Economeg a Chyllid gyda Blwyddyn Sylfaen, BSc (Anrh)

Datblygwch eich gwybodaeth o egwyddorion economeg a chyllid

myfyrwyr yn gweithio gyda'i gilydd

Trosolwg o'r Cwrs

A ydych yn gweld eich hun yn gweithio mewn swydd gyllid ar lefel uwch mewn sefydliad rhyngwladol? A ydych am chwarae rhan allweddol yn llwyddiant busnes mawr? 

Gallai'r cwrs gradd BSc Economeg a Chyllid gyda Blwyddyn Sylfaen ym Mhrifysgol Abertawe eich helpu i gyflawni hyn.

Os nad ydych yn ennill y graddau angenrheidiol i gofrestru ar gyfer y cwrs BSc Economeg a Chyllid, y cwrs BSc Economeg a Chyllid gyda Blwyddyn Sylfaen yw'r radd i chi.

Mae'r Flwyddyn Sylfaen yn ffordd ardderchog o feithrin y wybodaeth a'r sgiliau sydd eu hangen ym maes economeg a chyllid, cyn ymuno â myfyrwyr Blwyddyn 1 y cwrs gradd BSc Economeg a Chyllid yn yr Ysgol y Gwyddorau Cymdeithasol.

Mae'r cwrs hwn yn cyfuno elfennau craidd economeg a chyllid ac yn meithrin dealltwriaeth gynhwysfawr o economeg fodern a'r ffordd y caiff ei chymhwyso yn y diwydiant ariannol. Bydd y cyfle i ganolbwyntio ar feysydd arbenigol fel cyllid corfforaethol yn eich helpu i werthfawrogi'r gydberthynas rhwng dadansoddi economaidd a gweithrediadau ariannol.

Pam Economeg a Chyllid gyda Blwyddyn Sylfaen yn Abertawe?

Mae Economeg yn Abertawe yn:

  • 17ydd yn y DU am Foddhad Myfyrwyr (Complete University Guide 2025)

Teilwra eich cwrs i gyd-fynd â'ch diddordebau a'ch nodau gyrfa – dewiswch o ddetholiad enfawr o fodiwlau dewisol. Cewch gwybodaeth o'r byd go-iawn gan ein darlithwyr sydd â phrofiad mewn diwydiant a'r byd academaidd. Amrywiaeth o fyfyrwyr o fwy na 60 o wledydd gwahanol.

Eich Profiad Economeg a Chyllid gyda Blwyddyn Sylfaen

Mae'r cwrs BSc Economeg a Chyllid gyda Blwyddyn Sylfaen ym Mhrifysgol Abertawe yn gwrs gradd hyblyg sy'n rhoi cyfle i chi astudio dramor am flwyddyn neu weithio mewn diwydiant am flwyddyn. Gall hyn roi mantais gystadleuol wirioneddol i chi a bydd yn ehangu eich gorwelion pan ddaw'n amser chwilio am gyflogaeth.

Bydd yr addysgu cynnar yn rhoi sylfaen gynhwysfawr o wybodaeth i chi sy'n cwmpasu micro a macro-economeg, ystadegau, cyllid, cyfrifyddu a methodoleg.

Yn ystod blynyddoedd diweddarach bydd gennych fwy o ddewis o fodiwlau arbenigol mewn meysydd sy'n cwmpasu datblygu economaidd a mathemateg.

Cyfleoedd Cyflogaeth Economeg a Chyllid gyda Blwyddyn Sylfaen

Ar ôl graddio o Brifysgol Abertawe, byddwch mewn sefyllfa wych i sicrhau cyflogaeth sy'n talu'n dda.

P'un ai'r egni a'r pwysau ar lawr masnachu neu'r hygrededd a geir drwy ddod yn awdurdod ar dueddiadau busnes sy'n mynd â'ch bryd, bydd y radd hon yn eich gwneud yn ymgeisydd cryf i unrhyw un sy'n cyflogi graddedigion. Gallwch weithio yn unrhyw rai o'r swyddi canlynol yn y dyfodol:

  • Economegydd
  • Dadansoddwr, Ymchwilydd
  • Ymgynghorydd i'r Llywodraeth
  • Dadansoddwr Ariannol
  • Econometrydd

 

Modiwlau

Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Cynnig Nodweddiadol Safon Uwch

CCD-DDD

Economeg a Chyllid gyda Blwyddyn Sylfaen