Siarter y BioHYB Cynhyrchion Naturiol

Arweinir y BioHYB Cynhyrchion Naturiol gan yr egwyddorion craidd canlynol:

1. Uniondeb Moesegol: Rhaid i'n holl weithgareddau adlewyrchu'r safonau uchaf o ymddygiad moesegol, gan sicrhau tryloywder, atebolrwydd a thegwch ym mhob rhyngweithiad.
2. Parch a Chynhwysiant: Byddwn yn trin ein holl randdeiliaid â pharch a chwrteisi, gan gydnabod eu safbwyntiau, eu cyfraniadau a'u hawliau amrywiol.
3. Cydraddoldeb a Thegwch:  Mae'r BioHYB Cynhyrchion Naturiol yn ymrwymedig i sicrhau ei fod yn trin ei holl randdeiliaid yn deg ac yn ddiduedd.
4. Cyfrifoldeb Amgylcheddol: Mae'r BioHYB Cynhyrchion Naturiol yn ymrwymedig i hyrwyddo arferion sy'n blaenoriaethu cynaliadwyedd ac yn lleiafu effaith ar yr amgylchedd.
5. Cydweithredu a Phwrpas a Rennir: Rhaid i bartneriaethau gydweddu â gwerthoedd a chenhadaeth y BioHYB Cynhyrchion Naturiol, gan feithrin ysbryd o gyd-barch a nodau a rennir.

Rhaid i bawb sy'n ymgysylltu â'r BioHYB Cynhyrchion Naturiol lynu wrth y polisïau canlynol parthed ymddygiad proffesiynol a moesegol:

• Trin pob unigolyn a sefydliad â pharch, cwrteisi proffesiynol ac uniondeb.
• Sicrhau tryloywder, cydweithredu ac ymddygiad moesegol ym mhob prosiect ymchwil a phartneriaeth.
• Parchu hawliau eiddo deallusol a sefydlwyd fel rhan o unrhyw gytundeb cydweithredu neu Femorandwm Cyd-ddealltwriaeth.
• Sicrhau cydsyniad ysgrifenedig blaenorol i ddefnyddio enwau, logos neu frand "Prifysgol Abertawe", "SAMS", "CABI" "NPBioHUB neu'r "BioHYB Cynhyrchion Naturiol" mewn deunyddiau hyrwyddo.
• Cydymffurfio â phob rhwymedigaeth gyfreithiol, reoleiddiol a moesegol gan gynnwys glynu wrth Ddeddf Rheoli Cymorthdaliadau 2022 a pholisïau perthnasol y Brifysgol, ond heb fod yn gyfyngedig i'r rhain.
• Peidio ag ymgymryd ag unrhyw weithredoedd sy'n tanseilio gweithrediadau, enw da neu genhadaeth y BioHYB Cynhyrchion Naturiol, Prifysgol Abertawe na'r sefydliadau sy'n bartneriaid iddi.

Gall methu glynu wrth yr egwyddorion hyn arwain at derfynu pob cydweithrediad ac anghymhwyso rhag ymgysylltu â'r BioHYB Cynhyrchion Naturiol yn y dyfodol.

Bydd Bwrdd Rheoli'r BioHYB Cynhyrchion Naturiol yn adolygu polisïau, gweithdrefnau a phartneriaethau'n rheolaidd er mwyn:

• Nodi cyfleoedd i wella a sicrhau y glynir wrth arferion gorau.
• Addasu i heriau a chyfleoedd sy'n dod i'r amlwg gan barhau i gydweddu ag egwyddorion y Ganolfan.