Mae'r Ŵyl Gwyddorau Cymdeithasol yn dychwelyd i Abertawe am y drydedd flwyddyn yn olynol, gyda rhaglen ddifyr o ddigwyddiadau am ddim sy'n dathlu gwerth ac effaith gwyddoniaeth gymdeithasol yn ein bywydau bob dydd.
O weithdai ymarferol a sgyrsiau cyhoeddus i arddangosiadau i ysgogi'r meddwl a gweithgareddau sy'n addas i deuluoedd, mae'r ŵyl yn gwahodd pawb i archwilio sut mae ymchwil yn dylanwadu ar gymdeithas er gwell.
Wedi'i chynllunio ar gyfer pob oedran, mae'n gyfle i ddarganfod syniadau newydd, datblygu sgiliau, a chymryd rhan mewn digwyddiadau dan arweiniad ymchwil a gyflwynir gan ein cymuned academaidd.
Bydd manylion llawn y rhaglen yn dod yn fuan.
Rhwng 18 Hydref a 8 Tachwedd 2025
Gweithgareddau sydd ar ddod
Dydd Sul, 27 Hydref, Canolfan Dreftadaeth Gŵyr, 10.30am-2pm
Archwilio'r bwyd ar ein stepen drws: Twrio am fwyd yn y Gŵyr
Mae bwyd a threulio amser ym myd natur yn cyfrannu at ein hiechyd a'n lles, yn enwedig pan gaiff y profiadau eu rhannu. Ymunwch â ni am weithgaredd fforio a fydd yn cyflwyno byd planhigion bwytadwy Gŵyr i chi. Yn ystod taith gerdded i Fae'r Tri Chlogwyn, gan ymgolli ym myd natur, byddwn yn casglu cynhwysion tymhorol a gwyllt cyn dychwelyd i Ganolfan Treftadaeth Gŵyr lle byddwn yn gwneud pryd blasus o fwyd i'r grŵp dros dân agored. Mae cludiant wedi'i ariannu'n llawn ar gael o orsaf fysiau Abertawe (yno ac yn ôl). Mae parcio a chyfleusterau eraill ar gael yn y Ganolfan Dreftadaeth drwy gydol y gweithgaredd.
Bydd Fforio gan Gower Unearthed yn darparu lle diogel i bobl leol ddod ynghyd a threulio amser ym myd natur, deall y planhigion o'u cwmpas a sut i goginio prydau maethlon o fwyd ar y cyd gan ddefnyddio'r eitemau a gasglwyd wrth fforio.
Themâu'r digwyddiad: Bwyd, treftadaeth, fforio, Cymru leol, natur, iechyd, planhigion, maeth
Math o ddigwyddiad: Gweithgaredd wyneb yn wyneb; bydd cludiant ar gael i'r rhai nad oes ganddynt fynediad at wasanaeth bws neu gar
Cynulleidfa: 18 oed a hŷn â diddordeb mewn fforio a/neu dreftadaeth
Arweinydd y digwyddiad: Ally Fraser
ARCHEBU'N LLAWN
Dydd Mawrth 29 Hydref, CoSMOS, Campus y Singleton, 10am-2pm
CTRL + ALT + Critique: Computers, Society and South Wales
Ydych chi erioed wedi meddwl sut mae technoleg yn dylanwadu ar ein byd, o'ch ffôn clyfar i'r algorithmau sy'n penderfynu beth rydych chi'n ei weld ar-lein? Paratowch i archwilio'r chwyldro digidol yn ein digwyddiad cyffrous gyda CTRL + ALT + Critique!
Gan weithio gydag ymchwilwyr ym Mhrifysgol Abertawe a Technocamps, bydd y digwyddiad ymarferol hwn yn mynd â chi ar daith drwy orffennol, presennol a dyfodol cyfrifiadura. Byddwch yn archwilio effeithiau cudd technoleg ar ein bywydau pob dydd, yn dysgu codio, a hyd yn oed yn dylunio eich atebion digidol eich hun i heriau cymunedol go iawn. Ymunwch â ni am y cyfle i drawsnewid sut rydych chi'n gweld y byd digidol o'ch cwmpas.
