Addysg (Cymru): Arweinyddiaeth, MA

Gweithio mewn ysgol a gynhelir yng Nghymru (neu yn achos Llwybr ADY gallai hyn gynnwys sefydliad AB yng Nghymru).

Addysg i lefel gradd neu gyfwerth.

Wedi'i gofrestru gyda'r Cyngor Addysg (y mae'n rhaid ei gynnal drwy gydol y rhaglen).

Wedi'i gyflogi ar gontract o leiaf 0.4 FTE, gall hyn gynnwys athrawon cyflenwi sydd ar gontractau hirdymor naill ai gydag Awdurdod Lleol, ysgol neu asiantaeth.

Dylai ymgeiswyr, lle bo modd, gael cefnogaeth eu Pennaeth (neu gyfwerth fel Pennaeth, Rheolwr Gyfarwyddwr, Prif Swyddog Gweithredol neu Bennaeth Gwasanaeth).

I fod yn gymwys i gael arian mae'n rhaid i chi:

• Bod yn ymarferydd ar ddechrau eu gyrfa h.y., yn unigolyn ym mlwyddyn 3-6 o ymarfer fel athro ar ddechrau’r rhaglen, neu
• Staff ysgolion partner Addysg Gychwynnol Athrawon.
• Cynorthwywyr Addysgu sy'n bodloni'r gofynion mynediad academaidd ar gyfer y rhaglen.
• Partneriaid Gwella Ysgolion/staff y consortia rhanbarthol/staff Estyn/staff Awdurdod Lleol/Haen ganol.
• Cydlynydd Anghenion Dysgu Ychwanegol (gan gynnwys Addysg Bellach).
• Ymgeiswyr ar gyrion y meini prawf o fod ym mlwyddyn 3-6 o ymarfer, ond hynny yn ôl disgresiwn y brifysgol ac mewn amgylchiadau eithriadol.

Noder nad yw'r gofyniad i fod ym mlynyddoedd 3-6 o ymarfer yn berthnasol i'r Llwybr ADY na'r Llwybr Arweinyddiaeth.

Gall myfyrwyr â chymwysterau addysgu priodol fod yn gymwys am 60 credyd o Ddysgu Blaenorol a Gydnabyddir ac ni fydd angen cwblhau'r modiwlau ym mlwyddyn 1.  I fyfyrwyr heb y Dysgu Blaenorol a Gydnabyddir perthnasol, bydd y modiwlau isod yn orfodol:

• Addysgeg ac Ymarfer (20 credyd)
• Cydweithredu ac Ymarfer Proffesiynol (20 credyd)
• Ymarfer a Gyfeirir gan Dystiolaeth (20 credyd)

Ym Mlwyddyn 2, bydd myfyrwyr yn astudio un modiwl craidd (20 credyd), Sgiliau Ymholi Ymchwil Uwch, ynghyd â 2 fodiwl arbenigol opsiynol (pob un yn 20 credyd):

• Arwain a Rheoli Gweithwyr Proffesiynol Addysg
• Arwain Newid Sefydliadol
• Arwain Systemau Addysg ac ar eu traws

Traethawd estynedig 60 credyd fydd Blwyddyn 3

200 awr o astudio fesul modiwl 20 credyd, a bydd 22 awr ohonynt yn oriau cyswllt. Bydd y dysgu'n gyfuniad o ar-lein ac wyneb yn wyneb. Bydd gweithgareddau'n gyfuniad o ddarlithoedd, seminarau, gweithgareddau grŵp a gweithgareddau unigol.

Bydd myfyrwyr ar y cwrs hwn yn ymuno â myfyrwyr ar yr un cwrs yn y 6 SAU arall.  Bydd cymorth cyfoedion a gynhelir gan y PLP CGA, ynghyd â'r holl wasanaethau a dulliau cymorth eraill ym Mhrifysgol Abertawe.

O leiaf 80 credyd

Mae'n bosib astudio 80 credyd neu fwy o'r cwrs ôl-raddedig hwn drwy gyfrwng y Gymraeg. Gelli astudio cyfuniad o fodiwlau trwy gyfrwng y Gymraeg lle bo'r cyfle a/neu gyflwyno dy draethawd estynedig yn y Gymraeg gydag arweiniad gan arbenigwr pwnc trwy gyfrwng y Gymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli di lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Yr opsiwn i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Caiff y cwrs ei gynnig yn ddwyieithog ac felly gallwch astudio yn Gymraeg ac yn Saesneg.

