Llety haf a thymor byr

Staff y Brifysgol

Anghofiwch am deithiau cymudo hir! Wrth aros ar y campws, gallwch fod yn agos at ddarlithoedd, llyfrgelloedd a chyfleusterau'r campws a mwynhau mynediad hwylus i leoliadau prydferth, caffis ac amgueddfeydd Abertawe yn ogystal â Phenrhyn Gŵyr. Gyda'n cyfraddau wythnosol cystadleuol, byddwch chi'n gwario llai ar lety a mwy ar yr hyn sy'n bwysig i chi.

Myfyrwyr y Brifysgol

Ydych chi’n fyfyriwr sy'n cymudo i Abertawe neu'n chwilio am lety yn ystod cyfnodau gwyliau? Manteisiwch ar ein hopsiynau llety fforddiadwy yn ystod y tymor. Mae llety Campws y Bae yn cynnig y cyfleustra o fyw yn agos i'r campws, gyda thelerau hyblyg sy’n cyd-fynd â’ch amserlen.

Ymchwilwyr ac Ysgolheigion sy'n ymweld

Ydych chi'n cydweithredu â Phrifysgol Abertawe ar aseiniad ymchwil neu brosiect academaidd tymor byr? Llety Campws y Bae yw'r cartref oddi cartref perffaith ar gyfer ymchwilwyr ac ysgolheigion sy'n ymweld. Gallwch fwynhau’r agosatrwydd at y gymuned academaidd wrth aros mewn cyfleusterau cyfforddus a modern.

Cyn-fyfyrwyr

Fel aelodau gwerthfawr o gymuned cyn-fyfyrwyr Prifysgol Abertawe, rydym yn eich croesawu i aros ar y campws wrth ymweld ag Abertawe. P'un a ydych yn dod i ddigwyddiadau, yn ailgysylltu â ffrindiau, neu'n mwynhau'r ddinas, mae ein hopsiynau llety'n darparu lleoliad cyfarwydd a chyfforddus yn ystod eich ymweliad.

Darpar Fyfyrwyr a'u Teuluoedd

Yn dod i ddiwrnod agored neu’n ymweld â'r campws? Mae llety Campws y Bae ar gael ar gyfer darpar fyfyrwyr a'u teuluoedd, gan wneud eich ymweliad â Phrifysgol Abertawe'n hwylus ac yn ddi-straen. Cewch aros yn agos at y campws, archwilio'r ardal, a chael teimlad am fywyd yn y brifysgol wrth fwynhau llety fforddiadwy a chyfleus.

Cyfranogwyr Cynadleddau a Digwyddiadau

Yn cynnal digwyddiad ym Mhrifysgol Abertawe neu’n dod i ddigwyddiad yma? Mae ein llety ar Gampws y Bae yn ardderchog ar gyfer cynadleddwyr sy'n chwilio am rywle cyfforddus i aros yn ystod eu digwyddiad. Gyda mynediad hawdd at leoliadau digwyddiadau a'r traeth, gallwch fwynhau gwaith ac amser hamdden yn ystod eich ymweliad.

Contractwyr y Brifysgol

Os ydych yn gweithio ar un o safleoedd Prifysgol Abertawe fel contractiwr, mae ein hopsiynau llety tymor byr yn cynnig ateb fforddiadwy a hwylus. Arhoswch yn agos i'ch prosiect a mwynhau cyfleustra ein cyfleusterau campws o’r radd flaenaf.

Ymwelwyr ag ardal Abertawe

Yn ymweld ag Abertawe at ddiben hamdden neu fusnes? Mae ein campws mewn lleoliad delfrydol i archwilio morlin hardd Bae Abertawe a’r atyniadau lleol. Hefyd, rydym wedi gweithio mewn partneriaeth â busnesau lleol i gynnig gostyngiadau arbennig i'n gwesteion, gan wneud eich ymweliad yn fwy pleserus byth.

Llety Fforddiadwy a Hyblyg

Rydym yn cynnig cyfraddau cystadleuol ac opsiynau cadw ystafell hyblyg ar gyfer arosiadau byr neu hir. P'un a ydych yn aros am ychydig o ddyddiau neu fisoedd, mae gennym gynllun sy'n gweithio i chi.

Mannau Byw Modern a Chyfforddus

Mae ein holl opsiynau llety wedi'u dodrefnu'n llawn gyda chyfleusterau modern, gan gynnwys Wi-Fi cyflym, ystafelloedd en suite, ceginau cymunedol ac ardaloedd astudio. Mae popeth sydd ei angen arnoch ar gyfer arhosiad cyfforddus a chynhyrchiol yma ar y campws.

Lleoliad heb ei ail

Wedi'i leoli ar hyd morlin hardd Bae Abertawe, mae ein campws yn cynnig golygfeydd godidog a mynediad hawdd i’r traeth. Gyda chysylltiadau cludiant ardderchog i ganol y ddinas ac atyniadau cyfagos, mae Campws y Bae yn lleoliad cyfleus ar gyfer gwaith neu archwilio.

Cymuned campws ffyniannus

Mae aros ar Gampws y Bae yn golygu ymuno â chymuned fywiog. Manteisiwch ar gaffis, bwytai, canolfannau ffitrwydd a digwyddiadau cymdeithasol ar y campws. P'un a ydych yma i weithio neu astudio, byddwch chi'n teimlo'n gartrefol.

Myfyrwyr/Staff / Ymchwilwyr ac Ysgolheigion sy'n ymweld

Cysylltwch â ni i drafod eich archeb.

Ymwelwyr Allanol/ Cyn-fyfyrwyr / Contractwyr

Gallwch weld yr amrywiaeth o ystafelloedd sydd ar gael, cymharu prisiau a sicrhau eich lle yng nghymuned campws fywiog Abertawe heddiw. Am ragor o wybodaeth ac i gadw ystafell, cliciwch ar y dolenni isod.

Private Ensuite Bedrooms at Bay Campus in Swansea - Flats for Rent in Skewen, Wales, United Kingdom - Airbnb

Cosy Ensuite Bedrooms with Private Bathroom at Bay Campus located in Swansea, Swansea (updated prices 2024) (booking.com)