Darlithydd Cemeg

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Rydym yn chwilio am unigolyn brwdfrydig sy'n llawn cymhelliant i ymuno â'n Hadran Gemeg ddeinamig fel darlithydd Cemeg, gyda diddordebau ymchwil sy'n cyd-fynd â'n blaenoriaeth thematig mewn Cemeg Organig. Cynigir y swydd ar y llwybr Addysg ac Ymchwil, gyda ffocws pennaf ar ragoriaeth ymchwil.

Prif feysydd ymchwil

Bydd yr ymgeisydd llwyddiannus yn cyfrannu at ymchwil yr adran a gydnabyddir yn rhyngwladol mewn cemeg, yn benodol mewn meysydd sydd â pherthnasedd diwydiannol cryf ac effaith gymdeithasol. Rydym yn croesawu ymgeiswyr ag arbenigedd mewn un neu fwy o'r meysydd allweddol canlynol:

• Synthesis organig gyda chymwysiadau diwydiannol, gan gynnwys datblygu polymerau, a chemegolion arbenigol.
• Deunyddiau organig gweithredol a chemeg organofetalig, â pherthnasedd i electroneg, pecynnu, moduro, a gweithgynhyrchu uwch.
• Cemeg gwyrdd a chynaliadwy, gan gynnwys catalysis, stoc fwydo adnewyddadwy, hydoddyddion amgen, a methodolegau synthetig gwastraff isel.

Addysgu a Goruchwylio

Yn ogystal ag ymchwil, bydd yr ymgeisydd llwyddiannus yn cyflwyno addysg a goruchwyliaeth o ansawdd uchel ar lefelau israddedig ac ôl-raddedig. Bydd yn cyfrannu at ddatblygu'r cwricwlwm, ymgysylltu â myfyrwyr, ac ymrwymiad yr adran i addysg gynhwysol ac arloesol.

📌 Cyfrifoldebau Allweddol

Bydd yr ymgeisydd llwyddiannus yn:

• Datblygu ac yn arwain rhaglen ymchwil annibynnol, sy'n gystadleuol yn rhyngwladol mewn cemeg organig, â ffocws ar synthesis polymerau a/neu ddylunio deunyddiau organig gweithredol.
• Sicrhau cyllid ymchwil allanol o ffynonellau cenedlaethol a rhyngwladol, ac ymgysylltu â phartneriaid diwydiannol yn weithredol.
• Meithrin cydweithrediadau rhyngddisgyblaethol yn yr adran ac ar draws y Brifysgol.
• Cyflwyno addysgu ymgysylltiol ac arloesol mewn synthesis organig a meysydd cysylltiedig ar draws rhaglenni israddedig ac ôl-raddedig.
• Goruchwylio myfyrwyr ymchwil PhD ac MSc, a chyfrannu at ddatblygu a gwella'r cwricwlwm.
• Cefnogi cynnydd academaidd a datblygiad gyrfa myfyrwyr drwy fentora a goruchwylio.
• Cyfrannu at weinyddiaeth adrannol, cynllunio strategol a gweithgareddau allgymorth.
• Hyrwyddo cydraddoldeb, amrywiaeth, a chynhwysiant yn y gymuned academaidd ac ymchwil.

 

Cymwysterau a Phrofiad Hanfodol

Rhaid i ymgeiswyr feddu ar:

• PhD mewn Cemeg neu ddisgyblaeth gysylltiedig agos, yn ogystal â phrofiad ymchwil ôl-ddoethurol.
• Hanes o ragoriaeth ymchwil mewn un neu fwy o'r meysydd canlynol:
  • Synthesis organig sy'n berthnasol i'r diwydiant (e.e., polymerau, cemegolion arbenigol)
  • Deunyddiau organig gweithredol a chemeg organofetalig
  • Cemeg werdd a chynaliadwy
• Profiad o sicrhau cyllid ymchwil a rheoli prosiectau ymchwil.
• Ymrwymiad i addysgu o ansawdd uchel, cymorth i fyfyrwyr a mentoriaeth academaidd.
• Sgiliau cyfathrebu a rhyngbersonol cryf, gyda'r gallu i weithio ar y cyd ac yn gynhwysol.

Pam ein dewis ni?

• Ymysg y safleoedd gorau yn ôl NSS am Foddhad Myfyrwyr ac Addysgu
• Cymuned Fywiog: Ymgysylltu â chymuned amrywiol a chydweithredol o fyfyrwyr a staff gwych
• Cyfleusterau o'r radd flaenaf: Mynediad agored ac a rennir i offer gwyddonol a chyfleusterau dadansoddi canolog sydd wedi'u cefnogi'n llawn.

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Rhannu Lawrlwytho FSE-Candidate-Brochure-(CY).pdf Lawrlwytho Disgrifiad swydd.docx Argraffu'r dudalen hon Yn ôl at y rhestr