfyriwr aeddfed o’r gyfraith roeddwn i yn gweld fy mod i yn medru dewis lle roeddwn i eisiau gweithio."

Bu Barbara Jane yn gweithio am lawer o flynyddoedd mewn sefydliadau llywodraethol ac elusennau'n cefnogi teuluoedd a oedd yn wynebu amryw o broblemau, cyn cwblhau ei gradd Meistr yn Abertawe a dechrau ar ei gyrfa yn y gyfraith.

Bellach, mae'n gyfreithiwr yng Nghaerdydd, sy'n ceisio amddiffyn y rhai mwyaf diamddiffyn mewn cymdeithas i gael mynediad at eu hawliau, ac yn arbenigo ym maes Llys Gwarchod y gyfraith.

"Rwy’n argymell Abertawe yn gryf i unrhyw un sy’n ystyried astudio yno!

Mae’n darparu addysgu o ansawdd uchel ynghyd â chyfleusterau gwych fel y llyfrgell, i’ch helpu yn eich astudiaethau. Mae digon o gyfleoedd gwaith hefyd a fydd yn helpu’n fawr wrth ddod o hyd i waith ar ôl gorffen gradd."

Roedd Isabel yn fyfyriwr arobryn pan oedd hi yn Abertawe, gan ennill sawl gwobr am ei gwaith cyfreithiol pro bono, gan roi dros 750 o oriau o'i hamser i Glinig y Gyfraith Abertawe. Am y gwaith hwn, cafodd ei dewis i dderbyn Gwobr Diana, a sefydlwyd i barhau ag etifeddiaeth y Dywysoges Diana o ran gwobrwyo gwaith cymdeithasol a dyngarol.

Bellach mae'n gyfreithiwr gyda DPA Law, cwmni cyfreithiol blaenllaw gyda swyddfeydd ar draws de Cymru.

"Roedd y staff addysgu yn Abertawe yn barod iawn i helpu, ac felly roedd hi’n llawer haws ymdopi â chyfnodau asesu, ac roedd y darlithoedd yn ennyn diddordeb, yn addysgiadol ac yn bleserus.

Gwnaeth astudio ystod eang o bynciau’r gyfraith fy helpu i ddewis y maes y byddwn i’n ei ddewis yn ddiweddarach ar gyfer y tymor hir.

Roedd yr addysgu a’r cyfleusterau sydd ar gael yn ystod y cwrs yn ei gwneud hi’n hawdd deall y deunydd a ddysgwyd, a rhoddodd y cyfuniad o ddarlithoedd a seminarau gyfle da i ddefnyddio’r wybodaeth a ddysgwyd yn y darlithoedd mewn
amgylchedd heriol."

Ar ôl cwblhau ei astudiaethau yn Abertawe, dechreuodd Alex ar ei yrfa gyfreithiol, ac ar hyn o bryd mae'n gyfreithiwr gyda Peter Lynn & Partners, cwmni cyfreithiol gydag amryw o swyddfeydd yng Nghymru.

Bellach mae Alex yn arbenigo mewn cyfraith eiddo masnachol, caffaeliadau, prydlesu a gwerthiannau'n benodol.

"Gwnes ymdrech i gael profiad gwaith a sicrhau lleoliadau gwaith amrywiol, gan gynnwys tymor prawf byr gyda siambrau sy’n arbenigo mewn cyfraith teulu, lleoliad gydag adran gyfreithiol sy’n arbenigo mewn cyfraith amgylcheddol, a phrofiad gwaith gyda chwmni o gyfreithwyr preifat lle cefais brofiad o drawsgludo, anafiadau personol ac ewyllysiau a phrofiant.

Rwy’n ddiolchgar i’r Ysgol am gynnig amgylchedd proffesiynol ond cyfeillgar i gwblhau 4 blynedd o astudio anodd ond gwobrwyol sy’n angenrheidiol i ddatblygu yn fy ngyrfa."

Cwblhaodd Sam ei astudiaethau israddedig a'i radd Meistr yn Abertawe, cyn dod yn gyfreithiwr dan hyfforddiant a bellach mae'n Ymgynghorydd Cyfreithiol i Senedd Cymru.

Mae'n ymarferydd achrededig sy'n arbenigo mewn cyfraith gwybodaeth, cyfraith gyhoeddus a chyfansoddiadol ac yn cynghori Aelodau'r Senedd a Phleidiau'n rheolaidd o ran diogelu data, cynnwys deddfwriaeth a chyfraith hawliau dynol.

"Roedd fy narlithwyr yn angerddol, yn llawn anogaeth ac yn frwdfrydig a mwynheais bob eiliad. Ar ôl mynd i ddiwrnodau gyrfa a chwblhau profiad gwaith, penderfynais ddod yn gyfreithiwr. Am fod fy narlithwyr naill ai wedi bod yn gyfreithwyr neu'n gyfreithwyr o hyd, roeddent yn fy nghefnogi drwy'r broses.

Gallaf ddweud, yn hollol onest, na fyddwn i yn y sefyllfa hon heddiw heb gymorth gan Abertawe. Cefais gyfleoedd anhygoel a rwy'n siarad amdanynt o hyd yn ystod cyfweliadau swydd (bydd fy mhrofiad gwaith yn Botswana bob amser yn uchafbwynt). Roedd gan fy narlithwyr ffydd ynof gan fy annog i ddechrau ar fy ngyrfa a byddaf bob amser yn gwerthfawrogi hynny."

Ar ôl cwblhau ei gradd LLM, mae Danielle wedi mynd i weithio i sawl cwmni cyfreithiol, gan arbenigo mewn sawl maes sy'n ymwneud â chyfraith fasnachol, gan gynnwys bancio a chyllid. 

Mae hi bellach yn gweithio i EE, yr ail weithredwr rhwydwaith symudol mwyaf yn y DU, fel cyfreithiwr yn y tîm Contractau Masnachol.

"Roedd y cwrs yn ddiddorol iawn, yn gyflym ac yn llawer mwy ymarferol na’m hastudiaethau israddedig. Roedd pawb y gwnes i gwrdd â nhw ym Mhrifysgol Abertawe’n agos atoch iawn, yn garedig ac yn barod i helpu. Cymerodd y staff ddiddordeb mawr yn eich datblygiad ac roedden nhw eisiau i chi wneud yn dda.

Rydw i bob amser yn dweud mai fy mlwyddyn ym Mhrifysgol Abertawe yn blwyddyn orau fy addysg. Mae’n waith caled ac mae angen llawer o ymrwymiad ond mae’r buddion yn werth chweil yn bendant."

Ers graddio, mae Sophie wedi meithrin gyrfa gyfreithiol flaenllaw, bellach yn Gyfarwyddwr cwmni cyfreithiol yn Abertawe, JCP.

Mae hi bellach yn arwain tîm sy'n darparu gwasanaethau i fanciau mawr ar y stryd fawr a benthycwyr eraill, gan ad-ennill benthyciadau gan gwmnïau ac unigolion ledled Cymru a Lloegr.