Mae enw da academaidd Ysgol y Gyfraith, sydd o safon fyd-eang, yn parhau i gael ei gydnabod yn nhablau Prifysgolion y Byd QS fesul Pwnc eleni ar gyfer y Gyfraith.
Mae enw da academaidd Ysgol y Gyfraith, sydd o safon fyd-eang, yn parhau i gael ei gydnabod yn nhablau Prifysgolion y Byd QS fesul Pwnc eleni ar gyfer y Gyfraith. Mae tablau Prifysgolion y Byd QS yn ddangosydd annibynnol allweddol ac uchel ei barch o berfformiad ac enw da prifysgol. Mae'r tabl blynyddol fesul pwnc yn graddio rhaglenni academaidd yn unol â phum dangosydd i adlewyrchu eu perfformiad yn effeithiol, gan ystyried enw da academaidd, enw da fel cyflogwr ac ymchwil yr academyddion. Mae Ysgol y Gyfraith bellach wedi ennill y safle rhagorol hwn yn nhablau Prifysgolion y Byd QS fesul Pwnc ar gyfer y Gyfraith am dair blynedd yn olynol.
Meddai'r Athro Alison Perry, Pennaeth yr Ysgol: "Rwy'n falch o weld bod ein hymrwymiad i ragoriaeth mewn addysg ac ymchwil myfyrwyr yn parhau i gael ei gydnabod yn nhablau QS fesul pwnc. Mae fy nghydweithwyr yn gweithio'n galed i ddarparu'r profiad addysg uwch gorau posibl i'n myfyrwyr a'u paratoi i lwyddo mewn marchnad gyflogaeth fyd-eang gystadleuol. Roedd yn bleser mawr i ni weld cynnydd eleni yn ein henw da academaidd a'r sgoriau am enw da fel cyflogwr."
Mae ein llwyddiant o ran tablau QS eleni yn adlewyrchu llwyddiant parhaus Ysgol y Gyfraith mewn tablau cynghrair rhyngwladol eraill, gan gynnwys ei safle ymysg y 125 uchaf ar gyfer y Gyfraith yn Safleoedd Prifysgolion y Byd fesul Pwnc 2025.