Caiff ein graddau eu haddysgu gan arbenigwyr, y mae ganddynt gyfoeth o wybodaeth i'w throsglwyddo i'n myfyrwyr.

Mae rhagor o wybodaeth am ein harbenigedd academaidd ar ein tudalennau staff.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Gweler y meini prawf cyllido.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Mae'r cwrs MA Cenedlaethol mewn Addysg (Cymru), y cwrs MA Cenedlaethol mewn Addysg (Cymru ) Anghenion Dysgu Ychwanegol a'r cwrs MA Cenedlaethol mewn Addysg (Cymru) Arweinyddiaeth wedi cael eu dylunio i roi profiadau dysgu allweddol i gyfranogwyr er mwyn cefnogi eu hymchwil a'u gwaith archwilio i ymarfer proffesiynol. Bydd yn gwella eu galluoedd arweinyddiaeth, yn annog annibyniaeth broffesiynol, ac yn gwella eu barn broffesiynol ym mhob cyd-destun a sefyllfa. Bydd y pwyslais hwn sy'n canolbwyntio ar ymarfer yn galluogi ymarferwyr i weithredu'n foesegol, ymgymryd yn feirniadol ag ymchwil ac ymarfer, gweithio'n gydweithredol ac ymateb yn arloesol i heriau yn eu cyd-destun.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Sylwer bod yn rhaid i'r ymgeiswyr gwblhau'r holl ffurflenni a restrir isod a'u cyflwyno gyda'u ffurflen gais ffurfiol:

Polisi RPL

Ffurflen Gais Cydnabod Dysgu Blaenorol (RPL)

Ffurflen Gais Atodol

Myfyrwyr Enghreifftwyr

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Sut rydw i’n cyflwyno cais?

Dylech chi gyflwyno cais yn uniongyrchol i'ch sefydliad dewis cyntaf.

Ar gyfer pwy y mae'r rhaglen hon?

Mae'r MA  Cenedlaethol mewn Addysg (Cymru) a'r llwybrau Anghenion Dysgu Ychwanegol ac Arweinyddiaeth arbenigol yn rhaglenni sydd wir yn drawsnewidiol ac yn arwain y sector ar gyfer gweithwyr proffesiynol addysg yng Nghymru, o athrawon gyrfa gynnar i uwch arweinwyr. Mae'r tirlun addysgol yng Nghymru'n newid yn gyflym. Rhaid meistroli set o sgiliau cymhleth i dywys, ysgogi a hwyluso dysgu myfyrwyr wrth addysgu, ond hefyd rhaid cael y gallu i ymholi ynghylch arfer proffesiynol er mwyn ei wella. Bydd yr MA  Cenedlaethol mewn Addysg (Cymru) - sydd wedi'i datblygu ar y cyd gan saith prifysgol yng Nghymru, drwy gyfranogiad uniongyrchol ag amrywiaeth o randdeiliaid allweddol gan gynnwys Llywodraeth Cymru - yn sicrhau bod yr holl weithwyr proffesiynol addysg yng Nghymru yn meddu ar yr un cyfle o safon i wella eu gwybodaeth broffesiynol, ymgysylltu ag ymchwil a gwella eu harfer proffesiynol.

Pa lwybrau arbenigol sydd yn MA  Cenedlaethol mewn Addysg (Cymru)?

MA Cenedlaethol mewn Addysg (Cymru): Mae Anghenion Dysgu Ychwanegol yn rhaglen drawsnewidiol sy'n arwain y sector ar gyfer gweithwyr proffesiynol addysg yng Nghymru, o athrawon gyrfa gynnar i uwch-arweinwyr sydd â diddordeb mewn Anghenion Dysgu Ychwanegol. 

Mae'r tirlun addysgol yng Nghymru'n newid yn gyflym. Rhaid meistroli set o sgiliau cymhleth i dywys, ysgogi a hwyluso dysgu myfyrwyr wrth addysgu, ond hefyd rhaid cael y gallu i ymholi ynghylch arfer proffesiynol er mwyn ei wella.

