Fahmida Sultana

Beth yw eich tri hoff beth am Abertawe (y ddinas/ardal)?

Yr Arfordir a'r Traethau.Mae Abertawe yn gartref i rai o draethau mwyaf trawiadol y Deyrnas Unedig. Boed yn daith gerdded dawel ar hyd y lan neu'n gwylio'r machlud dros Benrhyn Gŵyr, mae harddwch naturiol yr arfordir yn fythgofiadwy.

Y cymysgedd o Ddinas a Natur. Yr hyn sy'n gwneud Abertawe'n arbennig yw'r cydbwysedd rhwng bywyd trefol a mannau gwyrdd. Mewn dim ond taith fer mewn car neu gerdded, gallwch fynd o ganol y ddinas i barciau heddychlon, coedwigoedd a llwybrau arfordirol. Mae Parc Singleton a Gerddi Clun yn lleoedd perffaith i ddianc am ychydig o lonydd.

Y Gymuned a'r Awyrgylch Diwylliannol. Mae awyrgylch cyfeillgar, cartrefol yn Abertawe. Mae marchnadoedd lleol, caffis annibynnol, a digwyddiadau fel Gŵyl Abertawe neu nosweithiau bwyd stryd ym Marchnad y Marina yn rhoi ymdeimlad cryf o gymuned a chreadigrwydd i'r ddinas.

Pam dewisoch chi astudio eich gradd yn Abertawe?

Dewisais Abertawe oherwydd ei bod yn cyfuno addysgu rhagorol ag awyrgylch cefnogol a chydweithredol. Roedd ymroddiad fy ngoruchwylwyr wedi fy ysbrydoli i wneud ymchwil effeithiol a'i chymhwyso yn y byd go iawn. Mae'r amgylchedd cyfeillgar a'r lleoliad arfordirol hardd yn ei gwneud yn lle delfrydol i dyfu'n academaidd ac yn bersonol.

Beth yw eich hoff beth am eich cwrs?

Fy hoff beth am fy nghwrs yw'r cyfle i ganolbwyntio fy ymchwil ar ecosystem mangrof Sundarbans. Mae astudio amgylchedd mor unigryw wedi caniatáu i mi ddatblygu sgiliau ymarferol mewn gwaith maes a dadansoddi data wrth gyfrannu at ddeall a gwarchod y cynefin pwysig hwn yn fyd-eang.

Beth rydych chi’n bwriadu ei wneud ar ôl i chi raddio?

Ar ôl i mi raddio, rwy'n bwriadu dilyn gyrfa mewn addysg. Rwy'n angerddol am rannu gwybodaeth ac  ysbrydoli myfyrwyr, a hoffwn ddefnyddio'r hyn rydw i wedi'i ddysgu, yn enwedig o'm hymchwil ar y Sundarbans, i annog ymwybyddiaeth amgylcheddol a chwilfrydedd gwyddonol yn yr ystafell ddosbarth.

Fyddech chi’n argymell Prifysgol Abertawe i fyfyrwyr eraill? Pam?

Byddwn, yn bendant byddwn yn argymell Prifysgol  Abertawe i fyfyrwyr eraill.  Mae'n cynnig addysgu o ansawdd uchel, staff cefnogol, a chyfleoedd ymchwil rhagorol. Mae'r awyrgylch cyfeillgar a'r lleoliad arfordirol hardd yn creu amgylchedd gwych ar gyfer twf personol ac academaidd. Mae'n lleoliad lle rydych chi'n teimlo eich bod chi wir yn cael eich gwerthfawrogi.