Hrisha Ramjee

Pam dewisaist ti astudio dy radd yn Abertawe?

Dewisais astudio ym Mhrifysgol Abertawe oherwydd bod enw da gan y radd BSc Economeg a Chyllid, mae ganddi safle uchel yn nhablau cynghrair ac mae graddedigion yn gweithio mewn cwmnïau mawr megis HSBC a PwC. Yn benodol, cefais fy nenu gan yr amrywiaeth eang o fodiwlau diddorol, yn enwedig yn y flwyddyn olaf, a oedd yn golygu fy mod yn medru teilwra fy astudiaethau. Roedd Abertawe hefyd yn cynnig Economeg a Chyllid wedi'u cyfuno i greu gradd sengl. Yn ogystal â hynny, roedd yr opsiwn o wneud blwyddyn mewn diwydiant yn apelio ataf oherwydd ei fod yn cynnig profiad gwaith gwerthfawr yn y byd go iawn.

Beth yw dy hoff beth am dy gwrs?

Mae fy nghwrs yn caniatáu i mi archwilio cymwysiadau ymarferol Economeg ar draws gwledydd gwahanol. Rydw i'n frwdfrydig am weithio â rhifau, lle rwy'n mwynhau datrys y cymhlethdodau a'r heriau amrywiol ym maes eang Cyllid.

Beth rwyt ti'n bwriadu ei wneud ar ôl i ti raddio?

Ar ôl graddio, rwy'n bwriadu chwilio am swydd raddedig, efallai yn Llundain, gyda'r nod o weithio tuag at yrfa mewn chwaraeon moduro a chyllid. Mae fy uchelgeisiau tymor hir yn cynnwys ennill cymwysterau cyllidol ac efallai ymgymryd ag astudiaethau pellach, gyda'r nod o ddechrau fy musnes fy hun a dod yn Brif Swyddog Gweithredol yn y pen draw.

A fyddet ti'n argymell Prifysgol Abertawe i fyfyrwyr eraill? Pam?

Byddwn, oherwydd mae'r cyfleoedd amryfal i ennill profiad ymarferol drwy flwyddyn mewn diwydiant ac interniaethau yn fantais sylweddol. Mae'r safon academaidd yn arbennig, yn enwedig ar gyfer cyrsiau fel Economeg a Chyllid. Yn olaf, mae'r lleoliad a phrofiad cyffredinol y myfyrwyr yn rhagorol oherwydd bod Abertawe yn ddinas brydferth, mae'r Brifysgol yn darparu bywyd myfyrwyr bywiog gyda nifer o glybiau a chymdeithasau sy'n caniatáu i fyfyrwyr barhau â’u diddordebau yn ogystal â datblygu diddordebau newydd.

A wnes di gymryd rhan mewn tîm chwaraeon, clwb a/neu gymdeithas ym Mhrifysgol Abertawe?

Do, roeddwn i'n rhan o'r Gymdeithas Ddawns am bedair blynedd ac roeddwn i'n Gydgysylltydd Digwyddiadau Cymdeithas Buddsoddiadau a Chyllid Prifysgol Abertawe.

Wyt ti wedi gwneud lleoliad gwaith fel rhan o'th gwrs (Blwyddyn mewn Diwydiant)?

Ydw, gweithiais fel Cynorthwy-ydd Cyflogadwyedd a Lleoliadau Gwaith Cyfadran y Dyniaethau a'r Gwyddorau Cymdeithasol ym Mhrifysgol Abertawe.

Wyt ti wedi gweithio’n rhan-amser yn ystod dy radd?

Ydw, cefais swyddi rhan-amser fel llysgennad myfyriwr, gweinyddes ac fel derbynnydd yn ystod fy ngradd.

Wyt ti wedi defnyddio'r gwasanaethau cymorth i fyfyrwyr ym Mhrifysgol Abertawe?

Ydw, cysylltais â’r gwasanaethau cymorth i fyfyrwyr gyda nifer o ymholiadau a chefais y cymorth roedd ei angen arnaf bob tro.

Os yn berthnasol, pa gyfleusterau wyt ti wedi mwynhau eu defnyddio fel rhan o dy gwrs a pham?

Mwynheais ddefnyddio'r llyfrgell ar Gampws y Bae oherwydd ei chyfleusterau ac oherwydd yr olygfa o'r môr a oedd yn creu amgylchedd astudio tawel a heddychlon. Hefyd, mwynheais ddefnyddio cyfleusterau'r gymdeithas ddawns.

Wnest ti ymuno â Phrifysgol Abertawe drwy Glirio. Os do - beth oedd dy brofiad o ymuno â'th gwrs drwy Glirio? 

Do, fe wnes i, a chefais brofiad cadarnhaol iawn gyda Phrifysgol Abertawe. Roedd yr aelod o staff y siaradais ag ef yn gwrtais ac yn barod i helpu. Roedd modd i mi astudio'r cwrs roeddwn i eisiau ei astudio ac roeddwn i'n hapus gyda'r canlyniad. Unwaith roeddwn i wedi cael y cynnig, sicrhaodd y Brifysgol fod gennyf yr wybodaeth angenrheidiol ar gyfer y camau nesaf.