Aduniad cyn-fyfyrwyr penwythnos 2025

• O 2pm - Cofrestru a lluniaeth (a wnewch chi ddod i hwn)
• Noson Pizza a Chwis
  Byddwch yn barod am noson llawn hwyl a chystadlu cyfeillgar yn ein noson Pizza a Chwis! Profwch eich gwybodaeth am bopeth o ddiwylliant pop yr 80au i hanes y Brifysgol - mae gwobrau gwych i'w hennill! Mwynhewch ddarn o pizza wrth ailgysylltu â hen ffrindiau a phrofi eich sgiliau gwybodaeth gyffredinol mewn awyrgylch anffurfiol a bywiog.

Bore - 

• Digwyddiadau y gellir eu harchebu gan gynnwys;
  
  
  • Taith Campws y Bae
    Archwiliwch ail gampws y Brifysgol yn ei ddegfed flwyddyn, darganfyddwch ddatblygiadau newydd, a gweld sut mae ein campysau wedi esblygu dros y blynyddoedd. (Mae taith o'r campws yn cymryd tua 2 awr, felly ni fyddech yn gallu archebu gweithgaredd bore arall.)
    
  • Archifau Richard Burton
    Gallwch gael taith gyffrous o Archifau Richard Burton lle gallwch ddarganfod casgliad anhygoel sy'n dod â bywyd chwedlonol yr actor yn fyw ar daith ryfeddol drwy theatr a ffilm. 
  • Y Ganolfan Eifftaidd
    Dewch i ddarganfod rhyfeddodau'r Hen Aifft! Ymunwch â ni am sesiwn trin arteffactau ryngweithiol ac archwilio arteffactau rhyfeddol o gasgliad y Ganolfan Eifftaidd. Dewch i ddysgu am fywydau'r Pharoaid, duwiau a phobl gyffredin.
  • 70 mlynedd o Ddaearyddiaeth yn Sgwrs a Thaith Abertawe
    Dysgwch sut mae'r adran wedi datblygu o'i ffocws cynnar ar ddaearyddiaeth ffisegol a chartograffeg i ystod eang o ddiddordebau ymchwil heddiw. Mae'r rhain yn cynnwys daearyddiaeth ddiwylliannol, gymdeithasol ac economaidd, newid yn yr hinsawdd ac amgylcheddol, rhewlifeg ac arsylwi ar y ddaear, gan adlewyrchu ei harbenigedd deinamig ac amrywiol.
  • Sgwrs: Pa mor Lân yw Eich Dwylo
    Gallwch gael gwers ymarferol ar reoli heintiau a hylendid dwylo wrth i'r tîm nyrsio eich herio i brofi eich dull golchi dwylo o dan olau uwchfioled - gan ddatgelu pa mor effeithiol (neu beidio!) yw eich arfer!
• Amser rhydd i gael cinio
  Bydden ni'n argymell Pub on the Pond (neu Inn on the Lake fel y'i hadweinid gynt!)

Prynhawn - 

• Digwyddiadau y gellir eu harchebu gan gynnwys;
  
  
  • Taith Campws Singleton
    P’un ai’r mannau tawel y buoch yn arfer eu hastudio neu’r ardaloedd prysur lle bu ichi gyfarfod â ffrindiau oes, bydd y teithiau’n ailgynnau atgofion melys. (Mae taith o'r campws yn cymryd tua 2 awr, felly ni fyddech yn gallu archebu gweithgaredd prynhawn arall.)
  • Taith Ystafell Efelychu ac Ymdrochi (SUSIM)
    Yma ym Mhrifysgol Abertawe, rydym yn cynnal hyfforddiant meddygol a gofal iechyd drwy ein Canolfan Efelychu a Dysgu Ymdrochol o'r radd flaenaf. Gallwch ymgolli mewn sefyllfaoedd y byd go iawn wrth i chi deithio ein cyfleusterau o'r radd flaenaf.
  • Taith Parc Chwaraeon Bae Abertawe
    Mae ein cyfleusterau o'r radd flaenaf yn amrywio o Bwll Cenedlaethol Cymru Abertawe, sy'n 50m o hyd, trac athletau awyr agored, caeau aml-ddefnydd, campfa, caeau hoci a gymeradwywyd yn fyd-eang gan FIH a llawer mwy!

Gyda'r Nos - 

• Noson Ddisgo â thema'r 80au!
  Byddwch yn barod i ddawnsio drwy'r nos yn ein Disgo retro â thema'r 80au! Mwynhewch guriad y caneuon clasurol a ddiffiniodd y degawd - p'un a oeddech chi'n ffan o'r Don Newydd, wrth eich bodd gyda roc neu'n dwlu ar gerddoriaeth bop, mae gennym yr holl ganeuon i ddod â’r holl atgofion yn ôl! Felly ewch i nôl eich cynheswyr coesau lliw neon a’ch wig mullet, a byddwn ni'n gallu dawnsio a dathlu fel ei bod hi’n 1985!

• Brecinio Hwyl Fawr.
  I gloi'r penwythnos, dewch i'n Brecinio Hwyl Fawr anffurfiol. Mwynhewch fwyd blasus wrth hel atgofion am uchafbwyntiau'r penwythnos a dal i fyny â hen ffrindiau rydych chi o bosib wedi colli cysylltiad â nhw dros y blynyddoedd.  Dyma'r cyfle perffaith i fyfyrio ar yr atgofion a wnaed a dweud hwyl fawr wrth bawb cyn i'r penwythnos ddod i ben.