1. Hafan
  2. Ein Hymchwil
  3. Uniondeb Ymchwil: Moeseg a Llywodraethu
  4. Llywodraethu Ymchwil
  5. Adroddiadau Blynyddol

Adroddiadau Blynyddol

Stethosgop ar ben pentwr o ddogfennau

Rhaid i'r Pwyllgorau Moeseg Ymchwil (REC) fonitro ymchwil sydd wedi derbyn barn ffafriol. Felly, rhaid i chi gyflwyno Adroddiadau Cynnydd Blynyddol er mwyn hysbysu REC am gynnydd eich astudiaeth ymchwil. Mae Adroddiadau Cynnydd yn ofynnol dim ond ar gyfer astudiaethau sy'n para hwy na dwy flynedd.

Mae'r wybodaeth y mae ei hangen mewn Adroddiad Cynnydd Blynyddol yn ymwneud ag ymchwil a gynhaliwyd, recriwtio, addasiadau a diogelwch. Cyfrifoldeb y Prif Ymchwilydd yw cwblhau a chyflwyno Adroddiadau Cynnydd Blynyddol. Dylai'r adroddiad gael ei gyflwyno i REC (a roddodd y farn ffafriol) 12 mis ar ôl dyddiad rhoi'r farn ffafriol. Dylai'r Adroddiadau Cynnydd Blynyddol gael eu cyflwyno wedi hynny tan ddiwedd yr astudiaeth.

NHS HRA Logo

Ceir ffurflenni ar wahân ar gyfer cyflwyno Adroddiadau Cynnydd Blynyddol, gan ddibynnu ar y math o ymchwil, felly defnyddiwch y ffurflen sydd fwyaf perthnasol:

https://www.hra.nhs.uk/approvals-amendments/managing-your-approval/progress-reports/  

Dylai'r Prif Ymchwilydd awdurdodi'r Adroddiadau Cynnydd Blynyddol a/neu Noddwr yr astudiaeth, a dylai copi electronig gael ei e-bostio i REC o fewn 30 niwrnod o ddyddiad blynyddol y farn ffafriol. A wnewch chi hefyd anfon copi at y tîm llywodraethu ymchwil (researchgovernance@abertawe.ac.uk).