Hysbysiad Preifatrwydd y BioHYB Cynhyrchion Naturiol

Bydd gwybodaeth bersonol y byddwch yn ei rhoi i ni yn cael ei chadw gan BioHYB Cynhyrchion Naturiol, gweithrediad a ariennir gan Lywodraeth y Deyrnas Unedig drwy Gronfa Ffyniant a Rennir y DU (UKSPF) a ddyfernir gan Ddinas a Sir Abertawe (yr Awdurdod). Mae Cronfa Ffyniant Gyffredin y Deyrnas Unedig (y Cyllidwr) yn ei gwneud yn ofynnol i'r gweithrediad gasglu gwybodaeth benodol at ddibenion adrodd a gwerthuso. Ar gyfer data, Cronfa Ffyniant Gyffredin y Deyrnas Unedig, Prifysgol Abertawe a'r Awdurdod yw'r proseswyr data. Yr Adran Ffyniant Bro, Tai a Chymunedau (DLUHC) yw'r rheolwr data. Ar gyfer unrhyw ddata personol ychwanegol sydd ei angen ar BioHYB Cynhyrchion Naturiol, Prifysgol Abertawe yw'r rheolwr data.

Gellir cysylltu â Swyddog Diogelu Data Prifysgol Abertawe drwy:

- dataprotection@abertawe.ac.uk

Gellir cysylltu â Swyddog Diogelu Data’r Awdurdod drwy:

- data.protection@abertawe.gov.uk

- https://www.swansea.gov.uk/privacynotice

Gellir cysylltu â Swyddog Diogelu Data Adran Ffyniant Bro, Tai a Chymunedau drwy:

- dataprotection@levellingup.gov.uk

- https://www.gov.uk/government/publications/uk-shared-prosperity-fund-privacy-notice/uk-shared-prosperity-fund-privacy-notice

Bydd BioHYB Cynhyrchion Naturiol ym Mhrifysgol Abertawe yn casglu data personol a ddarparwch i ni yn eich rhyngweithiadau â'r prosiect (e.e. wrth gymryd rhan mewn digwyddiadau, hyfforddiant, cyfleoedd rhwydweithio, cydweithio, a gweithgareddau eraill sy'n uniongyrchol gysylltiedig â'r prosiect), ac mewn ymateb i gwestiynau gwerthuso a monitro. Gall hyn gynnwys eich enw, cyfeiriad, rhif ffôn neu gyfeiriad e-bost preifat os ydych wedi'u darparu, a chostau cyflogaeth os oes angen fel tystiolaeth o gyfraniad ariannol menter at gydweithrediad. Gellir casglu data cyfle cyfartal dienw ar y cyd sy'n ymwneud â pherchnogion a rheolwyr mentrau hefyd (e.e. rhyw, tarddiad ethnig, grŵp oedran, cymhwysedd yn y Gymraeg, anabledd) os gofynnir am y data gan yr Awdurdod neu'r Cyllidwr.

Ar adegau, efallai y byddwch yn datgelu eich gwybodaeth bersonol sensitif er mwyn mynd i un o'n digwyddiadau (e.e. hygyrchedd neu anghenion dietegol). Yn ein digwyddiadau fel arfer bydd ffotograffydd yn bresennol yn tynnu lluniau cyffredinol a ddefnyddir i hyrwyddo'r digwyddiad. Os oes gennych rôl ffurfiol yn y digwyddiad (e.e. siaradwr), byddwn fel arfer yn tynnu lluniau o'r cyflwyniad.

Y diben dros gasglu eich gwybodaeth bersonol yw:

(i) gwerthuso cymhwysedd i gael cymorth gan BioHYB Cynhyrchion Naturiol;

(ii) rhoi cynnyrch neu wasanaeth i chi o ganlyniad i'ch cefnogaeth gan BioHYB Cynhyrchion Naturiol;

(iii) monitro a gwerthuso ein hymgysylltiad â chi;

(iv) deall eich gofynion pan fyddwch yn mynychu ein digwyddiadau;

(v) yn achos ffotograffiaeth, i ddangos y digwyddiad wrth adrodd i'r Awdurdod ac ar gyfrifon cyfryngau cymdeithasol a gwefannau;