Bydd yr MA Cenedlaethol mewn Addysg (Cymru): rhaglen Anghenion Dysgu Ychwanegol - sydd wedi'i datblygu ar y cyd gan saith prifysgol yng Nghymru, drwy gyfranogiad uniongyrchol ag amrywiaeth o randdeiliaid allweddol gan gynnwys Llywodraeth Cymru - yn sicrhau bod yr holl weithwyr proffesiynol addysg yng Nghymru yn meddu ar yr un cyfle o safon i wella eu gwybodaeth broffesiynol, ymgysylltu ag ymchwil a gwella eu arfer proffesiynol ym maes Anghenion Dysgu Ychwanegol. Mae'r MA Cenedlaethol mewn Addysg (Cymru): Arweinyddiaeth yn rhaglen drawsnewidiol sy'n arwain y sector ar gyfer gweithwyr proffesiynol addysg yng Nghymru, o athrawon gyrfa gynnar i uwch-arweinwyr â diddordeb mewn arweinyddiaeth. 

Mae'r tirlun addysgol yng Nghymru'n newid yn gyflym. Rhaid meistroli set o sgiliau cymhleth i dywys, ysgogi a hwyluso dysgu myfyrwyr wrth addysgu, ond hefyd rhaid cael y gallu i ymholi ynghylch arfer proffesiynol er mwyn ei wella.

Bydd yr MA Cenedlaethol mewn Addysg (Cymru): Arweinyddiaeth - sydd wedi'i datblygu ar y cyd gan saith prifysgol yng Nghymru, drwy gyfranogiad uniongyrchol ag amrywiaeth o randdeiliaid allweddol gan gynnwys Llywodraeth Cymru - yn sicrhau bod yr holl weithwyr proffesiynol addysg yng Nghymru yn meddu ar yr un cyfle o safon i wella eu harweinyddiaeth a'u gwybodaeth broffesiynol, ymgysylltu ag ymchwil a gwella eu harfer proffesiynol.

Beth yw'r gofynion mynediad?

• Meddu ar addysg at lefel gradd neu gyfwerth;
• Meddu ar statws athro cymwys (SAC) ac wedi cofrestru gyda Chyngor y Gweithlu Addysg fel athro mewn ysgol, athro ymgynghorol mewn awdurdod lleol neu athro mewn lleoliad megis uned cyfeirio disgyblion (rhaid cynnal cofrestriad gyda QTS neu CGA drwy gydol y rhaglen) NEU'N ddarlithydd coleg ac wedi cofrestru gyda Chyngor y Gweithlu Addysg (rhaid i'r cofrestriad gyda'r CGA gael ei gynnal drwy gydol y cwrs)
• Yn gyflogedig gan ysgol a gynhelir yng Nghymru/coleg yng Nghymru/awdurdod lleol yng Nghymru fel athro/darlithydd/athro ymgynghorol NEU wedi'ch cyflogi gan ysgol annibynnol gofrestredig neu goleg arbenigol;
• Yn gyflogedig ar o leiaf gontractau 0.4 CALl, gall hyn gynnwys athrawon cyflenwi/darlithwyr sydd ar gontractau hirdymor naill ai gydag awdurdod lleol, ysgol, coleg neu asiantaeth;
• Wedi'ch derbyn/cofrestru ar y radd Meistr mewn Addysg benodol hon a gynigir gan y saith partneriaeth sefydliad addysg uwch isod:
  • Prifysgol Abertawe
  • Prifysgol Aberystwyth
  • Prifysgol Bangor
  • Prifysgol Fetropolitan Caerdydd
  • Prifysgol De Cymru
  • Prifysgol Cymru y Drindod Dewi Sant
  • Prifysgol Glyndŵr Wrecsam

• Dylai ymgeiswyr, lle bynnag y bo'n bosib, gael y cymeradwyaethau a'r gefnogaeth gofynnol gan eu cyflogwyr (ysgol, awdurdod lleol, lleoliad neu goleg) i ymgymryd â'r radd Meistr Genedlaethol mewn Addysg.
• Pan fydd rhywun eisoes wedi cyflawni gradd Meistr mewn pwnc penodol, gallant gyflwyno cais o hyd am y cyllid ar gyfer y rhaglen hon.
• Nid oes cymwysterau graddau Meistr mewn Addysg eraill a gynigir gan sefydliadau addysg uwch yn gymwys am y cyllid hwn.

