Cludiant Cyhoeddus

Os nad ydych yn gallu cerdded neu feicio i'n campysau, rydym yn eich annog i ddefnyddio cludiant cyhoeddus.

Mae cludiant cyhoeddus yn ffordd ddiogel, fforddiadwy a chynaliadwy o fynd hwnt ac yma.

Mae rhwydwaith Uni Bus First Cymru'n cysylltu ein dau gampws a chanol y ddinas. Os ydych chi rhwng 16 a 21 oed, gallwch chi wneud cais am FyNgherdynTeithio AM DDIM, a chael disgowntiau gwerth 30% wrth deithio ar wasanaethau bws lleol, a thocynnau sengl am £1 yn unig.

Mae'r holl wybodaeth y mae ei hangen arnoch am deithio i Brifysgol Abertawe ac oddi yno ar gludiant cyhoeddus ar gael isod:

Swansea University Student wearing bright flowery pink cardigan using the ticket machine on a bus

Rhwydwaith Uni Bws First Cymru

Mae'r rhwydwaith UniBus a ddarperir gan First Bus wedi cael ei ddylunio gan ystyried anghenion myfyrwyr Abertawe. Mae nifer o lwybrau UniBus a llwybrau eraill sy'n cysylltu ein campysau a'r prif ardaloedd i fyfyrwyr, yn ogystal ag amrywiaeth o docynnau a phrisiau i ddiwallu eich anghenion.

Gallwch ddod o hyd i bopeth sydd angen i chi ei wybod, gan gynnwys sut i lawrlwytho ap defnyddiol First Bus, ar wefan First Bus - defnyddiwch y ddolen isod.

Wefan First Bus

fyngherdynteithio

Os ydych chi o dan 22 oed pan fyddwch chi'n dechrau ym Mhrifysgol Abertawe, rydych chi'n eiligible i arbed rhywfaint o arian gyda fyngherdynteithio

Beth yw e?

Mae fyngherdynteithio yn docyn bws sy'n rhoi disgownt i bobl 16, 17, 18, 19, 20 a 21 oed. Mae'r disgowntiau hyn yn berthnasol i'r bwndel oriau hyblyg a'r pryniannau ar fws, gan gynnwys pasys bws tymhorol a blynyddol.

Ble alla I ei ddefnyddio?

Gallwch ddefnyddio'r pas hwn ar unrhyw fws yng Nghymru, nid ein gwasanaethau bws uni yn unig!

Faint ydy o?

Fydd y pas ei hun yn costio dim i chi! Bydd cyflwyno eich pàs i'r gyrrwr bws yn rhoi hyd at 1/3ydd o bris y tocyn. Bydd y pàs yn para tan eich pen-blwydd yn 22 oed.

Ble alla I ei brynu?

Gallwch wneud cais am fyngherdynteithio drosodd ar wefan y cynllun neu drwy ffonio 0300 200 22 33 a gofyn am ffurflen gais bapur. Rhaid i chi fyw yng Nghymru i fod yn gymwys ar gyfer y 'fyngherdynteithio'. Mae eich llety myfyrwyr yn cyfrif, felly peidiwch â phoeni. Unwaith y byddwch wedi didoli eich llety, gwnewch yn siŵr eich bod yn cofrestru. Mae'n rhad ac am ddim wedi'r cyfan!

Bws gwennol Parcio a Theithio i Gampws Y Bae

Rydym yn annog staff a myfyrwyr sy'n gorfod gyrru i'r Brifysgol i wneud defnydd o'r cyfleuster Parcio a Theithio "diogel trwy ddylunio" Ffordd Fabian.

Bydd bws gwennol am ddim i staff a myfyrwyr Prifysgol Abertawe, a weithredir gan South Wales Transport, yn rhedeg bob 15 munud yn ystod oriau brig rhwng Parc a Theithio Ffordd Fabian a Champws y Bae, yn uniongyrchol ac ar ddolen.

Parcio a Theithio U1 Campws Y Bae

Codir tâl o £1 i barcio ym Mharc a Theithio Ffordd Fabian.

Os yw'n well gennych beidio â mynd ar y bws, gallwch godi Beiciau Prifysgol Abertawe o'r Parcio a Theithio a'i docio yng nghanolfan Campws y Bae.

