Momentwm - Mawrth 2023

Bydd mwy o fabanod yng Nghymru yn elwa wrth i gerbyd trydan newydd gyrraedd sy’n cefnogi casgliadau llaeth gan roddwyr diolch i bartneriaeth gyda’r Human Milk Foundation a welodd ganolfan llaeth gan roddwyr wedi ei sefydlu yng Nghymru am y tro cyntaf.

Bydd hyb delweddu arloesol, a ddatblygwyd gan dîm porth data Dementias Platform UK yn yr uned gwyddor data poblogaethau ym Mhrifysgol Abertawe, yn galluogi ymchwilwyr i gael mynediad unigryw at sganiau sy’n delweddu’r ymennydd.

Mae ymchwil newydd wedi datgelu sut gwnaeth aelodau o grwpiau lleiafrifoedd ethnig yn ne Cymru ymdopi â heriau a achoswyd gan bandemig Covid.

Mae ymchwil yr Athro Kirsti Bohata i lenyddiaeth LGBTQ+ o Gymru yn datgelu bod pobl queer wedi gwneud cyfraniad pwysig i lenyddiaeth a hanes Cymru a’r byd. Mae ei gwaith yn canolbwyntio’n arbennig ar fywyd ac ysgrifennu Amy Dillwyn (1845-1935), diwydiannwr a nofelydd o Oes Victoria.

Yn fyd-eang, mae plâu di-asgwrn-cefn (e.e. pryfed, gwiddon, nematodau) yn achosi difrod gwerth cannoedd o biliynau o bunnoedd i gnydau âr a choedwigoedd bob blwyddyn, gan effeithio ar ddiogelwch bwyd yn fyd-eang. Mae'r Athro Tariq Butt a'i dîm yn datblygu plaladdwyr nad ydynt yn gemegol i fynd i'r a.fael â difrod i gnydau âr 

Mae ymchwil a wnaed gan yr Athro Paul Bennett a Dr Rachael Hunter yn canolbwyntio ar helpu cleifion i ymdopi ag effeithiau trawmatig clotiau gwaed. Mae byrddau iechyd wedi rhoi darpariaeth seicolegol ar waith ar gyfer cleifion VTE o ganlyniad uniongyrchol i'r ymchwil hon, ac mae wedi’i rhoi ar waith yn llawn yn GIG Cymru. 

Yn y rhifyn hwn o'r gyfres podlediadau Archwilio Problemau Byd-eang, mae'r Athro Stuart Macdonald yn trafod ei ymchwil i wrthderfysgaeth, gan archwilio defnydd terfysgwyr o'r rhyngrwyd, yn enwedig seiberderfysgaeth a phropaganda a radicaleiddio ar-lein

Mae'r pandemig wedi sbarduno rhai pobl i ymddiddori mwy mewn crefydd ac ysbrydegaeth. Yn yr erthygl hon o The Conversation, mae Jaeyeon Choe, Ymchwilydd mewn Datblygu Twristiaeth Gynaliadwy ym Mhrifysgol Abertawe, yn ystyried Twristiaeth Ysbrydol nawr bod y pandemig yn lleddfu..

Uwch-ddarlithydd yn y Gyfadran Meddygaeth, Iechyd a Gwyddor Bywyd yw Dr Menna Brown. Mae ei gwaith ymchwil presennol yn archwilio rôl lles emosiynol wrth bennu canlyniadau iechyd corfforol mewn cyd-destun iechyd digidol.

Mae Louis Bromfield yn fyfyriwr PhD yn yr Adran Astudiaethau Gwleidyddol a Diwylliannol yng Ngholeg y Celfyddydau a'r Dyniaethau sy'n archwilio effeithiau rhagfynegi drwy gemau ar ymgysylltu gwleidyddol.

Mae labordai yn rhan annatod o ymchwil ym Mhrifysgol Abertawe, ond ni ddylid anwybyddu eu heffeithiau sylweddol ar yr amgylchedd. Felly i leihau ein heffaith, rydym yn annog ein labordai i ymuno â rhaglen LEAF (Fframwaith Asesu Effeithlonrwydd Labordai).

Mae arbenigwyr dur wedi bod yn edrych yn rhithwir y tu mewn i ffwrnais simnai, fel rhan o brosiect newydd i brofi pa mor dda y byddai hydrogen yn gweithio fel rhydwythydd ar gyfer gwneud dur.

Mae Prifysgol Abertawe wedi partneru â chwmni technoleg ymgolli i greu profiad realiti rhithwir newydd â'r nod o ysbrydoli'r genhedlaeth nesaf i ddilyn gyrfa mewn pynciau STEM.

Dyfarnwyd £1.3 miliwn i wyddonwyr o Sefydliad Arloesol Prifysgol Abertawe ym maes Deunyddiau, Prosesau a Thechnolegau Rhifyddol (IMPACT) ac o Japan, er mwyn datblygu pecyn newydd “profion pwynt gofal” sy’n gallu canfod biofarcwyr Clefyd Alzheimer.