Ydy'r cwrs yn gofyn am ddosbarthiad gradd penodol ar lefel israddedig?

Nac ydy - ond rhaid bod ymgeiswyr yn meddu ar Statws Athro Cymwys ac yn bodloni'r meini prawf cymhwysedd a nodir.

Beth yw Cydnabyddiaeth o Ddysgu Blaenorol?

Cydnabyddiaeth o Ddysgu Blaenorol yw'r broses o gydnabod dysgu a wneir gan unigolyn cyn iddo gychwyn ar yr MA. At ddibenion y rhaglen hon, mae'r term yn cynnwys y canlynol: a) Trosglwyddo Credydau - Lle dyfarnwyd y credydau neu'r cymhwyster gan sefydliad addysg uwch yn y DU fel rhan o gymhwyster ffurfiol; b) Cydnabyddiaeth o Ddysgu Blaenorol trwy Brofiad - lle mae dysgu a gyflawnir drwy brofiad yn cael ei asesu a'i gydnabod. (Gweler dogfennau newydd ar Gydnabyddiaeth o Ddysgu Blaenorol).

Allaf i gael fy eithrio o ran o'r MA h.y. wedi fy nerbyn drwy Gydnabyddiaeth o Ddysgu Blaenorol?

Efallai y bydd modd eich derbyn i'r MA ar sail eich bri yn y maes ar sail modiwlau lefel M a astudiwyd yn rhywle arall yn y Deyrnas Unedig yn ystod y pum mlynedd flaenorol. Dylech ddefnyddio'r ffurflen gais safonol i ymgeisio, ond dylech sicrhau eich bod yn cynnwys eich trawsgrifiadau academaidd blaenorol yn ogystal â chopi o faes llafur y cwrs gan roi manylion am y deilliannau dysgu a'r pwysoliadau credyd.

Pa ddogfennau y mae'n rhaid i mi eu hanfon atoch?

Datganiad Personol neu CV (mae angen yr ail os ydych chi'n cyflwyno cais am Achrediad Dysgu drwy Brofiad; Os ydych chi'n cyflwyno cais am Drosglwyddo Credydau, bydd angen i chi gynnwys eich Trawsgrifiad Academaidd SAC gan restru'ch modiwlau; Ffurflen gais atodol am gyllid os ydych chi'n cyflwyno cais am gymorth ariannol gan Lywodraeth Cymru, gan gynnwys pynciau a astudiwyd a graddau a gyflawnwyd.

Sut rydw i'n cyflwyno cais am Gydnabyddiaeth o Ddysgu Blaenorol?

Mae Cydnabyddiaeth o Ddysgu Blaenorol (y cyfeirir ato'n aml fel RPL) yn galluogi Prifysgolion i wneud eithriadau ar gyfer modiwlau neu feysydd pwnc y mae ymgeiswyr eisoes wedi'u 'cwblhau', naill ai drwy addysg ffurfiol neu drwy brofiad a datblygiad proffesiynol. Felly ni ofynnir i ymgeiswyr llwyddiannus ailadrodd neu gwblhau dysgu y cydnabyddir eu bod nhw eisoes wedi'i gyflawni.

Mae MA  Cenedlaethol mewn Addysg (Cymru) wedi'i dylunio i gydnabod y bydd eisoes gan lawer o fyfyrwyr gymwysterau a/neu brofiad proffesiynol sy'n golygu y gallant ddangos eu bod wedi cyflawni modiwlau blwyddyn 1 y rhaglen, felly nad oes rhaid iddynt ailadrodd cynnwys. Ni fydd Cydnabyddiaeth o Ddysgu Blaenorol yn berthnasol i fodiwlau blwyddyn 2 neu'r Traethawd Estynedig ac mae'n rhaid i'r holl fyfyrwyr gwblhau'r rhain.

O ganlyniad, gall ymgeiswyr sydd â chymwysterau cydnabyddedig (e.e. TAR) a/neu brofiad proffesiynol sylweddol gyflwyno cais i'r rhain gael eu cydnabod yn ffurfiol yn lle rhai neu'r holl fodiwlau sy'n werth 60 o gredydau ym mlwyddyn 1 y rhaglen. I fod yn gymwys i gael eu hystyried, rhaid i ymgeiswyr ddarparu tystiolaeth academaidd a/neu broffesiynol priodol i ddangos eu bod yn bodloni'r Deilliannau Dysgu ar gyfer y modiwlau, a restrir ar y Ffurflen Gais RPL.