Gwybodaeth am Wasanaethau Rheilffordd

Gwybodaeth am Reilffyrdd Great Western yma.
Gwybodaeth am wasanaethau Trafnidiaeth Cymru yma.

Mae'r holl fyfyrwyr sy'n astudio'n amser llawn yn gymwys i wneud cais am y Cerdyn Trenau i Bobl Ifanc 16-25 oed,sy'n cynnwys myfyrwyr aeddfed (yn hŷn na 25 oed).

JurnyOn - drwy deithio mwy, byddwch chi’n arbed mwy! Lawrlwythwch JurnyOnheddiw i ddechrau arbed arian.

Gall pob myfyriwr sy'n teithio ar drenau Trafnidiaeth Cymru yng Nghymru wneud cais am gerdyn trenau i fyfyrwyr am £25 y flwyddyn yn unig, sy'n cynnig disgownt gwerth hyd at 1/3 wrth deithio ar drenau a thalu am docyn arferol.

*Mae angen i chi ddangos eich cerdyn adnabod myfyriwr er mwyn prynu eich cerdyn trenau, a bydd yn ddilys am deithio yng Nghymru ar drenau Trafnidiaeth Cymru yn unig.

Teithio mewn Tacsi

Mae gwybodaeth a chyngor am deithio mewn tacsi isod.

Darparwyr Gwasanaeth Tacsi

Cerbydau Hacni

Data Cabs – 01792 474747

Cerbydau Hurio Preifat

Cwmbwrla Cabs 01792 646666

East Side Cabs 01792 771166

Kilvey Cabs 01792 457888

New Forest Cabs 01792 585666

Oyster Cabs 01792 367777

Swallow Cabs 01792 895533

Sketty Cabs 01792 299299

Yellow Cabs 2020 Ltd 01792 644446

Nid yw cerbydau hurio preifat yn codi teithwyr o safleoedd tacsi, mae'n rhaid eu harchebu ymlaen llaw.

Archebu a Thalu

Os ydych yn archebu tacsi, rydym yn argymell eich bod yn defnyddio cwmni sy’n cynnig ap. Bydd hyn yn golygu bod gennych gadarnhad o'r amser a rhif cofrestru'r cerbyd a gallwch ddilyn y cerbyd drwy'r ap. Mae Data Cabs yn cynnig ap y gallwch ei lawrlwytho.
Mae'r rhan fwyaf o dacsis yn gofyn i chi dalu ag arian parod. Gall prisiau amrywio o £10 i £14 (i ganol y ddinas o Gampws Singleton, Campws y Bae a Phentref Myfyrwyr Hendrefoelan).Sylwer bod mesuryddion gan dacsis, felly os nad ydych chi wedi cytuno ar bris, gall y pris gynyddu.

Safleoedd Tacsi

Mae'r prif safle i gael tacsi gyda'r nos yng nghanol y ddinas ar Stryd Caer, ar ben Stryd y Gwynt.
Mae safle tacsi arall yn gyfleus am Stryd y Gwynt, yn Stryd Efrog (cyfagos â Stryd y Gwynt lle mae'r clwb nos Fiction).

Teithio'n Ddiogel mewn Tacsi

Dilynwch y canllawiau call hyn am deithio'n ddiogel mewn tacsi:

Tynnwch lun o'r bathodyn ar eich ffôn symudol gan ddangos rhif y tacsi.
Eisteddwch y tu ôl i'r gyrrwr os ydych chi ar eich pen eich hun.
Ceisiwch rannu'r daith â myfyrwyr eraill rydych yn eu hadnabod.
Peidiwch â mynd i mewn i'r cerbyd os nad oes gan y gyrrwr ddau fathodyn adnabod sy'n union yr un fath; un ar y dangosfwrdd blaen a'r llall wedi'i wisgo gan y gyrrwr.
Dylai fod un gyrrwr yn unig yn y cerbyd ac ni ddylai teithwyr eraill fod ynddo.
Dylai mesurydd fod yn weladwy a dylech gytuno ar bris am y daith.
Peidiwch byth â mynd i mewn i gar os nad ydych yn gwybod yn bendant ei fod yn Dacsi swyddogol.

Sylwer bod rhaid gwisgo gorchudd wyneb wrth deithio mewn tacsi.

Mae rhagor o wybodaeth, gan gynnwys cyngor pwysig ar ddiogelwch a lleoliadau safleoedd tacsi, ar gael ar wefan Cyngor Dinas a Sir Abertawe.