(vi) cadw mewn cysylltiad a rhoi gwybod i chi am ddigwyddiadau, cyfleoedd ac uchafbwyntiau eraill (yn cynnwys “marchnata uniongyrchol”, isod);

(vii) adrodd i'r Awdurdod a thrwyddo i'r Awdurdod Arweiniol Rhanbarthol a'r Cyllidwr

Y sail gyfreithiol sy'n berthnasol i brosesu eich data personol at ddibenion (i)-(vi) yw Erthygl 6 (1) (f) o'r Rheoliad Cyffredinol ar Ddiogelu Data yn Deyrnas Unedig (UK-GDPR): mae prosesu yn angenrheidiol at ddibenion y buddiannau cyfreithlon a ddilynir gan y rheolwr neu gan drydydd parti. Mae asesiad buddiannau cyfreithlon wedi'i gynnal i sicrhau bod eich data personol yn cael ei ddefnyddio'n briodol ac mewn ffyrdd y byddech chi'n eu disgwyl yn rhesymol gyda'r effaith leiaf ar breifatrwydd.

Y sail gyfreithiol sy'n berthnasol i ddiben (vii) yw Erthygl 6 (1) (e) o Reoliad Cyffredinol ar Ddiogelu Data y Deyrnas Unedig: mae prosesu yn angenrheidiol er mwyn cyflawni tasg a wneir er budd y cyhoedd neu wrth arfer awdurdod swyddogol a freinir yn y Rheolydd.

Er mwyn rhoi cyfle i fentrau ac unigolion elwa o BioHYB Cynhyrchion Naturiol drwy glywed am weithgareddau a digwyddiadau ymchwil a hyfforddi, i ddysgu o weithgareddau ymgysylltu busnes eraill ar draws y brifysgol fel ariannu rhaglenni hyfforddi neu leoliadau graddedigion neu i gadw mewn cysylltiad â'r mentrau neu'r unigolion hynny yr ydym wedi cydweithio â nhw, mae'r wybodaeth ganlynol yn cael ei chasglu, ei storio a'i defnyddio neu ei phrosesu fel arall gan BioHYB Cynhyrchion Naturiol ym Mhrifysgol Abertawe:

• Enw a manylion cyswllt unigolion sy'n gwneud ymholiadau dros y ffôn, e-bost neu wefan a/neu sy'n hunangofrestru ar gyfer digwyddiadau a/neu wasanaethau; ac
• Enw a manylion cyswllt unigolion a enwir mewn sefydliadau yr ydym yn cysylltu â nhw dros y ffôn, e-bost neu'r post lle bo'n briodol.

Y sail gyfreithiol ar gyfer casglu, storio a phrosesu'r data hwn yw Erthygl 6 (1) (f) o Reoliad Cyffredinol ar Ddiogelu Data y Deyrnas Unedig: mae prosesu yn angenrheidiol at ddibenion y buddiannau cyfreithlon a ddilynir gan y rheolwr neu gan drydydd parti. Mae asesiad buddiannau cyfreithlon wedi'i gynnal i sicrhau bod eich data personol yn cael ei ddefnyddio'n briodol ac mewn ffyrdd y byddech chi'n eu disgwyl yn rhesymol gyda'r effaith leiaf ar breifatrwydd. Mae gennych yr hawl i wrthwynebu prosesu at ddibenion marchnata uniongyrchol os dymunwch a chewch gyfle bob amser i ddad-danysgrifio i gyfathrebiadau yn y dyfodol.

Bydd eich gwybodaeth bersonol yn cael ei chadw ar ein systemau electronig a'n cronfeydd data diogel a bydd yn cael ei rhannu â chydweithwyr perthnasol yn  y brifysgol, gan gynnwys staff academaidd, technegol a gweinyddol a byrddau llywodraethu prosiectau.