Os oes gennych chi radd TAR sy'n werth 60 o gredydau ar lefel 7 FHEQ (Fframweithiau ar gyfer Cymwysterau Addysg Uwch) a gyflawnwyd fel arfer yn ystod y 5 mlynedd diwethaf, nid oes rhaid i chi fapio'ch dysgu proffesiynol i'r Deilliannau Dysgu ar y Ffurflen Gais RPL a dylech chi gyflwyno eich trawsgrifiad (os nad oes un o'r rhain gennych chi, dylech chi allu gofyn am un newydd gan eich Prifysgol).

Os oes gennych chi SAC heb TAR, neu os cyflawnwyd eich TAR mwy na 5 mlynedd yn ôl, neu os yw eich TAR yn cynnwys llai na 60 o gredydau ar lefel 7, bydd angen i chi gyflwyno eich trawsgrifiad ar gyfer elfennau o gredyd rydych chi am eu cynnwys, a bydd angen i chi fapio eich dysgu proffesiynol a/neu drwy brofiad i'r Deilliannau Dysgu ar y Ffurflen Gais RPL a rhaid i'ch dysgu fod yn werth y credydau sy'n weddill (e.e. os yw eich TAR yn rhoi 40 o gredydau ar lefel 7 i chi, bydd angen i chi ddangos dysgu drwy brofiad sy'n werth 20 o gredydau'n unig). Dylech chi fapio i'r modiwl(au) sy'n cynnwys y Deilliannau Dysgu sy'n arddangos orau eich dysgu proffesiynol a/neu drwy brofiad yn eich barn chi.

Lle gallwch chi ddarparu tystiolaeth ar gyfer rhai o'r Deilliannau Dysgu'n unig, byddwch chi'n cofrestru ar gyfer modiwlau ym mlwyddyn 1 sy'n angenrheidiol ar gyfer cwblhau'r Deilliannau Dysgu y mae eu hangen i symud ymlaen i ail flwyddyn y rhaglen.

Arholiadau myfyrwyr:

• Ffurflen Atodol Enghreifftiol i Fyfyrwyr

Beth yw'r 'Ffurflen Gais Atodol'?

Bydd y ffurflen hon yn manylu ar ddewis modiwlau astudio cychwynnol ac a oes rhai ohonynt yn gysylltiedig â'r llwybrau ADY neu Arweinyddiaeth arbenigol. Gellir hefyd ddarparu yma ddatganiad cefnogi gan eich ysgol er mwyn dangos ei hymrwymiad i chi astudio ar y cwrs.

Oes angen TGAU yn y Gymraeg arnaf?

Nid oes angen TGAU yn y Gymraeg arnoch chi i gyflwyno cais am y rhaglen hon.

Sut gallaf gofrestru ar gyfer Diwrnod Agored Rhithwir?

Edrychwch ar wefannau sefydliadau unigol.

Ble gallaf gael rhagor o wybodaeth am y rhaglen hon?

Gweler y tudalennau cwrs.

Oes angen i mi ddarparu gwiriad manwl gan y gwasanaeth datgelu a gwahardd sy'n benodol i'r rhaglen?

Nac oes.

Rwy'n athro yn Lloegr/yr Alban/Gogledd Iwerddon - allaf i gyflwyno cais ar gyfer y rhaglen o hyd?

Gallwch, ond ni fyddwch chi'n gymwys am gyllid.

Rwy'n athro o'r UE/Dramor - allaf i gyflwyno cais ar gyfer y rhaglen o hyd?

Na allwch.

Sut ydw i'n cyflwyno cais am gyllid?

Dilynwch y broses o gyflwyno cais ar gyfer y Rhaglen, bydd panel ariannu yn penderfynu a ydych chi'n gymwys am gyllid.

Beth yw'r broses am gyflwyno cais am gyllid ar gyfer MA Cenedlaethol mewn Addysg (Cymru), Anghenion Dysgu Ychwanegol MA  Cenedlaethol mewn Addysg (Cymru) ac Arweinyddiaeth MA  Cenedlaethol mewn Addysg (Cymru)?

