Trosolwg
Mae Ella Rabaiotti yn Ddarlithydd Troseddeg ym Mhrifysgol Abertawe lle mae hefyd yn ymgymryd ag ymchwil i'r gwasanaeth prawf a chyfiawnder cymdeithasol, yn ogystal â maes ehangach diogelwch cymunedol. Mae'n cynnull Grŵp Datblygu'r Gwasanaeth Prawf Canolfan Troseddu a Chyfiawnder Cymdeithasol Cymru ac mae'n aelod o fwrdd Swyddfa Ymchwil i Heriau Lleol Prifysgol Abertawe.
Mae gan Ella dros 20 mlynedd o brofiad yn gweithio ym maes cyfiawnder troseddol a chymdeithasol, gan gynnwys sawl blwyddyn ar lefel uwch reolwr. Mae’n Swyddog Prawf cymwys, ac mae wedi gweithio ym maes cyfiawnder oedolion ac ieuenctid, ac wedi arwain ar brosiectau ymgysylltu â defnyddwyr, Rheoli Troseddwyr Integredig a Chyfiawnder Adferol.
Ella oedd Rheolwr cyntaf Cymru Crimestoppers, gan ysgrifennu a chynhyrchu ffilmiau atal troseddau a phecynnau addysg ar gyfer ei gynllun ieuenctid 'Fearless'. Ar ôl gwneud ymchwil gweithredu o fewn yr elusen, aeth ymlaen i sefydlu Rhwydwaith Cymunedau Mwy Diogel Cymru, cyn cyflwyno ei sgiliau a'i phrofiad i'r byd academaidd.
Cafodd ymdrechion Ella i gyd-ddatblygu elusen sy'n cael ei harwain gan ddefnyddwyr gwasanaeth ar gyfer cyn-droseddwyr i gynyddu eu sgiliau cyflogadwyedd ei chydnabod yng Ngwobrau Arwain Cymru 2015.