Canllaw Cyflym i Seicoleg

"Rwy'n dwlu ar ehangder fy nghwrs. Mae seicoleg yn eich sefydlu mor dda ar gyfer ystod enfawr o bosibiliadau yn y dyfodol. Mae hynny'n anhygoel i mi! O fioleg yr ymennydd i agweddau cymdeithasol ar gymdeithas, mae seicoleg yn cwmpasu'r cyfan. Rwy'n dwlu ar hynny...

Byddwn i'n bendant yn cynghori myfyrwyr eraill i ddewis Prifysgol Abertawe. Mae ganddi deimlad anhygoel fel prifysgol. Mae dyfyniad gan Dylan Thomas lle mae'n dweud, “This sea-town was my world.” Rwy'n meddwl mai dyna sut mae pobl sydd wedi byw yma'n teimlo am Abertawe a'r brifysgol."

Darganfod mwy am Stori Myfyriwr Jemimah 

"Dewisais i astudio Seicoleg yn y brifysgol oherwydd bod y pwnc wedi mynd â fy mryd i pan oeddwn i'n astudio ar gyfer fy arholiadau Safon Uwch ac roeddwn i eisiau i seicoleg fod yn rhan fawr o fy ngyrfa.

Pan ddechreuais i'r cwrs, roedd yr holl ddarlithwyr yn gyfeillgar iawn, gan fy helpu i ddysgu pryd bynnag byddwn i'n gofyn cwestiwn. Mae'r darlithoedd wedi bod yn eglur iawn ac yn llawn gwybodaeth y byddwn i'n ei chadw mewn cof ar ôl fy astudiaethau."

Darganfod mwy am Stori Myfyriwr Jack

"Fy hoff beth am fy nghwrs yn bendant oedd y prosiect ymchwil yn y drydedd flwyddyn. Roeddwn i wrth fy modd i gael rhwydd hynt i ymchwilio i bwnc o fy newis ac yn hynod falch pan wnes i orffen y gwaith. Roeddwn i hefyd yn hoffi cael y cyfle i ddewis fy modiwlau yn y drydedd flwyddyn. Fy hoff bethau oedd seicoleg gwaith a seicoleg gadarnhaol, a gwnaeth y ddau fodiwl lywio fy llwybr ôl-raddedig...

Roedd fy mhrofiad yn Abertawe'n fythgofiadwy a byddwn i'n canu clodydd y brifysgol i fyfyrwyr eraill!" 

Darganfod mwy am Stori Myfyriwr Eloise

"Y peth gorau am fy mhrofiad o astudio dramor oedd y teimlad o annibyniaeth lwyr. Roedd rhywbeth brawychus am fod mewn lle newydd, filltiroedd o gynefin eich cysur, ond ar yr un pryd roedd hi mor wobrwyol pan lwyddais i."

Darganfod mwy am Stori Myfyriwr Kate

"Rwy'n fyfyriwr ail flwyddyn yn astudio Seicoleg ym Mhrifysgol Abertawe a'r peth rwy'n ei fwynhau fwyaf yw'r dewis eang o fodiwlau, o seicoleg glinigol i seicoleg datblygiadol...

byddwn yn argymell Prifysgol Abertawe i fyfyrwyr rhyngwladol eraill yw oherwydd bod yr athrawon a'r staff yma yn hynod gymwynasgar a chyfeillgar. Felly, pryd bynnag y byddaf yn dod ar draws unrhyw broblemau, gallaf siarad â nhw'n uniongyrchol heb unrhyw oedi!"

Darganfod mwy am Stori Myfyriwr Hiu Lam Chau

"Rwyf wedi profi ystod o fodiwlau gwahanol ar draws Addysg a Seicoleg. Un o fy modylau mwyaf pleserus oedd Anghenion Dysgu Ychwanegol o fewn Addysg gan fod hwn yn rhywbeth rwy’n angerddol amdano ac rwyf wrth fy modd yn gallu helpu plant ag anghenion dysgu ychwanegol. Modiwl arall a fwynheais oedd Gwella Dysgu gyda Thechnolegau Digidol, a oedd yn addysgiadol gan y defnyddir technoleg mor eang erbyn hyn. Rhoddodd y modiwl wybodaeth i mi ar sut i ddefnyddio technoleg yn effeithiol o fewn Addysg...

Fe wnes i ddewis Abertawe gan i mi syrthio mewn cariad â fy nghwrs a'r lleoliad. Mynychais y Diwrnod Agored ac yno fe wnes i gwrdd â rhai myfyrwyr presennol ar y cwrs a oedd mor angerddol amdano fel ei fod wedi fy nghyffroi'n fwy i fynd i'r brifysgol ac astudio'r cwrs. Roedd y modiwlau oedd ar gael yn ddiddorol iawn ac roedd bod yn fyfyriwr cyd-anrhydedd yn golygu bod Abertawe yn eithaf unigryw yn yr hyn yr oedd ar gael."