Mae un set o feini prawf cyllido ar gyfer yr MA Cenedlaethol a’r holl lwybrau ar gyfer dechrau yn 2022. Dylai ymgeiswyr o ysgolion annibynnol a’r Rhanbarthau gyfeirio at feini prawf cyllido llwybr ADY ac Arweinyddiaeth yn unig.

Ydw i'n gymwys am gyllid?

Gweler y meini prawf cyllido.

Mae'r meini prawf cymhwysedd i dderbyn cyllid yn nodi bod rhaid i mi fod rhwng blwyddyn 3 a blwyddyn 6  ymarfer ar ddechrau'r cwrs, beth mae hyn yn ei olygu?

Mae athrawon ym mlynyddoedd 3-6 eu gyrfa yn gymwys i gael cyllid. Fodd bynnag, os dewiswch ddilyn y llwybrau ADY neu Arweinyddiaeth, gallwch fod ar unrhyw gam o'ch gyrfa i fod yn gymwys. Mae staff o ysgolion Partner AGA, Awdurdod Lleol, ESTYN a Chynorthwywyr Addysgu hefyd yn gymwys i gael cyllid llawn gan Lywodraeth Cymru.

Pam mae'r cyllid ar gael ar gyfer athrawon rhwng blynyddoedd 3 a 6 ymarfer yn unig?

Cynigir y cyllid ar gyfer y rhaglen hon gan Lywodraeth Cymru fel rhan o'r Pecyn Athrawon Gyrfa Gynnar. Fodd bynnag, mae llwybrau eraill a ariennir ar gael. Cysylltwch â Chyfarwyddwr y Rhaglen am ragor o wybodaeth.

Nid wyf rhwng blynyddoedd 3 a 6 ymarfer - beth yw fy opsiynau o ran cyllid?

Mae cyllid hefyd ar gael i athrawon ar unrhyw gam o'u gyrfa os ydynt yn dewis y llwybr ADY neu Arweinyddiaeth. Mae staff o ysgolion Partner AGA, Awdurdod Lleol, ESTYN a Chynorthwywyr Addysgu hefyd yn gymwys i gael cyllid llawn gan Lywodraeth Cymru.

Ar ôl i mi gwblhau fy nghyfnod sefydlu ANG, treuliais i gyfnod o amser yn gweithio dramor/cymerais i seibiant o'm gyrfa, ydy hyn yn cyfrif?

Nid ystyrir amser a dreulir fel athro y tu allan i'r DU neu seibiant o'ch gyrfa fel blynyddoedd ymarfer.

A oes rhaid i mi gynnal fy nghofrestriad gyda'r CGA ar gyfer hyd y rhaglen?

Oes, dylech chi fod wedi cofrestru gyda'r CGA fel athro neu athrawes (a rhaid cynnal hwn drwy gydol hyd y rhaglen).

Oes rhaid i mi gael contract addysgu ar gyfer isafswm cyfnod o amser, e.e. tymor/blwyddyn academaidd? Beth sy'n digwydd os bydd fy nghontract yn dod i ben yn ystod y rhaglen?

Oes, cyhyd â'ch bod wedi'ch cyflogi ar gontract sydd o leiaf 0.4 CALl, gall hyn gynnwys athrawon/darlithwyr cyflenwi sydd ar gontractau hirdymor naill ai gydag Awdurdod Lleol, ysgol, coleg neu asiantaeth.

Rwy'n gweithio fel athro mewn nifer o ysgolion ac mae fy nghontractau'n fwy na 0.4 CALl. Ydw i'n gymwys i dderbyn cyllid?

Ydych, cyhyd â bod eich contractau'n cynnwys 0.4 CALl neu fwy, rydych chi'n gymwys i wneud cais am gyllid.

Rwy'n athro rhan-amser a/neu'n athro cyflenwi, allaf i gyflwyno cais am gyllid?

Gallwch, cyhyd â bod eich contractau'n cynnwys 0.4 CALl neu fwy, rydych chi'n gymwys i wneud cais am gyllid.

Rwyf wedi cofrestru gyda'r CGA ond nid o dan categori athro ysgol, ydw i'n gymwys o hyd i gyflwyno cais am gyllid?