Bydd gwybodaeth amdanoch chi hefyd yn cael ei rhannu fel y caniateir neu sy'n ofynnol gan y gyfraith, ar sail ystyriol a chyfrinachol, ag amrywiaeth o bobl neu sefydliadau, gan gynnwys y canlynol:

• yr Awdurdod, yr Awdurdod Arweiniol Rhanbarthol a'r Cyllidwr
• ar adegau, a lle bo angen, archwilwyr
• isgontractwyr sy'n gweithio gyda'r prosiect

Gallwch gysylltu â BioHYB Cynhyrchion Naturiol ym Mhrifysgol Abertawe i gofrestru ar gyfer digwyddiadau BioHYB Cynhyrchion Naturiol. Gall digwyddiadau hefyd gael eu hysbysebu drwy wefannau tocynnau allanol fel Eventbrite ar gyfer tocynnau digwyddiadau, a fydd yn trin eich data yn unol â'u polisïau preifatrwydd eu hunain.

Ni fydd y Brifysgol yn trosglwyddo data i wledydd y tu allan i'r Deyrnas Unedig.

Byddwn yn cadw'r data personol a ddarparwyd gennych i ni am gyfnod rhesymol o amser ar ôl i'r prosiect ddod i ben er mwyn cydymffurfio ag archwiliad rheoleiddiol a chyhyd ag y bo angen i gynnal y berthynas. Gellir cadw gwybodaeth a gedwir at ddibenion ymchwil ac archifo am gyfnod hirach ac yn unol â mesurau diogelwch Erthygl 89 Y Rheoliad Cyffredinol ar Ddiogelu Data (GDPR) y Deyrnas Unedig.

Mae deddfwriaeth Diogelu Data yn gosod dyletswydd arnom i gadw eich gwybodaeth yn ddiogel. Golyga hyn y caiff eich cyfrinachedd ei barchu, a chymerir yr holl gamau priodol i atal mynediad a datgeliad

heb awdurdod. Ni chaiff neb fynediad i'ch gwybodaeth, ac eithrio'r aelodau staff hynny y mae angen iddynt gyrchu rhannau perthnasol o'ch gwybodaeth, neu'ch holl wybodaeth. Bydd gwybodaeth amdanoch chi ar ffurf electronig yn cael ei chadw'n ddiogel.

Mae gennych hawl i weld eich gwybodaeth bersonol, i wrthwynebu prosesu eich gwybodaeth bersonol, cywiro, dileu, cyfyngu a throsglwyddo eich gwybodaeth bersonol. Rydych chi wedi cydsynio y bydd BioHYB Cynhyrchion Naturiol yn prosesu eich data, ac felly mae gennych hefyd yr hawl i dynnu’r cydsyniad hwnnw nôl.

Ewch i dudalennau gwe’r Brifysgol am ddiogelu data i gael rhagor o wybodaeth am eich hawliau.

Dylid cyflwyno ceisiadau neu wrthwynebiadau'n ysgrifenedig i Swyddog Diogelu Data'r Brifysgol:

Swyddog Cydymffurfiaeth y Brifysgol (Rhyddid Gwybodaeth/Diogelu Data)

Systemau a Gwasanaethau Gwybodaeth

Prifysgol Abertawe

Parc Singleton

Abertawe SA2 8PP

E-bost: dataprotection@abertawe.ac.uk

Os ydych chi’n anhapus â'r ffordd y cafodd eich data personol ei brosesu, gallwch gysylltu â Swyddog Diogelu Data'r Brifysgol drwy ddefnyddio’r manylion cyswllt uchod yn y lle cyntaf. Os ydych yn anfodlon wedi hynny, mae gennych hawl i gysylltu'n uniongyrchol â'r Comisiynydd Gwybodaeth i gael penderfyniad. Gallwch gysylltu â'r Comisiynydd Gwybodaeth yn:

Swyddfa'r Comisiynydd Gwybodaeth

Wycliffe House

Water Lane

Wilmslow

Swydd Gaer, SK9 5AF

ico.org.uk

Rhowch wybod am newidiadau i'ch enw, cyfeiriad, manylion cyswllt, ac ati.

Bydd canlyniadau peidio â darparu eich gwybodaeth yn golygu na fydd BioHYB Cynhyrchion Naturiol yn gallu rhyngweithio â chi yn y gweithgareddau a gyflawnir gan y prosiect.

Bydd newidiadau a wnawn i'n Polisi Preifatrwydd yn cael eu rhoi ar wefan y prosiect neu, lle bo'n briodol, cewch wybod drwy e-bost.