Civil Engineering, PhD Dysgu o Bell

MPhil: Fel arfer rhaid i ymgeiswyr am y rhaglen MPhil feddu ar radd israddedig ar lefel 2.1 (neu gymhwyster tramor cyfwerth yn unol â diffiniad Prifysgol Abertawe) mewn Peirianneg neu ddisgyblaeth wyddonol debyg berthnasol. Gweler - Gwybodaeth i Ymgeiswyr o Ewrop sy'n benodol i'r wlad 2019 a Gwybodaeth i ymgeiswyr rhyngwladol sy'n benodol i'r wlad 2019.

PhD: Fel arfer rhaid i ymgeiswyr am y rhaglen PhD feddu ar radd israddedig ar lefel 2.1 (neu gymhwyster tramor cyfwerth yn unol â diffiniad Prifysgol Abertawe) mewn Peirianneg neu ddisgyblaeth wyddonol debyg berthnasol. Gweler - Gwybodaeth i Ymgeiswyr o Ewrop sy'n benodol i'r wlad 2019 a Gwybodaeth i ymgeiswyr rhyngwladol sy'n benodol i'r wlad 2019.

Iaith Saesneg
IELTS 6.5 yn gyffredinol (5.5+ ym mhob cydran) neu gymhwyster cyfwerth a gydnabyddir gan Brifysgol Abertawe. Mae manylion llawn ein polisi Iaith Saesneg, gan gynnwys am faint o amser y mae tystysgrifau'n ddilys, ar gael yma.

Rydym yn croesawu ceisiadau gan ddarpar fyfyrwyr o bedwar ban byd a gofynnwn am dystiolaeth o astudio blaenorol cyfwerth â'r gofynion mynediad a nodir uchod. Mae'r Swyddfa Derbyn Myfyrwyr Ôl-raddedig yn hapus i’ch cynghori ynghylch addasrwydd eich cymwysterau ar gyfer mynediad i’r cwrs yr hoffech ei astudio. E-bostiwch admissions@abertawe.ac.uk am ragor o wybodaeth.

Yn ogystal â chymwysterau academaidd, gall penderfyniadau ynghylch derbyn fod yn seiliedig ar ffactorau eraill gan gynnwys y canlynol: safon y crynodeb/cynnig ymchwil, perfformiad mewn cyfweliad, y nifer sy’n cystadlu am nifer cyfyngedig o leoedd, a phrofiad proffesiynol perthnasol.

Yn ogystal â chymwysterau academaidd, gellir seilio penderfyniadau ynghylch derbyn myfyrwyr ar ffactorau eraill, gan gynnwys ond heb fod yn gyfyngedig i: safon y crynodeb/cynnig ymchwil, perfformiad yn ystod y cyfweliad, lefel y gystadleuaeth am leoedd cyfyngedig a phrofiad proffesiynol perthnasol.

Angen Tystysgrif y Cynllun Cymeradwyo Technoleg Academaidd (ATAS)

Mae’n ofynnol i ymgeiswyr o’r tu allan i’r DU/yr UE gael cymeradwyaeth ATAS am y rhaglen astudio hon. Bydd tîm Derbyn Ymchwil Ôl-raddedig y Brifysgol yn anfon manylion am sut i wneud cais ATAS at ymgeiswyr llwyddiannus. Gellir gweld manylion pellach am gynllun ATAS ar dudalen we Cynllun Cymeradwyo Technoleg Academaidd y Llywodraeth.

Gofyniad am eirda

Yn arferol, gofynnir am ddau eirda cyn y gallwn anfon ceisiadau i Diwtor Derbyn rhaglenni ymchwil y Coleg/Ysgol i'w hystyried.

Caiff ceisiadau a dderbynnir heb ddau eirda wedi'u hatodi atynt eu gohirio nes y derbynnir y geirda sy'n weddill. Sylwer y gall oedi hir wrth dderbyn y geirda sy'n weddill arwain at ohirio'ch cais tan ddyddiad cychwyn/mis derbyn posib diweddarach, o'i gymharu â'r dyddiad y rhestroch yn gychwynnol fel y dyddiad dechrau o'ch dewis.

Efallai yr hoffech ystyried cysylltu â'ch canolwr (canolwyr) i'n cynorthwyo wrth dderbyn y geirda sy'n weddill neu, fel arall, gallwch ohirio cyflwyno'ch cais nes eich bod wedi dod o hyd i'ch geirda. Sylwer nad cyfrifoldeb Swyddfa Derbyn y Brifysgol yw dod o hyd i'r geirda sy'n weddill ar ôl i ni anfon e-bost cychwynnol at y canolwyr (canolwyr) a enwebwyd gennych, gan ofyn am eirda ar eich rhan chi.

Gall y geirda hwn fod ar ffurf llythyr ar bapur pennawd swyddogol neu gellir ei gyflwyno ar ffurflen geirda safonol y Brifysgol. Cliciwch ar y ddolen hon i lawrlwytho ffurflen geirda'r Brifysgol.

Fel arall, gall canolwyr anfon geirda mewn e-bost o'u cyfrif e-bost gwaith. Sylwer na ellir derbyn geirda a anfonir oddi wrth gyfrifon e-bost preifat, (h.y. Hotmail, Yahoo, Gmail).

