BSc Peirianneg Meddalwedd Gymhwysol

Rhaglen 3 blynedd yw’r BSc mewn Peirianneg Meddalwedd Gymhwysol, sydd wedi’i rannu’n dri chyfnod o dri mis bob blwyddyn. Cynhelir darlithoedd a labordai ar y campws bob dydd Mercher rhwng 1pm ac 8pm.

Modiwlau a Addysgir

Mae pob tymor yn cynnwys dau fodiwl a ddysgir gwerth 20 credyd yr un. Fel arfer, asesir modiwlau a ddysgir gyda chyfuniad o waith labordy, gwaith cwrs a dau brawf dosbarth (Prawf Canol Tymor a Phrawf Diwedd Tymor). Y marc pasio ar gyfer pob modiwl yw 40%. Ar ddiwedd pob tymor, cynigir cyfle i fyfyrwyr adbrynu unrhyw fodiwlau a fethwyd (h.y., modiwl gyda marc o lai na 40%) o'r tymor cyfredol.

Modiwlau Sy’n Seiliedig ar Waith

Yn ogystal â'r modiwlau a addysgir, mae modiwl Portffolio Seiliedig ar Waith yn rhedeg drwy gydol pob un o'r ddwy flynedd academaidd gyntaf. Modiwlau craidd yw'r rhain a rhaid eu pasio. Mae pob modiwl a addysgir yn cynnwys tasg Portffolio Seiliedig ar Waith lle mae'r wybodaeth a gafwyd o'r modiwl hwnnw'n cael ei rhoi ar waith yn y gweithle. Caiff y marciau a gyflawnir yn y tasgau hyn eu gwerthuso gyda'i gilydd i benderfynu a yw myfyriwr wedi pasio neu fethu'r modiwl.

Cwblheir y tasgau seiliedig ar waith yn amser y myfyriwr ei hun. Yn y flwyddyn olaf, mae modiwl Prosiect seiliedig ar waith 40 credyd yn rhedeg drwy gydol y flwyddyn academaidd gyfan. Mae hwn hefyd yn fodiwl craidd, ac mae'n cynnwys manyleb, datblygu a gweithredu prosiect meddalwedd sylweddol.

Crynodeb

Ceir trosolwg gweledol o strwythur y BSc mewn Peirianneg Meddalwedd Gymhwysol isod. Mae manylion penodol pob un o'r modiwlau i'w gweld ar ddiwedd Course Handbook 2025-26.

Dyddiadau Tymor 2025/2026

Dyddiadau Tymor 2026-2027

Fel rhaglen dysgu sy’n seiliedig ar waith, rydym yn gwerthfawrogi profiad ymgeiswyr yn ogystal â chymwysterau ffurfiol fel cymwysterau Safon Uwch. Yn ffurfiol, mae'r gofynion mynediad yr un fath â'n rhaglen BSc Peirianneg Meddalwedd (G600) draddodiadol. Fodd bynnag, rydym yn cydnabod profiad perthnasol yn achos myfyrwyr aeddfed nad oes ganddynt gymwysterau Safon Uwch na chanlyniadau academaidd cyfatebol digonol, a'r disgwyliad yw y gwneir cydnabyddiaeth o'r fath yn achos y rhan fwyaf o ymgeiswyr i'r rhaglen. Rydym yn ystyried pob ymgeisydd fesul achos. Os ydych yn ansicr neu'n meddwl nad ydych yn bodloni'r gofynion mynediad, yna cysylltwch â ni a gallwn drafod eich sefyllfa.

Rhaid i ymgeiswyr nad ydynt o'r DU/Gwyddelig sy'n meddu ar fisa dros dro (h.y. un sydd â dyddiad dod i ben) sicrhau bod ganddynt ganiatâd mewnfudo cywir i weithio ac astudio am hyd y cwrs. Mae'r cwrs BSc yn cynnwys dysgu yn y gweithle, felly rhaid i ganiatâd mewnfudo gynnwys y gallu i weithio amser llawn. Ni fydd nawdd o dan y Llwybr i Fyfyrwyr yn bosib gan nad yw strwythur y cwrs a'i gyflwyno'n bodloni meini prawf angenrheidiol yr UKVI am nawdd o'r fath.

Mae'r cwrs wedi'i ariannu'n llawn, yn amodol ar gadarnhad gan MEDR, sy'n talu ffioedd dysgu llawn y cwrs. Mae hyn hefyd yn amodol ar y myfyriwr yn bodloni'r meini prawf ariannu.

I ymgeiswyr rhyngwladol, cysylltwch â seapprenticeship@abertawe.ac.uk.

Nid yw'r ffïoedd dysgu yn cynnwys costau prynu llyfrau na deunydd ysgrifennu, argraffu, rhwymo traethawd ymchwil, na chostau llungopïo.

Nid oes unrhyw gostau ychwanegol gorfodol wedi'u pennu ar gyfer y cwrs hwn.

Ar hyn o bryd rydym yn derbyn ceisiadau ar gyfer y cwrs a fydd yn dechrau ddiwedd mis Medi. Os oes gennych ddiddordeb yn y cwrs, cwblhewch a dychwelwch Ffurflen Gais BSc Peirianneg Meddalwedd Gymhwysol.

Cysylltwch â'r tîm drwy seapprenticeship@swansea.ac.uk gydag unrhyw ymholiadau neu i drafod y cwrs.

https://www.technocamps.com/en/2025/06/10/case-study-roeman-kirmse/ 

https://www.technocamps.com/en/2025/06/06/case-study-chris-flynn/ 

https://www.technocamps.com/en/2025/03/14/case-study-victoria-goodall/ 

https://www.technocamps.com/en/2025/02/14/case-study-jake-laycock/ 

https://www.technocamps.com/en/2021/09/01/case-study-dave-breeze/

https://www.technocamps.com/en/2021/08/09/case-study-aled-wyn-john/

https://www.technocamps.com/en/2020/04/09/case-study-rhun-llwyd/

https://www.technocamps.com/en/2020/05/01/case-study-paul-finch/

https://www.technocamps.com/en/2021/01/21/case-study-alfie-hopkin/

https://www.technocamps.com/en/2021/02/15/case-study-sarah-clarke/  

https://www.technocamps.com/en/2021/03/10/case-study-cheralyn-nadal/

Os oes gennych ymholiadau neu os hoffech gael sgwrs am y cwrs, e-bostiwch seapprenticeship@abertawe.ac.uk

Gallwch hefyd gysylltu â: Casey Hopkins, Cyfarwyddwr y Rhaglen ar 01792 295152 neu Maria Moller, Swyddog Cyswllt Busnes ar 01792 606998

Ystyriwch gofrestru ar ein rhestr bostio i gael yr wybodaeth ddiweddaraf am ein cynlluniau Prentisiaethau Gradd a chyfleoedd hyfforddi eraill.