Dyfarniadau er Anrhydedd

Rydym yn croesawu enwebiadau gan holl staff presennol Prifysgol Abertawe, ein cyn-fyfyrwyr, aelodau'r Cyngor a'r Senedd, ynghyd â Chymrodorion er Anrhydedd presennol.

Ydy, mae'r broses enwebu'n gyfrinachol i sicrhau tegwch a diogelu preifatrwydd yr enwebwr a'r enwebai. Ni ddylid datgelu'r enwebiad i'r enwebai. Os na fydd enwebiad yn llwyddo, ni fydd adborth yn cael ei roi.

Oes. Gellir cyflwyno enwebiadau ar unrhyw adeg yn ystod y flwyddyn. Fodd bynnag, bydd y Pwyllgor Dyfarniadau er Anrhydedd yn cwrdd ddwywaith y flwyddyn i ystyried cyflwyniadau.

Ni fydd pob enwebiad yn llwyddiannus. Os na fydd enwebiad yn llwyddo, ni fydd adborth yn cael ei roi gan fod y broses yn gyfrinachol.

Ydyn, fel arfer. Fodd bynnag, ar adegau gellir eu cyflwyno'n rhywle arall. Caiff yr achosion hyn eu trafod fesul achos.

• Doethuriaethau er Anrhydedd yw'r Graddau er Anrhydedd sy’n cael eu dyfarnu fel arfer, ond lle y tybir bod hynny'n briodol caiff gradd Meistr er Anrhydedd ei dyfarnu, naill ai:
• Doethur mewn Gwyddoniaeth (DSc)
• Doethur mewn Llên (DLitt)
• Doethur mewn Peirianneg (EngD)
• Doethur yn y Cyfreithiau (LLD)
• Doethur mewn Meddygaeth (MD)
• Meistr yn y Celfyddydau (MA)
• Meistr mewn Gwyddoniaeth (MSc)
• Bydd y Pwyllgor Dyfarniadau er Anrhydedd yn penderfynu ar y dyfarniad priodol i'w gyflwyno yn ystod y broses ddethol.

Caniateir i’r rhai hynny sy’n derbyn Doethuriaethau er Anrhydedd y Brifysgol ddefnyddio'r llythrennau ar ôl eu henw, ac yna (Er Anrhydedd), ond nid y teitl Dr cyn eu henw, h.y., Mr A N Arall DSc (Er Anrhydedd). Caniateir i’r rhai hynny sy’n derbyn dyfarniad Meistr er Anrhydedd y Brifysgol ddefnyddio'r llythrennau ar ôl eu henw, h.y, Mr A N Arall MSc (Er Anrhydedd).

Fel arfer, ni ddyfernir Graddau er Anrhydedd ar ôl marwolaeth oni bai bod y dyfarniad wedi cael ei gynnig i'r unigolyn ac wedi'i dderbyn cyn iddo farw.

Gall, mae gan enwebai’r hawl i wrthod y cynnig o radd er anrhydedd os yw’n dewis gwneud hynny.

Oes, mae nifer y graddau er anrhydedd a ddyfernir bob blwyddyn wedi'i gyfyngu er mwyn gwarchod eu natur arbennig a'u bri. Er y gall yr union nifer amrywio'n flynyddol, ar gyfartaledd, cyflwynir rhwng 10 a 15 o raddau er anrhydedd bob blwyddyn.

Os bydd eich cais yn llwyddiannus, bydd yr Is-ganghellor yn ysgrifennu at eich enwebai ac yn ei wahodd i dderbyn ei Ddyfarniad er Anrhydedd yn un o'n seremonïau graddio sydd ar ddod. Os bydd yr enwebai yn derbyn y cynnig hwn, bydd y Rheolwr Perthnasoedd Cymrodorion er Anrhydedd yn cysylltu â chi i'ch hysbysu. Yna byddwch yn cael gwahoddiad i fynd i'r seremoni raddio lle cyflwynir y dyfarniad hwn. Gan ddibynnu ar natur eich perthynas â'r enwebai, efallai y gofynnir i chi hefyd fynd gyda’r enwebai yn ystod ei ymweliad i dderbyn ei ddyfarniad a/neu gyfrannu at raglen weithgareddau ar ei gyfer.