Gellir cyflwyno geirda i pgradmissions@abertawe.ac.uk.

Bydd eich goruchwyliwr yn:

• Eich helpu i ddatblygu eich cynllun ymchwil yng nghamau cynnar eich PhD
• Rhoi cyngor ar nodau ac amcanion ymchwil ac awgrymu cyrsiau hyfforddiant neu sgiliau perthnasol
• Rhoi cyfarwyddwyd o ran llenyddiaeth a ffynonellau perthnasol
• Rhoi arweiniad o ran casglu, cofnodi a dadansoddi data
• Goruchwylio eich gwaith ysgrifenedig, yn cynnig beirniadaeth adeiladol ac yn sicrhau eich bod yn cadw at ddyddiadau cau
• Rhoi cymorth a chyngor pan fyddwch yn cyflwyno papurau mewn cynadleddau, yn cyhoeddi eich gwaith ac yn mynd i’ch viva (yr arholiad llafar terfynol ar eich traethawd ymchwil)

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Noder: Mae ffi 2025/2026 y DU yn ddangosol hyd nes y ceir cadarnhad gan UKRI.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Mae arian gan y llywodraeth bellach ar gael ar gyfer myfyrwyr o Gymru, Lloegr a'r UE sy'n dechrau ar raglenni ymchwil Ôl-raddedig ym Mhrifysgol Abertawe. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Ar ôl i chi nodi maes pwnc yr hoffech weithio ynddo, argymhellwn eich bod yn cyflwyno cynnig ymchwil ac yn ei drafod â Thiwtor Derbyn ar gyfer y pwnc cyn cyflwyno cais. Gallwch e-bostio fse-recruitment@swansea.ac.uk  i fynegi eich diddordeb mewn PhD neu MPhil Peirianneg Sifil.

Gallwch gyflwyno cais ar-lein a dilyn hynt eich cais am PhD neu MPhil mewn Peirianneg Sifil yn www.swansea.ac.uk/cy/ol-raddedig/gwneud-cais/sut-i-wneud-cais/applyonline

Os ydych yn fyfyriwr rhyngwladol, mae rhagor o wybodaeth am gyflwyno cais am y rhaglen PhD neu'r rhaglen MPhil mewn Peirianneg Sifil ar gael yn www.swansea.ac.uk/international/students/apply

Fframwaith Amser a Awgrymir ar gyfer Cyflwyno Cais

Er mwyn caniatáu digon o amser i academydd allu ystyried eich cais, er mwyn bodloni amodau cynnig posib ac er mwyn teithio/adleoli, rydym yn argymell cyflwyno ceisiadau cyn y dyddiadau a nodir isod. Sylwer y gellir cyflwyno cais unrhyw adeg ar wahân i'r dyddiadau a awgrymir isod, ond mae'n bosib y bydd angen gohirio eich cais/cynnig posib tan y cyfnod derbyn priodol nesaf.

Cofrestru ym mis Hydref

Ymgeiswyr o’r DU - 15 Awst

Ymgeiswyr o'r UE/Rhyngwladol - 15 Gorffennaf

Cofrestru ym mis Ionawr

Ymgeiswyr o’r DU - 15 Tachwedd

Ymgeiswyr o'r UE/Rhyngwladol - 15 Hydref

Cofrestru ym mis Ebrill

Ymgeiswyr o’r DU - 15 Chwefror

Ymgeiswyr o'r UE/Rhyngwladol - 15 Ionawr

Cofrestru ym mis Gorffennaf

Ymgeiswyr o’r DU - 15 Mai

Ymgeiswyr o'r UE/Rhyngwladol - 15 Ebrill

Amseroedd Arfaethedig ar gyfer Cyflwyno Cais

Er mwyn caniatáu digon o amser i'ch cais gael ei ystyried gan academydd, ac i ganiatáu i amodau cynnig posib megis teithio/adleoli gael eu bodloni, argymhellwn eich bod yn cyflwyno cais cyn y dyddiadau a nodir isod. Sylwer y gellir cyflwyno ceisiadau y tu allan i'r dyddiadau a awgrymir isod o hyd, ond mae'n bosib y gall fod angen gohirio'ch cais/eich cynnig posib i'r dyddiad derbyn priodol nesaf.

Cofrestru ym mis Hydref

Ymgeiswyr o'r DU – 15 Awst

Ymgeiswyr o'r UE/ymgeiswyr rhyngwladol – 15 Gorffennaf

Cofrestru ym mis Ionawr

Ymgeiswyr o'r DU – 15 Tachwedd

Ymgeiswyr o'r UE/ymgeiswyr rhyngwladol – 15 Hydref

Cofrestru ym mis Ebrill

Ymgeiswyr o’r Deyrnas Unedig – 15 Chwefror

Ymgeiswyr o'r UE/ymgeiswyr rhyngwladol – 15 Ionawr

Cofrestru ym mis Gorffennaf

Ymgeiswyr o'r DU – 15 Mai

Ymgeiswyr o'r UE/ymgeiswyr rhyngwladol – 15 Ebrill