Pwnc y digwyddiad: Technoleg; cymdeithas; Cymru; cyfrifiaduron; digidol; codio
Math o ddigwyddiad: Gweithgaredd wyneb yn wyneb
Cynulleidfa: Ar agor i bawb; oedran a argymhellir (12-14 oed)
Arweinydd y Digwyddiad: Dr Megan Venn-Wycherley
Dydd Mercher 30 Hydref, Oriel Science, Castle Street,11am-1pm
Dyluniwch eich cymdogaeth berffaith, ORIEL Science
Byddwn yn cymryd rhan mewn gweithgareddau llawn ysbrydoliaeth a fydd yn rhoi cyfle i rieni a'u plant gyfrannu at ddylunio eu 'cymdogaeth ddelfrydol' yn ysbryd cydweithredu cymunedol. Byddwn yn dysgu sut gallwn fynd i'r afael â heriau fel newid yn yr hinsawdd ac iechyd drwy gydweithio.
Byddwch yn barod i ganiatáu i'ch plentyn wneud llanast neu dewch â dillad glân sbâr os oes angen. Gallwch ymuno a gadael fel y mynnoch, felly dylai rhieni aros gyda'u plant drwy gydol y digwyddiad.
Themâu'r digwyddiad: Newid yn yr hinsawdd; iechyd; eco-ddylunio; Cymru leol; pensaernïaeth; creu; teulu; gwyddoniaeth
Math o ddigwyddiad: Gweithgaredd wyneb yn wyneb; galw heibio
Cynulleidfa: Teuluoedd
Arweinydd y digwyddiad: Rebecca Pedrick-Case, Environment & Health Research Centre
Dydd Sul 3 Tachwedd, Noah's Yard, Uplands 2pm-5pm
Yn fyw o amgueddfa Freud: Gwyddoniaeth a Chrefft Breuddwydio - Salon Breuddwydion gyda Pheintio Byw o Freuddwyd
Mae ein Salonau Breuddwydion yn unigryw; maent yn brofiad amlsynhwyraidd, digwyddiad lle mae cyfranogwyr yn trafod breuddwyd, yn dangos empathi a dealltwriaeth tuag at yr un sy'n rhannu ei freuddwyd, ac yn gwylio gwaith celf yn cael ei greu'n fyw ar sgrîn fawr sy'n dangos y breuddwyd ac yn ei ddychwelyd i'w ffurf weledol. Bydd hwn yn brofiad difyr, addysgol ac emosiynol y gallwch ymgolli ynddo.
Themâu'r digwyddiad: Seicoleg; Freud; Llundain; amgueddfa; breuddwydion; hunllefau; celf
Math o ddigwyddiad: Wyneb yn wyneb ac ar-lein
Cynulleidfa: Croeso i bawb
Arweinydd y digwyddiad: Professor Mark Blagrove
Cofrestrwch yma
Dydd Mawrth 5 Tachwedd, Theatr y Grand Abertawe, 11.30am-2pm & 2pm-3.30pm
DYSTOPIA (2023) – Darlledu Ffilm
Ymunwch â ni wrth i ni ddangos DYSTOPIA (2023), ffilm sy'n canolbwyntio ar hynt a helynt ffoadur Affricanaidd yn Ewrop. Ar ôl dangos y ffilm, bydd trafodaeth banel gyda'r gwneuthurwr ffilmiau o Sbaen,Samuel Sebastian, y cyd-gyfarwyddwr a'r cyd-gynhyrchydd Dr Sergei Shubin, a chyd-drefnwyr y digwyddiad sy'n dod o gefndiroedd ffoaduriaid.
Bydd y ffilm a'r drafodaeth ganlynol yn helpu i ddyneiddio ffoaduriaid heb eu gwrthrycholi, gan helpu i ddatblygu empathi fel y meincnod ar gyfer rhyngweithio moesegol â'r bobl sydd wedi'u dadleoli. Bydd y digwyddiad yn annog cyfranogwyr i ddatblygu perthynas fwy cadarnhaol â mudwyr a dylanwadu ar eu hagwedd bersonol, wleidyddol ac adfyfyriol tuag at bobl sy’n symud.
Amser y Digwyddiad: 11.30am-2pm
Pynciau'r digwyddiad: Ffoadur; ceisiwr lloches; Cymru; Abertawe; dangosiad; ffilm
Math o ddigwyddiad: Gweithgaredd wyneb yn wyneb
Cynulleidfa: Ar agor i bawb
Arweinydd y Digwyddiad: Dr Sergei Shubin & Kristina Krasnova
Cofrestrwch yma
-------------------------------------------------------------------------
Creu'r berthynas berffaith yn y Seiberofod? Chi a'ch bywyd digidol
Mae galluoedd llythrennedd digidol wedi dod yn rhan hanfodol o fywyd modern. Mae llawer o bobl yn teimlo bod diffyg hyder wrth ddefnyddio technoleg newydd yn eu llesteirio, gan eu rhwystro rhag cymryd rhan mewn addysg, cyflogaeth a dinasyddiaeth. Mae ein gweithgaredd rhyngweithiol yn cymryd 10 munud yn unig ac mae'n ffordd syml a hygyrch o feithrin hunaniaeth ddigidol fwy cadarnhaol.
Cofrestrwch yma
Pwysigrwydd bod yn berson ac nid yn ddeallusrwydd artiffisial
Sut mae deallusrwydd artiffisial (AI) yn cael ei integreiddio mewn nwyddau, gwasanaethau a gweithgareddau pob dydd? Beth yw'r cyfleoedd a'r peryglon i bobl mewn amgylched AI sy'n ehangu drwy'r amser. Ydyn ni wir yn meddwl bod pwysigrwydd i fod yn ddynol mewn byd o AI? Dewch i archwilio'r cwestiynau ysgogol hyn drwy ein gweithdy efelychu rhyngweithiol - AI yn erbyn cystadleuaeth ddynol.
Cofrestrwch yma
Amseru Digwyddiad: 2pm-3.30pm
Themâu'r digwyddiad: Sgiliau digidol; hyder; Cymru; gwyddoniaeth, dyfodol; technoleg; AI; Deallusrwydd Artiffisial
Math o ddigwyddiad: Gweithgaredd wyneb yn wyneb galw heibio; gweithdy
Cynulleidfa: Mae croeso i bawb, yn enwedig oedolion ifanc a hŷn
Arweinydd y digwyddiad: Dr Rebecca Pratchett; Dr Alison Walker; Dr Annie Tubadji
Dydd Gwener 8 Tachwedd, Theatr y Grand Abertawe, 5pm-7pm
Mynd gyda'r llif: Gweithdy celf sy'n archwilio'r amgylchedd i gyflawni lles
Ymunwch â'n gweithdy difyr a bywiog sy'n archwilio profiad seicolegol gwobrwyol 'llif' - gweithred o ymgolli'n ddwys mewn gweithgaredd. Dysgwch sut i roi hwb i'ch lles mewn gweithdy addysgol ac artistig sydd wedi'i gynllunio i'ch helpu i fyfyrio ar y mannau lle rydych yn profi llif drwy greu celf.
Math o ddigwyddiad: In-person activity
Cynulleidfa: Croeso i bawb
Arweinydd y digwyddiad: Dr Amy Isham
Cofrestrwch yma
Wedi'i aildrefnu (Dyddiad i'w gadarnhau), Oriel Science, Castle Street,
Plant bach, Technoleg a Thrafod
Mae defnyddio technoleg ddigidol mewn plentyndod cynnar wedi bod yn bwnc dadleuol ers amser maith. Mae rhieni'n parhau i bryderu am y ffordd orau o gefnogi plant ifanc â phrofiadau digidol, yn rhannol oherwydd negeseuon cymysg yn y wasg a gwybodaeth ddryslyd am blant yn defnyddio technoleg o amrywiaeth o ffynonellau, gan gynnwys cyngor gwrthgyferbyniol mewn canllawiau swyddogol.
Yn y gweithdy ymarferol, rhyngweithiol hwn, bydd rhieni a gweithwyr proffesiynol blynyddoedd cynnar yn cael yr wybodaeth a'r cymorth diweddaraf. Bydd hefyd yn darparu awgrymiadau ac argymhellion defnyddiol i rieni ac ymarferwyr ar y defnydd o dechnoleg ymhlith phlant. Bydd y gweithdy hefyd yn rhoi cyfle i rieni ac ymarferwyr leisio eu barn a chyfrannu at ymchwil barhaus yn y maes hwn.
Pynciau'r digwyddiad: Plant bach; rhieni; technoleg; Cymru; gwyddoniaeth, Diogelwch
Math o ddigwyddiad: Gweithgaredd wyneb yn wyneb
Cynulleidfa: Teuluoedd; Rhieni plant 3 oed ac yn iau; Ymarferwyr
Arweinydd y Digwyddiad: Yr Athro Janet Goodall
Cofrestrwch yma
Gwyliau'r gorffennol
We were pleased to be joined by Bangor and Cardiff Universities to host the ESRC's offering a pan-Wales day of fun, informal and interactive events on wellbeing as part of the 2023 Festival of Social Science.
Cynhaliodd Prifysgol Abertawe weithgareddau a gweithdai gan ymchwilwyr ar draws y tair Prifysgol, yn dilyn themâu gan gynnwys iechyd meddwl, newid ymddygiadol, deallusrwydd artiffisial, dementia, cadwraeth amgylcheddol, argyfwng hinsawdd, rhyw a hunaniaeth ac anghydraddoldebau cymdeithasol.