Darganfod mwy am Stori Myfyriwr Elinor 

"Rwyf wrth fy modd â’r rhaniad rhwng fy nau bwnc, mae astudio cymdeithaseg a seicoleg yn golygu fy mod yn cael astudio cymdeithas ac unigolion o ddau safbwynt gwahanol, sydd wedi ymestyn fy nealltwriaeth a’m cadw i ymgysylltu...

Dewisais yn bersonol i astudio yn Abertawe gan fod llai o bwysau ar y cwrs o ran arholiad. Dim ond dau arholiad personol y flwyddyn yr wyf yn eu gwneud, ac mae gweddill fy asesiadau yn becynnau dysgu, traethodau, a chwisiau amlddewis. Roeddwn i eisiau gwneud anrhydedd cyfun tra'n cadw fy achrediad BPS mewn seicoleg, mae Abertawe'n cynnig hyn."

Darganfod mwy am Stori Myfyriwr Maya 

Mae'r MSci Seicoleg pedair blynedd yn radd israddedig uwch, sy'n ychwanegu blwyddyn â phwyslais ar ymchwil at ein gradd  sefydledig.  Yn arwain at gymhwyster lefel Meistr, mae'r radd hon yn sbardun delfrydol ar gyfer gyrfa ymchwil ym maes seicoleg. 

• Seicoleg, MSci

Bydd ein gradd BSc mewn Seicoleg yn rhoi hyfforddiant gwyddonol arbenigol i chi yn y berthynas rhwng y meddwl, yr ymennydd ac ymddygiad.

Byddwch yn astudio prosesau seicolegol a niwro-wyddonol sy’n tanategu gweithgareddau fel meddwl, rhesymu, cof ac iaith, dysgu am effeithiau anaf i'r ymennydd, ac yn archwilio ffyrdd o wella cynnydd ymddygiad sy'n gysylltiedig ag iechyd.

Mae ein strwythur gradd hyblyg gydag ystod eang o fodiwlau dewisol ar ddiwedd y flwyddyn yn rhoi cwmpas i chi i deilwra eich astudiaethau i'ch diddordebau unigol, nodau gyrfa, neu huchelgeisiau ar gyfer astudio ôl-raddedig.

• Seicoleg, BSc

Bydd ein cwrs BSc mewn Troseddeg a Seicoleg yn rhoi hyfforddiant gwyddonol arbenigol i chi ar y gydberthynas rhwng y meddwl, yr ymennydd ac ymddygiad ynghyd â dealltwriaeth fanwl o ddamcaniaeth cyfiawnder troseddol a'r cysylltiadau rhwng y ddau faes hyn.

Byddwch yn meithrin gwybodaeth a dealltwriaeth fanwl o'r damcaniaethau pwysicaf mewn perthynas â throsedd a gwyriad a'u perthnasedd i bolisi, ymchwil ac ymarfer ym maes cyfiawnder troseddol cyfoes.

• Troseddeg a Seicoleg, BSc

Bydd astudio gradd anrhydedd ar y cyd mewn Cymdeithaseg a Seicoleg yn rhoi hyfforddiant gwyddonol arbenigol i chi, wrth eich arfogi â'r sylfaen ddamcaniaethol hanfodol i ddeall ymddygiad pobl fel bodau cymdeithasol.

Byddwch yn dysgu sut mae cynhyrchu gwybodaeth newydd gan ddefnyddio amrywiaeth o offer ymchwil cymdeithasol ansoddol a meintiol, o arolygon cymdeithasol mawr a ddehonglir trwy ystadegau i gyfweliadau manwl ag unigolion a grwpiau bach.

Byddwch yn cael cyfle i gymryd rhan mewn lleoliadau gwaith er mwyn adeiladu ar eich sgiliau a'ch profiad, a chyfoethogi eich rhagolygon gyrfa.

• Cymdeithaseg a Seicoleg, BSc

Bydd ein gradd Addysg a Seicoleg yn rhoi hyfforddiant arbenigol i chi ar y berthynas rhwng y meddwl, yr ymennydd ac ymddygiad, ynghyd â sylfaen ragorol mewn polisi addysg, datblygiad plant a niwrowyddoniaeth addysgol.

Byddwch yn datblygu dealltwriaeth ddofn o ymarfer addysgol yn yr oes ddigidol, addysg mewn cyd-destunau cenedlaethol a rhyngwladol, arweinyddiaeth a rheolaeth, ac amrywiaeth a lles ym maes addysg.

• Addysg a Seicoleg, BSc