Y Diweddaraf

Am ragor o wybodaeth, gweler First Cymruneu lawrlwythwch yrap.

I gael diweddariadau gwasanaeth pellach ar draws pob llwybr a rhwydwaith ewch i dudalennau tarfu Fy Nhaith Uni.

Ewch i Trafnidiaeth Cymru a Theithio Antur i gael rhagor o wybodaeth am lwybrau teithio a phrisiau yma yng Nghymru.

Cludiant Cyhoeddus - Cwestiynau Cyffredin

Pa wasanaethau bws sy’n mynd i’r Brifysgol ac yn ôl?

First Cymru - Gallwch ddysgu rhagor am wasanaethau First Cymru ar gyfer Prifysgol Abertawe yma.

Adventure Travel - Gallwch ddysgu rhagor am wasanaethau Adventure Travel yma.

Ble mae'r safleoedd bysus ar y campws?

Mae'r ddau safle bysus ar Gampws Parc Singleton y tu allan i Dŷ Fulton, sef yr adeilad mawr byddwch yn ei weld o'ch blaen wrth gyrraedd y campws.

Gallwch weld lleoliadau'r safleoedd bysus ar y map o'r campws: Cynllun Campws Parc Singleton.

Os oes angen i chi ddal unrhyw un o'r gwasanaethau lleol eraill nad ydynt yn galw ar y campws, mae safleoedd bysus ar y brif heol o flaen y campws.

Ar Gampws y Bae, mae'r safle bysus i'r dwyrain i'r adeiladau preswyl, ar ochr orllewinol adeilad y Ffowndri Gyfrifiadol.

Gallwch weld lleoliad y safle bysus ar y map o'r campws Cynllun Campws y Bae.

Ar gyfer gwasanaethau eraill nad ydynt yn galw ar y campws, mae safleoedd y tu allan ar y brif heol, o flaen y campws.

I'ch helpu i gynllunio eich taith, gan gynnwys dod o hyd i'ch safle bws, rydym yn argymell yn gryf eich bod yn defnyddio Ap First Cymru ar gyfer gwasanaethau First Cymru. Neu gallwch ddefnyddio Cynlluniwr Taith Myndibobmanfelmyfyriwr Traveline Cymru sy'n cynnwys pob gwasanaeth bws.

Sut gallaf gael yr wybodaeth ddiweddaraf am newidiadau i’r gwasanaethau bws?

Os ydych chi’n bwriadu defnyddio’r bws yn rheolaidd, rydym yn argymell eich bod yn dilyn First Cymru ar y cyfryngau cymdeithasol lle mae’n rhannu’r wybodaeth ddiweddaraf am wasanaethau â chwsmeriaid. Hefyd dylech lawrlwytho Ap First Bus y gallwch ei ddefnyddio er mwyn prynu tocynnau, cynllunio’ch teithiau a thracio’ch bws.

Rwyf wedi drysu ynghylch pa fws i’w gymryd a lle i’w ddal.

Dylech lawrlwytho Ap First Bus y gallwch ei ddefnyddio er mwyn prynu tocynnau, cynllunio’ch teithiau a thracio’ch bws. Gallwch lawrlwytho'r ap yma. Yn ogystal, mae ein ffrindiau yn Traveline Cymru wedi datblygu cyfarpar cynllunio Fy Nhaith Prifysgol er mwyn eich helpu i gynllunio’ch teithiau ar drafnidiaeth gyhoeddus o gwmpas Abertawe, gan gynnwys y safleoedd bws i’w defnyddio. Maent yn cynnig awgrymiadau teithio lleol a gwybodaeth am amhariadau. Mae’n gyfarpar hanfodol ar gyfer unrhyw un sy’n defnyddio trafnidiaeth gyhoeddus yn Abertawe. Dysgwch ragor yma.

Mae gennyf gwestiynau pellach am deithio ar y bws. Pwy gallaf siarad ag ef yn y Brifysgol?

Os nad ydych chi wedi dod o hyd i’r atebion rydych yn chwilio amdanynt ar y tudalennau gwe hyn, cysylltwch â’n Swyddog Teithio Cynaliadwy trwy e-bost: travel@swansea.ac.uk. Bydd yn hapus i’ch helpu gyda’ch ymholiad.

First Bus App