BSc Gwyddor Chwaraeon ac Ymarfer Corff, 2019-2022
Camau Nesaf ar ôl Abertawe
Ar ôl graddio, treuliais i fis yn teithio Ewrop ar drên — yr haf perffaith i “weithio’n galed, chwarae’n galed”. Yna cwblheais MSc mewn Ffisiotherapi ym Mhrifysgol Birmingham, gan raddio a gwasanaethu fel Cynrychiolydd Cwrs yn ystod y rhaglen ddwy flynedd.
Rôl Gyfredol
Ffisiotherapydd, Ysbytai Prifysgol Bryste a Weston
Rydw i’n ffisiotherapydd cylchdroadol gan weithio ar draws ystod eang o arbenigeddau yn y sector cyhoeddus.
Mae’r rôl yn cynnwys gofal anadlol - yn aml fel y ffisiotherapydd ar alwad yn yr Uned Gofal Dwys - gan gefnogi cleifion ag anafiadau chwaraeon cyhyrysgerbydol, a chynorthwyo cleifion niwroleg wrth adsefydlu cymunedol ac ailsefydlu ar ôl strôc. Mae'r amrywiaeth yn cadw fy ngwaith yn ddeinamig, ac rwy'n mwynhau'r cyfleoedd DPP sy'n parhau i herio a datblygu fy ymarfer. Helpodd Abertawe i feithrin meddylfryd o gwestiynu a dysgu gydol oes rydw i’n ei ddefnyddio yn fy ngyrfa.
Effaith Abertawe
Roedd y rhaglen BSc yn Abertawe yn hynod gefnogol — rydych chi'n cael eich trin fel person, nid rhif. Roedd y darlithwyr yn ystyriol o anghenion dysgu unigol, a rhoddodd modiwlau fel Cryfder a Chyflyru a Biomecaneg sgiliau trosglwyddadwy gwych i mi ar gyfer ffisiotherapi. Anogodd yr amgylchedd chwilfrydedd a helpodd i feithrin yr hyder oedd ei angen arnaf i ddilyn astudiaeth bellach a gyrfa ym maes gofal iechyd.
Uchafbwynt
Un uchafbwynt oedd y labordy monitro glwcos maeth chwaraeon — bwyta gormod o doesenni ac ysgytlaethau cyn neidio ar beiriant rhwyfo! Dydw i ddim yn meddwl fy mod i erioed wedi teimlo mor sâl, ond roedd yn un o'r atgofion mwyaf doniol gyda fy nghyd-chwaraewyr.
Cyngor
Mae fy nghyngor yn syml: peidiwch ag ofni gofyn cwestiynau — does dim un yn wirion. Cymerwch ran lle gallwch, a mynychwch ddarlithoedd wyneb yn wyneb oherwydd maen nhw wir yn hogi eich sgiliau dadansoddi.
