Gwybodaeth am New IPM 2023: One Health
Ar gyfer yr ail flwyddyn yn olynol, mae Prifysgol Abertawe wedi cael ei dewis i gynnal y digwyddiad mawr ei fri hwn, sy'n canolbwyntio ar raglenni arloesi newydd a rhaglenni sy'n cael eu datblygu ym maes IPM. Mae'r symposiwm, a arweinir gan y BioHYB Cynhyrchion Naturiol ac IBMA, yn cynnig cyfle unigryw i ymchwilwyr, technolegwyr a defnyddwyr glywed gan bobl eraill sy'n gweithio yn y maes a rhannu syniadau. Gan fod cyswllt anorfod rhwng iechyd pobl, anifeiliaid a phlanhigion a'r amgylchedd, mae 'One Health' yn ymagwedd integredig ac unedig sydd â’r nod o gydbwyso a gwella iechyd pobl, anifeiliaid ac ecosystemau mewn ffordd gynaliadwy. Nod rhaglenni IPM yw lleihau mewnbynnau plaladdwyr sy'n niweidiol i bobl a'r amgylchedd, ac o ganlyniad mae'r rhaglenni'n cyfrannu at weledigaeth fyd-eang 'One Health'.
