Fe'ch gwahoddir i Abertawe yn Llundain 2025, Arddangosfa Ymchwil Prifysgol Abertawe!
Dyddiad: 27 Chwefror 2025
Lleoliad: Events@no6, Coleg Brenhinol y Patholegwyr, 6 Alie St, Llundain E1 8QT
Bydd digwyddiad eleni yn dod â Chanolfan Efelychu a Dysgu Ymdrochol Prifysgol Abertawe i Lundain. Bydd gwesteion yn cael cyfle i glywed gan ein Is-ganghellor, yr Athro Paul Boyle, yn ogystal â’n siaradwr gwadd bendigedig, Jo Davies. Mae mewnwelediadau a chyfraniadau Jo yn sicr o ysbrydoli a chyfoethogi’r digwyddiad.
Byddwch hefyd yn cael y cyfle i archwilio amrywiaeth o orsafoedd, gan gynnwys swît efelychu ymdrochol symudol a fydd yn arddangos rhai o’n mannau trochi mewnol ynghyd â’r offer diweddaraf. Mae’n gyfle i glywed am y prosiectau addysg ac ymchwil cyffrous yn y maes cynyddol hwn.
Wrth i chi gamu i mewn i olygfeydd a synau Abertawe o galon Llundain, byddwch yn teimlo fel eich bod yn mynd ar daith i lawr lôn atgofion. Mae’n ffordd berffaith o ailgysylltu ag ysbryd bywiog Abertawe, hyd yn oed o bell.
I wneud y noson hyd yn oed yn fwy pleserus, byddwn yn gweini diodydd a chanapés blasus drwy gydol y digwyddiad, gan sicrhau awyrgylch hamddenol ar gyfer rhwydweithio a thrafod.
Bydd hwn yn gyfle gwych i ailgysylltu â chyd-fyfyrwyr, ehangu eich rhwydwaith proffesiynol, a dysgu am rywfaint o'r ymchwil arloesol sy'n digwydd yn y Brifysgol.
Mae lleoedd yn gyfyngedig, felly cliciwch ar y ddolen isod i sicrhau eich lle:
