Abena Amponsah Asirifi

Beth yw eich tri hoff beth am Abertawe (y ddinas/ardal)?

1.Y traeth

2. Glannau bywiog y Marina

3. Parc Singleton

Pam dewisoch chi astudio eich gradd yn Abertawe?

Fel ysgolhaig y Gymanwlad, cefais y cyfle i ddewis 3 phrifysgol. Dewisais Abertawe oherwydd ei henw da ym maes iechyd y cyhoedd, ei hamgylchedd cefnogol i fyfyrwyr rhyngwladol, a'i lleoliad arfordirol hardd a hamddenol. Mae'n lle gwych i astudio a byw.

Beth yw eich hoff beth am eich cwrs?

Fy hoff beth am fy nghwrs yw pa mor ymarferol a pherthnasol ydyw. Rwy'n ennill gwybodaeth a sgiliau o'r byd go iawn sy'n berthnasol yn uniongyrchol i wella iechyd y cyhoedd a gwneud gwahaniaeth mewn cymunedau.

Beth rydych chi’n bwriadu ei wneud ar ôl i  chi raddio?

Ar ôl i mi raddio, rwy'n bwriadu dychwelyd adref i Ghana i gyfrannu at gryfhau'r systemau iechyd cyhoeddus. Rwy'n angerddol iawn am addysg iechyd ac atal, ac rwy'n gobeithio defnyddio'r wybodaeth a'r sgiliau rydw i wedi'u hennill i greu effaith ystyrlon mewn cymunedau lleol.

Fyddech chi’n argymell Prifysgol Abertawe i fyfyrwyr eraill? Pam?

Byddwn, byddwn i'n bendant yn argymell Prifysgol Abertawe. Mae'r cymorth academaidd yn rhagorol, yn enwedig i fyfyrwyr rhyngwladol, ac mae'r amgylchedd dysgu yn gyfeillgar ac yn gynhwysol. Mae'r lleoliad hefyd yn fonws, gyda thraethau hardd a mannau gwyrdd sy'n ei wneud yn lle gwych i fyw ac astudio.

A ydych chi’n cymryd rhan mewn tîm chwaraeon, clwb a/neu gymdeithas ym Mhrifysgol Abertawe?

Ydw, rwy'n helpu gyda Discovery, y gymdeithas wirfoddol ar y campws. Mae wedi bod yn brofiad gwerth chweil sydd wedi caniatáu i mi roi rhywbeth yn ôl i'r gymuned leol, datblygu sgiliau newydd, a chysylltu â phobl o gefndiroedd amrywiol. Mae gwirfoddoli drwy Discovery wedi cyfoethogi fy amser yn Abertawe yn fawr iawn.

Ydych chi wedi byw mewn neuaddau preswyl/tai i fyfyrwyr neu gartref yn ystod eich astudiaethau?

Rydw i wedi byw mewn llety preifat ger y campws yn ystod fy astudiaethau. Rhoddodd fwy o annibyniaeth i mi tra'n dal i fod yn ddigon agos i gael mynediad hawdd at gyfleusterau'r brifysgol a chysylltu â ffrindiau. 

Ydych chi wedi defnyddio'r gwasanaethau cymorth i fyfyrwyr ym Mhrifysgol Abertawe?

Rydw i wedi canfod bod y Ganolfan Llwyddiant Academaidd yn ddefnyddiol iawn yn ystod fy astudiaethau. Mae ei gweithdai a'i chymorth unigol wedi gwella fy sgiliau academaidd, fel ysgrifennu'n feirniadol ac ymchwilio, sy'n hanfodol ar gyfer fy nghwrs. Mae'r ganolfan hefyd yn cynnig adnoddau a chanllawiau defnyddiol sy'n gwneud rheoli aseiniadau ac arholiadau yn llawer haws.

Os yn berthnasol, pa gyfleusterau ydych chi wedi mwynhau eu defnyddio fel rhan o’ch cwrs a pham?

Rydw i wedi mwynhau defnyddio'r llyfrgell yn fawr iawn oherwydd ei bod yn cynnig lle tawel gydag adnoddau helaeth sy'n fy helpu i ganolbwyntio ac astudio'n effeithiol. Rwyf hefyd yn defnyddio'r gampfa yn rheolaidd—mae'n ffordd wych o gadw'n iach a lleddfu straen yn ystod cyfnodau astudio prysur.