Benthyciadau a Grantiau
Cymru
Dylech chi fod yn gymwys i gyllid gan Gyllid Myfyrwyr Cymru os:
• ydych chi'n hanu o'r DU neu os oes gennych statws sefydlog neu gyn-sefydlog yn y DU yn unol â chynllun sefydlu'r UE
• byddwch chi'n byw yng Nghymru fel arfer
• rydych chi wedi bod yn byw yn y DU am 3 blynedd cyn dechrau eich cwrs
• byddwch yn astudio cwrs addysg uwch cymwys mewn coleg neu brifysgol yn y DU
• nid oes gennych gymhwyster addysg uwch eisoes
Benthyciad Ffioedd Dysgu
Gall myfyrwyr sy’n byw yng Nghymru ac sy’n dechrau eu hastudiaethau ym Mhrifysgol Abertawe ym mlwyddyn academaidd 2025/26 wneud cais am Fenthyciad Ffioedd Dysgu i dalu cost lawn eu ffioedd dysgu (yn amodol ar delerau ac amodau). Gallant wneud hyn drwy wneud cais i Gyllid Myfyrwyr Cymru.
Caiff taliadau Benthyciad Ffioedd Dysgu eu talu’n uniongyrchol i’r Brifysgol yn dilyn cadarnhad o’ch presenoldeb bob tymor, felly nid oes angen unrhyw daliadau ymlaen llaw.
Benthyciadau a Grantiau Cynhaliaeth
O 2025/26, bydd hawl gan yr holl fyfyrwyr sy’n byw oddi cartref i wneud cais am £12,345 tuag at eu costau cynhaliaeth, a bydd hawl gan yr holl fyfyrwyr sy’n byw yng nghartrefi eu rhieni i wneud cais am £10,480. Bydd y dyfarniadau hyn yn cynnwys Benthyciadau Cynhaliaeth a Grantiau.
Bydd gan yr holl fyfyrwyr hawl i dderbyn lleiafswm grant o £1,000 a gallai hyn gynyddu, gan ddibynnu ar incwm yr aelwyd.
Yna caiff benthyciad ei ychwanegu at y dyfarniad grant, hyd at uchafswm o £11,720 (neu £9,950) i sicrhau bod yr holl fyfyrwyr yn derbyn yr un cyllid tuag at eu costau byw.
E.e.
| Incwm yr Aelwyd | Cyfanswm Grant Cynhaliaeth | Benthyciad Cynhaliaeth - Byw gartref | Cyfanswm Cymorth - Cynhaliaeth am y flwyddyn |
|---|---|---|---|
| £18,370 | £6885 | £3595 | £10,480 |
| £25,000 | £5930 | £4550 | £10,480 |
| £35,000 | £4488 | £5992 | £10,480 |
| £45,000 | £3047 | £7433 | £10,480 |
| £59,200+ | £1000 | £9480 | £10,480 |
| Incwm yr Aelwyd | Cyfanswm Grant Cynhaliaeth | Benthyciad Cynhaliaeth - Byw Oddi Cartref | Cyfanswm Cymorth - Cynhaliaeth am y flwyddyn |
|---|---|---|---|
| £18,370 | £8100 | £4245 | £12,345 |
| £25,000 | £6947 | £5398 | £12,345 |
| £35,000 | £5208 | £7134 | £12,345 |
| £45,000 | £3469 | £8876 | £12,345 |
| £59,200+ | £1000 | £11345 | £12,345 |
Telir taliadau cynhaliaeth i chi yn uniongyrchol mewn 3 rhandaliad. Telir eich rhandaliad cyntaf ar ôl i chi gofrestru a chasglu’ch cerdyn adnabod (telir y ddau randaliad dilynol ar ddiwrnod cyntaf tymor y Gwanwyn a thymor yr Haf).
Diddymiad Rhannol o’r Benthyciad Cynhaliaeth
Gall myfyrwyr o Gymru wneud cais hefyd am ddiddymiad un tro o hyd at £1500 ar eu Benthyciad Cynhaliaeth.
I dderbyn y diddymiad hwn, bydd rhaid i fyfyrwyr wneud ad-daliad cynnar o £5 o leiaf tuag at ddyled eu Benthyciad Cynhaliaeth. Mae’r diddymiad ar gael unwaith yn unig a chaiff ei gymryd o’r balans cyfredol sydd wedi’i dalu i’r myfyriwr. Cynghorir myfyrwyr felly i aros hyd nes eu bod wedi derbyn o leiaf £1500 o gyllid Benthyciad Cynhaliaeth cyn gwneud yr ad-daliad cynnar.
Grantiau Ychwanegol
Gall myfyrwyr sydd â phlant dibynnol, costau gofal plant, oedolion dibynnol, anabledd, neu sy’n gadael gofal fod yn gymwys i dderbyn cymorth ychwanegol.
| Grant | Uchafswm sydd ar gael | Ydy wedi'i seilio ar brawf moddion? | Ffurflen Gais |
|---|---|---|---|
| Lwfans Dysgu i Rieni (PLA) | £1,945 | Ydy | PN1 |
| Grant Oedolion Dibynnol (ADG) | £3,407 | Ydy | PN1 |
| Grant Gofal Plant (CCG) |
85% of costs up to a maximum of: 1 Child - £192/week 2+ Children - £329/week |
Ydy | CCG1 |
I gael rhagor o wybodaeth am y cymorth penodol sydd ar gael i fyfyrwyr ag anghenion ychwanegol, ewch i'n tudalen we myfyriwr+
Cofiwch – Mae Ysgoloriaethau a Bwrsariaethau ar gael. Maen nhw wedi’u darparu gan Brifysgol Abertawe i hyrwyddo rhagoriaeth ac i ehangu cyfranogiad.
Os oes gennych chi ddiddordeb mewn Sharia Compliant Finance, gweler ein tudalen we bwrpasol sydd ar gael yma.