Nac ydych, rhaid i chi fod wedi cofrestru gyda'r CGA yng nghategori athro ysgol i fod yn gymwys i gyflwyno cais am gyllid.

Oes rhaid i mi ymrwymo i weithio yng Nghymru ar ôl i mi gwblhau'r MA mewn Addysg?

Wrth dderbyn y cynnig hwn am grant, gofynnir i athrawon barhau i weithio yng Nghymru, o fewn y system addysg a gynhelir am o leiaf ddwy flynedd ar ôl iddynt gwblhau'r rhaglen.

Hoffwn i ariannu fy hun, faint yw’r ffïoedd?

Os ydych am hunan-ariannu eich cwrs, siaradwch â Chyfarwyddwr y Rhaglen, gall y ffi fod yn wahanol i’r hyn a nodir ar hyn o bryd ar gyfer myfyrwyr sy’n hunan-ariannu.

Gofyniad preswyliad (cyn astudio)

Er mwyn i chi fod yn gymwys i dderbyn cyllid, rhaid eich bod chi'n byw yng Nghymru (ni nodir terfyn ar amser).

Rwyf eisoes wedi ymgymryd ag astudiaethau ar lefel gradd Meistr, ydw i'n gymwys i dderbyn cyllid ar gyfer y rhaglen hon?

Os ydych chi eisoes wedi astudio rhaglen Meistr sy'n benodol i'r pwnc yna byddwch chi'n gymwys o hyd i gyflwyno cais am gyllid (gan ddibynnu ar fodloni'r holl feini prawf eraill). Sylwer os ydych chi eisoes wedi ymgymryd â gradd MEd a ariennir yna ni fyddwch chi'n gymwys i gyflwyno cais am gyllid ar gyfer yr MA Cenedlaethol.

Roedd fy nghais am gyllid yn aflwyddiannus, sut gallaf apelio yn erbyn y penderfyniad?

Dylai ymgeiswyr nad ydynt yn fodlon ar benderfyniad Panel Dyfarnu Cyllid yr MA  Cenedlaethol mewn Addysg (Cymru) gysylltu â Chadeirydd y Panel yn y lle cyntaf.

Pwy sy'n penderfynu ar ddyrannu cyllid?

Ar ôl iddo dderbyn eich cais, bydd y tîm Derbyn Myfyrwyr yn y sefydliad o'ch dewis yn sicrhau eich bod chi'n bodloni'r meini prawf cymhwysedd. Yna bydd Panel Dyfarnu Cyllid yr MA  Cenedlaethol mewn Addysg (Cymru) yn asesu'r holl geisiadau cymwys i benderfynu ar y canlyniad a dyfarnu cyllid i'r sawl sy'n llwyddiannus. Mae'r Panel yn cynnwys cynrychiolwyr o bob Prifysgol Bartner ac mae'n adrodd i'r Bwrdd Rheoli Cenedlaethol (sy'n cynnwys aelodau o Lywodraeth Cymru), i sicrhau atebolrwydd a goruchwylio amlwg.

Sawl lle wedi'i ariannu sydd ar gael?

Ceir 500 o leoedd wedi'u hariannu ar draws partneriaeth yr MA  Cenedlaethol mewn Addysg (Cymru).

Sawl lle wedi'i ariannu sydd ar gael ar y llwybrau Anghenion Dysgu Ychwanegol ac Arweinyddiaeth arbenigol?

Ceir 30 o leoedd ar gyfer y llwybr Anghenion Dysgu Ychwanegol a 50 o leoedd ar gyfer y llwybr Arweinyddiaeth, nid ychwanegir y rhain at y 500 o leoedd ond byddant yn ffurfio rhan o'r garfan hon sy'n bodloni'r meini prawf penodol.

Ydw i'n gymwys am fenthyciad myfyriwr?

Nac ydych.

Rwy'n gweithio mewn ysgol bartner Addysg Gychwynnol i Athrawon ym Mhrifysgol X, a oes unrhyw gyllid sy'n benodol i fi?

Mae cyllid partner Addysg Gychwynnol i Athrawon ar gyfer myfyrwyr mewn Ysgolion Partner Addysg Gychwynnol i Athrawon sy'n gysylltiedig â Phrifysgol benodol yn unig. Rhaid bod ymgeiswyr yn cefnogi myfyrwyr Addysg Gychwynnol i Athrawon.