Gwybodaeth i Ymwelwyr

Dyma oriau agor ein hystafell ddarllen

Mae pob ymweliad â'r Archifau trwy apwyntiad ymlaen llaw yn ystod Oriau Agor yr Ystafell Ddarllen. Dylid gwneud apwyntiadau o leiaf pump diwrnod gwaith cyn ymweld. Wrth wneud eich apwyntiad, rhaid i chi hefyd ddarparu'r rhifau cyfeirnod ar gyfer unrhyw ddeunyddiau o'n catalog ar-lein yr hoffech eu hymgynghori.

Cerdyn Archifau

Cyn i chi ymweld, cofrestrwch ar gyfer cerdyn Archifau:

Mae Archifau Richard Burton yn rhan o gynllun Cerdyn Archifau’r Archives and Records Association (ARA), ac mae angen i bob ymwelydd wneud cais am gerdyn er mwyn gweld deunydd archifol. Mae’r cynllun yn rhoi mynediad i chi i’r holl archifau sy’n cymryd rhan ledled y DU; mae’r cerdyn yn rhad ac am ddim ac yn ddilys am 5 mlynedd.

Er mwyn arbed amser wrth gyrraedd, rydym yn argymell eich bod yn dechrau’r broses gofrestru ar-lein cyn eich ymweliad. Gallwch ddysgu mwy am y Cerdyn Archifau a sut i wneud cais yma.

Os oes gennych gerdyn a gyhoeddwyd eisoes gan wasanaeth arall sy’n cymryd rhan, dewch ag ef gyda chi pan fyddwch yn ymweld.

Beth i'w ddisgwyl ar ddiwrnod eich ymweliad

Byddwch yn cael locer ar gyfer eich cot a'ch bagiau, a rhaid i chi olchi'ch dwylo cyn ymgynghori â'r deunydd. Bydd gel dwylo ar gael ond gall y gweddillion achosi niwed i ddogfennau felly rydym yn cynghori golchi'ch dwylo â sebon a dŵr cyn trin dogfennau.

Dylech ddod â'ch pensiliau a'ch papur eich hun i gymryd nodiadau. Ni chaniateir pennau.

Rydym yn argymell eich bod yn dod â'ch gliniadur neu dabled eich hun ac yn defnyddio ein Wi-Fi am ddim i gael mynediad i'r rhyngrwyd.

Gall staff yr Archif wneud gwaith llungopïo a sganio – gan gynnwys sganio cydraniad uchel – os rhoddir rhybudd ymlaen llaw. Cysylltwch â ni i gael manylion am y taliadau cyfredol.

Ar ddiwrnod eich ymweliad, bydd modd gofyn am gopïau, ond ni ellir eu paratoi ar y diwrnod ei hun. Bydd taliadau ac unrhyw gyfyngiadau hawlfraint yn berthnasol.

Fel arfer, caniateir tynnu lluniau eich hun yn yr Ystafell Ddarllen, ond mae cyfyngiadau'n berthnasol i rai deunyddiau. Gweler ein Canllawiau ar Dynnu Lluniau Eich Hun.

Rydym yn argymell eich bod yn cadarnhau ymlaen llaw bod modd tynnu lluniau eich hun o'r dogfennau rydych am eu gweld.

Os oes gennych unrhyw gwestiynau am atgynhyrchu dogfennau neu ofyn am gopïau ohonynt, cysylltwch â ni.

Mae dewis o gadeiriau gyda breichiau a hebddynt ar gael yn yr Archifau, ynghyd â byrddau y gellir addasu eu huchder. Os oes gennych unrhyw anghenion penodol, rhowch wybod i ni wrth wneud eich apwyntiad.

Mae toiledau, gan gynnwys toiled hygyrch, wedi'u lleoli yn y llyfrgell, ac mae toiled hygyrch arall a chyfleusterau newid babanod ar gael mewn adeiladau eraill ar y campws.

Mae gwasanaethau llyfrgell cynhwysol eraill ar gael.

Mae’r Archifau’n falch o dderbyn ymholiadau dros y ffôn, drwy e-bost neu mewn llythyr ynghylch y casgliadau sydd gennym. Gan nad ydym yn codi am ein gwasanaeth ymholiadau, nid oes modd i ni ymgymryd ag ymholiadau hir, ond byddwn yn ceisio cynorthwyo lle bynnag y bo’n bosibl. Gwerthfawrogwn pe gallech ddarparu cymaint o wybodaeth â phosib (megis enwau, amser a lleoliad).