Uwch-weinyddwr Prosiect

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Dyma swydd am gyfnod penodol o 6 mis, 21 awr yr wythnos.

Mae Clinig y Gyfraith Abertawe, sydd wedi'i leoli yn Ysgol y Gyfraith Hillary Rodham Clinton ym Mhrifysgol Abertawe, yn ceisio penodi Uwch-weinyddwr Prosiect i ymuno â'n tîm sy'n gweithio ar Brosiect Rhwydwaith Cynghori Cymunedol Abertawe a Chastell-nedd Port Talbot (SNPTCAN) Hafan | Abertawe a Chastell-nedd Port Talbot (snptcan.wales)

Mae Rhwydwaith Cyngor Cymunedol Abertawe Castell-nedd Port Talbot (SNPT CAN)Hafan | Abertawe Castell-nedd Port Talbot (snptcan.wales) yn system atgyfeirio uniongyrchol a fodelwyd ar Rwydwaith Cyngor Cymunedol Norfolk (https://ncan.co.uk), Rhwydwaith Cyngor Cymunedol Tower Hamlets (https://thcan.org.uk) a Rhwydwaith Cyngor Cymunedol Oldham (https://www.ocan.org.uk) – sefydlwyd y system mewn cydweithrediad â Rhaglen Cymorth Cymunedol wedi’i Gydlynu Cymdeithas y Plant. 

Mae pob ardal wedi gweithredu'r un system atgyfeirio ar-lein, a sefydlwyd gennym yn Abertawe, Castell-nedd Port Talbot a Sir Gaerfyrddin. Mae'r system wedi'i hymgorffori'n dda yn y gymuned, gyda thros 100 o sefydliadau amrywiol (ysgolion, darparwyr cyngor, sefydliadau trydydd sector, timau awdurdodau lleol a chymdeithasau tai) wedi cofrestru ar gyfer y system ac yn cyfeirio cleientiaid at ei gilydd. Rydym wedi sicrhau cyllid gan Gronfa Gymunedol y Loteri Genedlaethol i barhau i adeiladu ar lwyddiant y system.

Bydd deiliad y swydd yn rhoi cymorth gweinyddol i gyflawni'r prosiect, gan ganiatáu cymorth i asiantaethau cyngor yn ardaloedd Abertawe, Castell-nedd Port Talbot a Sir Gaerfyrddin i gyfathrebu â'i gilydd, trwy ddefnyddio'r system atgyfeirio ar-lein. Y nod yw gwella cydlynu sefydliadau cyngor y ddinas drwy hwyluso llwybrau atgyfeirio gwell i gleientiaid yn y ddinas

Bydd deiliad y swydd yn gweithio'n bennaf gyda staff Clinig y Gyfraith Abertawe ac mewn partneriaeth â sefydliadau sy'n defnyddio'r system a rhanddeiliaid eraill yn yr ardal.  Bydd hefyd yn bwydo i rwydwaith ardaloedd eraill sy'n defnyddio'r system yn Norfolk, a Tower Hamlets.

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Rhannu Lawrlwytho Llyfryn yr Ymgeisydd Lawrlwytho Disgrifiad Swydd Argraffu'r dudalen hon Yn ôl at y rhestr