Gellir defnyddio Chwilio Clyfar i chwilio am eiriau allweddol mewn cwrs yn Canvas. Ar hyn o bryd gall dod o hyd i eiriau ar dudalennau Canvas, mewn cyhoeddiadau, trafodaethau, a disgrifiadau o aseiniadau yn y cwrs. Bydd y nodwedd yn cael ei hehangu i gynnwys mwy o fathau o gynnwys yn y dyfodol.
I gyrchu a defnyddio Chwilio Clyfar, dilynwch y camau isod:
Agorwch unrhyw gwrs Canvas. Gwelwch Chwilio Clyfar yn newislen llywio'r cwrs ar ochr chwith y sgrîn.
Teipiwch air allweddol neu ymadrodd yn y blwch chwilio. Bydd angen i chi bwyso'r allwedd 'Enter' i ddechrau'r chwiliad.
Gallwch nawr ddewis arddangos eich rhagenwau ar eich tudalen Gosodiadau Canvas. Gallwch ddewis rhwng 'Dim', 'Hi', 'Ef' neu 'Nhw'. Bydd eich rhagenwau'n ymddangos mewn cromfachau ar ôl eich enw ble bynnag y dangosir eich enw yn Canvas. Ni fydd unrhyw ragenwau yn cael eu harddangos os ydych chi'n dewis yr opsiwn 'Dim'.
Dilynwch y camau isod i osod eich rhagenwau yn Canvas:
Yn y ddewislen lywio gyffredinol, cliciwch ar 'Cyfrif'. Bydd hyn yn agor cwarel ar ochr chwith y sgrîn, lle gallwch gyrchu eich Gosodiadau.
Ar ochr dde'r sgrîn, cliciwch 'Golygu Gosodiadau'. Yna gallwch ddewis eich rhagenwau dewisol yn y gwymplen yn y llun.
Pan fyddwch chi'n fodlon ar y newidiadau, cofiwch eu cadw drwy glicio ar y botwm 'Diweddaru Gosodiadau' ar waelod adran 'Gosodiadau' y dudalen.
Gallwch helpu eich hyfforddwyr i ynganu eich enw'n gywir drwy ychwanegu ynganiad i'ch Proffil ar Canvas. Cyn ychwanegu eich ynganiad at Canvas dylech ddarllen yr erthygl Wiki-How, 'How to Spell your Name Phoenetically', i'ch helpu i ddyfeisio sillafiad ffonetig cywir o'ch enw.
Dilynwch y camau isod i osod ynganiad eich enw yn Canvas:
Yn y ddewislen lywio gyffredinol, cliciwch ar 'Cyfrif'. Bydd hyn yn agor cwarel ar ochr chwith y sgrîn, lle gallwch gyrchu eich Proffil.
Ar ochr dde'r sgrîn, cliciwch 'Golygu Proffil'. Yna gallwch ychwanegu ynganiad eich enw o dan eich enw.
Pan fyddwch chi'n fodlon ar y newidiadau, cofiwch eu cadw drwy glicio ar y botwm 'Cadw Proffil' ar waelod y dudalen.
Mae'r adran Canvas Discussions wedi cael ei hailgynllunio, ac mae swyddogaethau ychwanegol wedi cael eu cyflwyno. Ceir rhyngwyneb wedi'i ddiweddaru sydd bellach yn cynnwys chwilio a modd gweld sgrîn hollt newydd; y gallu i nodi a dyfynnu pobl eraill yn eich atebion; a gallwch nawr olygu eich atebion ac adrodd am ateb rhywun arall os yw'n sarhaus neu'n ymosodol.
Ceir manylion y nodweddion hyn ar y cwrs arweiniad 'Pasbort i Canvas'. Bydd angen i chi wneud yn siŵr eich bod wedi ymrestru ar ymestru ar Pasbort i Canvas cyn y gallwch gael mynediad at y canllawiau isod:
Gallwch ddarganfod sut i ddefnyddio'r Rhyngwyneb Trafodaethau newydd i chwilio, hidlo a didoli atebion; newid rhwng yr olwg syth a'r olwg hollt; a thanysgrifio i drafodaeth:
Gallwch ddarganfod sut i ddefnyddio'r nodweddion ysgrifennu ymateb newydd, sut i nodi a dyfynnu pobl, a sut i sefydlu'ch hysbysiadau i'w defnyddio'n briodol:
Gallwch ddarganfod sut i olygu, a gweld hanes golygu eich ymatebion. Gallwch hefyd roi gwybod am ymateb rhywun arall os yw'n sarhaus neu'n ddilornus:
Cofiwch, ceir gwybodaeth am yr holl lwybrau cymorth sydd ar gael ar gyfer Canvas gan Instructure a chan Brifysgol Abertawe ar ein tudalen Cymorth i Fyfyrwyr:
Ewch i 'Cymorth Canvas i Fyfyrwyr'
